12:05 18.03.2021
Երեկվանից արտասահմանյան լրատվամիջոցների քննարկման գլխավոր թեման է դարձել ԱՄՆ նախագահ Ջո Բայդենի աղմկահարույց հարցազրույցը, որը, կարծես, ավելի է սրել Վաշինգտոն-Մոսկվա լարվածությունը։
Հարցազրույցին նախորդել էր ամերիկյան հետախուզության զեկույցը, համաձայն որի՝ Մոսկվան Վլադիմիր Պուտինի կարգադրությամբ միջամտել է 2020թ.-ի ընտրություններին՝ փորձելով վարկաբեկել Բայդենին և ընտրությունների արդյունքը փոխել՝ հօգուտ հանրապետական Դոնալդ Թրամփի։
«Ի՞նչ գին կվճարի Պուտինը դրա համար»,- հարցնում է լրագրող Ջորջ Ստեֆանոպուլոսը։
«Նա կվճարի։ Մենք երկար զրույց ենք ունեցել։ Ես նրան բավական լավ գիտեմ, և զրույցի ընթացքում ասացի՝ ես ճանաչում եմ Ձեզ, իսկ Դուք՝ ինձ։ Եթե ես հաստատեմ, որ դա տեղի է ունեցել, ուրեմն՝ պատրաստվեք», – պատասխանում է Ջո Բայդենը։
Լրագրողը նաև հարցնում է՝ արդյո՞ք ԱՄՆ նախագահը Պուտինին ասել է, որ վերջինս հոգի չունի։
«Այո՛, ես նրան նման բան ասել եմ։ Իսկ նրա պատասխանը հետևյալն էր՝ մենք միմյանց հասկանում ենք», – նշում է Սպիտակ տան ղեկավարը։
Բայդենը նաև շեշտել է, որ օտարերկրյա ղեկավարների հետ աշխատանքում ամենակարևորը դիմացինին ճանաչելն է։
«Եվ այսպես, Դուք գիտեք Վլադիմիր Պուտինին։ Կարծում եք՝ նա մարդասպա՞ն է», – հարցնում է լրագրողը։
«Ըհը, այո՛», – այսպիսի պատասխան է հնչեցնում ԱՄՆ նախագահը։
Բայդենը դարձյալ նշել է, որ շուտով բոլորը կտեսնեն, թե Պուտինն ինչ գին կվճարի։
EXCLUSIVE: Pres. Biden told @GStephanopoulos that he agreed Russian President Vladimir Putin is a "killer" and will "pay a price" for interfering in U.S. elections. https://t.co/rIe2ms8sSv pic.twitter.com/VtAGCvF9hp
— Good Morning America (@GMA) March 17, 2021
Արձագանքելով ԱՄՆ նախագահական ընտրություններին Ռուսաստանի միջամտության վերաբերյալ զեկույցին՝ ՌԴ նախագահի խոսնակ Դմիտրի Պեսկովը հայտարարել է, որ այդ մեղադրանքներն անհիմն են և ավելի կվնասեն երկկողմ հարաբերությունները։
Իսկ Ջո Բայդենի հարցազրույցից հետո Ռուսաստանը Միացյալ Նահանգներում իր դեսպանին կանչել է խորհրդակցությունների։ Անատոլի Անտոնովը Մոսկվա կմեկնի մարտի 20-ին։ Ըստ ՌԴ արտգործնախարարության տարածած հայտարարության՝ քննարկումների ընթացքում կվերլուծվեն Վաշինգտոնի հետ հարաբերությունները։
«Մեզ համար կարևոր է պարզել, թե ինչ ուղիներով կարելի է շտկել ծանր վիճակում գտնվող ռուս-ամերիկյան հարաբերությունները, որոնք վերջին տարիներին Վաշինգտոնն, ըստ էության, փակուղի է մտցրել: Մենք շահագրգռված ենք կանխել դրանց անդառնալի վատթարացումը, եթե ամերիկացիները գիտակցում են դրա հետ կապված ռիսկերը», – գրված է հայտարարության տեքստում։
ԱՄՆ-ում Ռուսաստանի դեսպանությունն իր հերթին Facebook-ի իր էջում գրել է, որ «ամերիկյան ղեկավարների առանձին չմտածված հայտարարությունները սպառնալիքի տակ են դնում արդեն իսկ չափազանց առճակատային հարաբերությունները՝ միևնույն ժամանակ շեշտելով, որ Մոսկվան կողմ է երկխոսության հաստատմանը։
23:00 20.08.2025
Օգոստոսի 21-ին կդադարեցվի Երևանի որոշ հասցեների գազամատակարարումը«Գազպրոմ Արմենիա» ընկերությունը տեղեկացնում է, որ ձմռան նախապատրաստական, պլանային աշխատանքներ իրականացնելու նպատակով՝ օգոստոսի 21-ին ժամը 10:00-ից մինչև ժամը 18:00-ն, կդադարեցվի Երևան քաղաքի Աջափնյակ վարչական շրջանի Լենինգրադյան փողոցի թիվ 27/3 հասցեում գտնվող բազմաբնակարան շենքի Ա, Բ, Գ, և Դ մասնաշենքերի («Լույսեր» բնակելի համալիրի) գազասպառողների գազամատակարարումը։ Ընկերությունը հայցում է գազասպառողների ներողամտությունը և խնդրում պահպանել անվտանգության պահանջները: ...
