20:27 08.03.2021
Գերմանիայի մի շարք շրջանների իշխանությունները մարտի 8-ից սկսել են մեղմացնել կորոնավիրուսային համավարակով պայմանավորված սահմանափակումները՝ կախված տվյալ նահանգում տիրող կորոնավիրուսային իրավիճակից։ РИА Новости գործակալության փոխանցմամբ՝ որոշ նահանգներում բացվել են խանութները և թանգարանները:
Գերմանիայի կանցլեր Անգելա Մերկելի և նահանգների ղեկավարների միջև մարտի 3-ին կայացած հանդիպման ժամանակ որոշում էր կայացվել մարտի 8-ից հիվանդացության ցածր ցուցանիշ ունեցող շրջաններում մեղմացնել սահմանափակումների ռեժիմը, որը գործում է 2020 թվականի նոյեմբերի 2-ից:
Միևնույն ժամանակ, գործում է «արտակարգ արգելակման» մեխանիզմ, այսինքն՝ եթե երեք օրվա ընթացքում տարածաշրջանում դեպքերն աճում և հասնում են որոշակի մակարդակի, ապա իշխանությունները կարող են չեղյալ հայտարարել մարտի 8-ից ներդրված մեղմացումները:
Այսպիսով, թույլատրվում է երկու տնային տնտեսությունների ներկայացուցիչների մասնավոր հանդիպումներ հինգ հոգու մասնակցությամբ, իսկ մաքուր օդում կարելի է հանդիպել մինչև 10 հոգանոց խմբերով։ Ամբողջ երկրում վերաբացվել են ոչ մթերային խանութները, սակայն հաճախորդների թիվը հարկավոր է վերահսկել։
Բացի այդ, մի շարք նահանգներում վերաբացվել են թանգարանները, պատկերասրահները, հուշահամալիրները, կենդանաբանական և բուսաբանական այգիները, որոնք, ինչպես խանութները, կարող են այցելուների ընդունել՝ թվաքանակի վերահսկմամբ (1 հաճախորդ 10, 20 կամ 40 քմ տարածքի հաշվով):
Բեռլինում և Համբուրգումը կարող են նաև վերաբացվել գեղեցկության սրահները, եղունգների և դաջվածքների սրահները այն հատվածներում, որտեղ հիվանդացության մակարդակը ցածր է։
Սահմանափակող միջոցառումների համազգային ռեժիմը Գերմանիայում մտցվել էր նոյեմբերի 2-ին։ Դեկտեմբերի 16-ից այն խստացավ՝ հասնելով լոքդաունի մակարդակի, սակայն փետրվարից մեղմվեց, մասնավորապես՝ մանկապարտեզներն ու դպրոցները վերսկսեցին աշխատանքը, իսկ մարտի 1-ից վերաբացվեցին վարսավիրանոցները։
Գերմանիայում մինչև օրս կորոնավիրուս է հայտնաբերվել ավելի քան 2,5 միլիոն մարդու մոտ, հիվանդությունը 72 հազարից ավելի մարդու կյանք է խլել։
00:09 14.05.2025
«Երիտասարդ արքա»․ Ռեշֆորդը՝ Յամալի մասին
00:30 14.05.2025
Լիլիթ Մակունցը հայ գործարարների հետ քննարկել է ՀՀ-ԱՄՆ տնտեսական և առևտրային համագործակցությանը վերաբերող հարցերՄայիսի 12-ին ԱՄՆ-ում ՀՀ դեսպան Լիլիթ Մակունցը դեսպանությունում հյուրընկալեց «SelectUSA» ներդրումային գագաթաժողովի շրջանակներում Վաշինգտոն ժամանած հայ գործարար համայնքի ներկայացուցիչներին։ Այս մասին հայտնել են ԱՄՆ-ում ՀՀ դեսպանությունից։ Հանդիպմանը քննարկվեցին ՀՀ-ԱՄՆ տնտեսական և առևտրային համագործակցությանը վերաբերող հարցեր, ինչպես նաև ԱՄՆ-ում ՀՀ դեսպանության և հայ գործարար շրջանակների համագործակցության հնարավորությունները։ ...