22:58 20.08.2025
Երևանի քաղաքապետարանի հասարակական կարգի պահպանության ծառայության աշխատակիցները շարունակում են ստուգայցեր իրականացնել հանրային տրանսպորտումԵրևանի քաղաքապետարանի հասարակական կարգի պահպանության ծառայության աշխատակիցները շարունակում են ստուգայցեր իրականացնել հանրային տրանսպորտում։ Այս մասին հայտնել են Երևանի քաղաքապետարանից: Անցած երկու օրերի ընթացքում առանց տոմս երթևեկելու, այլ անձի արտոնությունից օգտվելու և հանրային տրանսպորտի վճարումը չկատարելու համար կազմվել է շուրջ 110 արձանագրություն։ Մանրամասները՝ տեսանյութում: ...
22:54 20.08.2025
Պորտուգալիայի ընտրանու առաջատարներից մեկը կարող է բաց թողնել Հայաստանի ընտրանու հետ հանդիպումը2026 թվականի աշխարհի առաջնության որակավորման փուլի շրջանակներում Հայաստանի ազգային հավաքականը սեպտեմբերի 6-ին «Հանրապետական» մարզադաշտում կհյուրընկալի Պորտուգալիայի հավաքականին: Մեծ է հավանականությունը, որ «Միլանի» և Պորտուգալիայի հավաքականի հարձակվող Ռաֆայել Լեաուն բաց կթողնի Հայաստանի հավաքականի հետ հանդիպումը վնասվածքի պատճառով։ Լրատվամիջոցների տվյալներով՝ նա խաղադաշտ կվերադառնա միջազգային դադարից հետո և կմասնակցի Ա Սերիայի երրորդ տուրի խաղին։ ...
22:49 20.08.2025
Երևանում խոշոր հրդեհ է բռնկվել․ հրշեջները ավտոտնակում հայտնաբերել են անգիտակից տղամարդու ու նրան մոտեցրել շտապօգնությանըՕգոստոսի 20-ին, խոշոր հրդեհ է տեղի ունեցել Երևանում։ Ժամը 21։20-սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Մամիկոնյանց փողոցի 34 Գ շենքի մոտ ավտոտնակներից մեկում կրակ է ծուխ է նկատվում։ Ինչպես հայտնում է shamshyan.com-ը, օպերատիվորեն ժամանել են Երևանի թիվ 5-րդ հրշեջ փրկարարական ջոկատից՝ 1 մարտական հաշվարկ։ Հրշեջ […] ...
22:43 20.08.2025
Լուսառատ գյուղում «Mercedes»-ում հրդեհ է բռնկվել․ հրշեջները կանխել են դրա տարածումըՕգոստոսի 20-ին, արտակարգ դեպք է տեղի ունեցել Արարատի մարզում։ Ժամը 16։50-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Լուսառատ գյուղում ավտոմեքենա է այրվում։ Ինչպես հայտնում է shamshyan.com-ը, օպերատիվորեն ժամանել են Վեդիի հրշեջ փրկարարական ջոկատից՝ 1 մարտական հաշվարկ։ Հրշեջ փրկարրաները նախ կանխել են Արարատի մարզի բնակիչ 21-ամյա […] ...
22:37 20.08.2025
«Նոայի» հայտացուցակը ԿԼ-ի որակավորման փլեյ-օֆֆում«Նոայի» մամուլի ծառայությունը ներկայացրել է Կոնֆերենցիաների լիգայի որակավորման փլեյ-օֆֆի համար նախատեսված հայտացուցակը։ Դարպասապահներ. Օգնյեն Չանչարևիչ, Արթուր Կոնեգլյան, Կիմ Թովմասյան, Դավիթ Ավետիսյան։ Պաշտպաններ. Սերգեյ Մուրադյան, Գուդմունդուր Թորարինսոն, Էրիկ Բոակյե, Հովհաննես Համբարձումյան, Դավիդ Սուալեհե, Գունսալու Սիլվա, Ներմին Զոլոտիչ։ Կիսապաշտպաններ. Արտակ Դաշյան, Իմրան Ուլադ Օմար, Տակուտո Օշիմա, Զավեն Խուդավերդյան, Գոռ Մանվելյան, Յան Էթեկի, Հովհաննես Հարությունյան։ Հարձակվողներ. Հելդեր Ֆերեյրա, […] ...