00:19 14.05.2025
ՀՀ ՏԿԵ նախարարի տեղակալն ընդունել է Արաբական Միացյալ Էմիրությունների Royal Investment Bureau ներդրումային ընկերության պատվիրակությանըՀՀ տարածքային կառավարման և ենթակառուցվածքների նախարարի տեղակալ Քրիստինե Ղալեչյանն ընդունել է Արաբական Միացյալ Էմիրությունների Royal Investment Bureau ներդրումային ընկերության պատվիրակությանը՝ գործադիր տնօրեն Սուլթան Իսա Ալ Մատրուշիի գլխավորությամբ։ Այս մասին հայտնել են ՏԿԵ նախարարությունից: Հանդիպման ընթացքում Սուլթան Իսա Ալ Մատրուշին ներկայացրել է ընկերության գործունեության հիմնական ուղղությունները և հարուստ փորձը։ Միաժամանակ հայտնել է, որ Royal Investment Bureau-ն […] ...
00:09 14.05.2025
«Երիտասարդ արքա»․ Ռեշֆորդը՝ Յամալի մասին«Մանչեսթեր Յունայթեդի» հարձակվող Մարկուս Ռեշֆորդը, որը վարձավճարով խաղում է «Ասթոն Վիլայում», գովել է «Բարսելոնայի» և Իսպանիայի հավաքականի երիտասարդ հարձակվող Լամին Յամալին։ «Երիտասարդ արքա» — գրել է Ռեշֆորդը X սոցիալական ցանցում։ 17-ամյա Յամալը «Բարսելոնայի» առաջին թիմում խաղում է 2023 թվականից։ Այս մրցաշրջանում նա բոլոր մրցաշարերում անցկացրել է 52 խաղ և կատարել 40 արդյունավետ գործողություն (16 գոլ […] ...
23:59 13.05.2025
«Եռաբլուր» զինվորական պանթեոնին հարող լանջերի շուրջ նոր քաղաքային անտառ է հիմնվելՏասնամյակներ շարունակ անխնամ մնացած ու շինաղբով պատված «Եռաբլուր» զինվորական պանթեոնին հարող լանջերի շուրջ 15 հա տարածքում ևս նոր քաղաքային անտառ ենք հիմնել. անցկացվել է 7 կմ ոռոգման նոր ցանց: Այս մասին Ֆեյսբուքի իր էջում գրել է Երևանի քաղաքապետ Տիգրան Ավինյանը: «Վերջին 3 տարում Երևանում ընդհանուր առմամբ ավելացրել ենք շուրջ 55 հա նոր կանաչ տարածք, որից […] ...
23:53 13.05.2025
Թբիլիսյան խճուղում բախվել են «Chevrolet»-ն ու «Kia»-ն. կա վիրավորՄայիսի 13-ին, ավտովթար է տեղի ունեցել Երևանում։ Ժամը 20:10-ի սահմաններում Թբիլիսյան խճուղում բախվել են Արարատի մարզի բնակիչ 39-ամյա Նելսոն Ս.-ի վարած «Kia» մակնիշի և Կոտայքի մարզի բնակիչ 25-ամյա Բագրատ Ս.-ի վարած «Chevrolet» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով «Chevrolet»-ի վարորդը տեղափոխվել է հիվանդանոց։ Վթարի մասին ՊԾ Երևան քաղաքի գնդից տեղեկությունը փոխանցել են ՀՀ […] ...
23:47 13.05.2025
Պեսկով. Ռուսաստանի պատվիրակությունը մայիսի 15-ին Ստամբուլում կսպասի ուկրաինացի ներկայացուցիչներինՌուսական պատվիրակությունը հինգշաբթի օրը կլինի Ստամբուլում և այնտեղ կսպասի ուկրաինական կողմին։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը՝ պատասխանելով ВГТРК -ի լրագրող Պավել Զարուբինի հարցին։ «Մենք գնահատում ենք միայն (խմբ.Ռուսաստանի) նախագահ Վլադիմիր Պուտինի հայտարարությունները, որն առաջարկել էր հինգշաբթի օրը Ստամբուլում պատվիրակությունների միջև բանակցություններ անցկացնել։ Մեր պատվիրակությունը կլինի այնտեղ և կսպասի ուկրաինական կողմին», – […] ...
