12:14 29.01.2018
ԱԺ Տարաշքային կառավարման, ՏԻՄ, գյուղատնտեսության և բնապահպանության հարցերի մշտական հանձնաժողովում նախատեսվում է քննարկել կառավարության կողմից նախաձեռնած «Առևտրի և ծառայությունների մասին» օրենքում փոփոխություններ կատարելու վերաբերյալ նախագիծը, որով նախատեսվում է նոր խաղի կանոններ սահմանել գիշերային ակումբների և գիշերային ժամանցի այլ տեսակների համար:
Գործող օրենքով սահմանվում է համայնքներում գործող առեւտրի, հանրային սննդի, զվարճանքի, շահումով խաղերի և վիճակախաղերի կազմակերպման օբյեկտներին, բաղնիքներին (սաունաներին), խաղատներին ժամը 24.00-ից հետո աշխատելու թույլտվություն տալու կարգը, սակայն հստակեցված չէ այդ օբեկտների տեղեկայման կարգը, ինչի արդյունքում շատ գիշերային ակումբներ ու նմանօրինակ ժամանցի վայրեր հայտնվել են բազմաբնակարան շենքերի հարեվանությամբ կամ նկուղներում ու գիշերվա ժամերին աղմուկի, բարձր երաժշտության պատճառով խանգարում են քաղաքացիների հանգիստը:
Նոր օրենքի նախագիծը նախատեսում է մի շարք սահմանափակումներ: Մասնավորապես օրենքի նախագծով արգելվում է՝
1.Կարաոկեն, դիսկոտեկը, հեստապարային, այսինքն՝ ստրիպտիզ ակումբը, սաունան, բաղնիքը եւ շոգեբաղնիքը բազմաբնակարան շենքի բնակելի և ոչ բնակելի տարածքում, ինչպես նաև կրթական և պատմամշակութային հաստատությունների, պետական և տեղական ինքնակառավարման մարմինների վարչական շենքերի, բժշկական հաստատությունների տարածքներում տեղակայելը:
2.Սահմանափակման ենթակա ծառայության օբյեկտների (կարաոկե, դիսկոտեկ, հեստապարային ակումբ, բաղնիք, սաունա եւ շոգեբաղնիք) գործունեության թույլտվությունը տրամադրում է համայնքի ղեկավարը, իսկ Երևան քաղաքում` Երևանի քաղաքապետը:
3.Սահմանափակման ենթակա ծառայության օբյեկտների տեղակայմանը և հեռավորությանը վերաբերող պահանջները սահմանելու է համայնքի ավագանին:
Օրենքի պահանջները չկատարելու դեպքում պաշտոնատար անձանց համար սահմանվում է 50 հազարից մինչև 500 հազար դրամի չափով տուգանք, իսկ նույն արարքը մեկ տարվա ընթացքում կրկնելու դեպքում՝ 200 հազարից մինչեվ 1 միլիոն 300 հազար դրամի չափով տուգանք:
Ավագանու կողմից սահմանված ժամերին՝ օրինակ 22.00-ից մինչև 7.00-ն, 23.00-ից մինչև 7.00-ն և 24.00-ից մինչև 7.00-ն, լռությունը կամ գիշերային անդորրը չապահովելը՝առաջացնում է տուգանքի նշանակում՝ սահմանված նվազագույն աշխատավարձի երկուհարյուրապատիկից մինչեւ երեքհարյուրապատիկի չափով:
Իսկ եթե նույն արարքը կրկնվում է մեկ տարվա ընթացքում, ապա տվյալ օբեկտը կտուգանվի 1 միլիոն դրամով:
00:00 30.04.2025
PFAS պոլիմերների ազդեցությունը առողջության և շրջակա միջավայրի վրաԵվրոպական շրջակա միջավայրի գործակալության նոր զեկույցը ահազանգում է՝ նախկինում համեմատաբար անվնաս համարվող PFAS պոլիմերները (հայտնի որպես “հավերժ քիմիական նյութեր”) կարող են լուրջ ռիսկեր ներկայացնել ինչպես մարդու առողջության, այնպես էլ շրջակա միջավայրի համար։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից: PFAS պոլիմերներն օգտագործվում են ամենօրյա ապրանքներում՝ տեքստիլ, կոսմետիկա, էլեկտրոնիկա և նույնիսկ «կանաչ» տեխնոլոգիաներում։ Ինչո՞վ […] ...
23:58 29.04.2025
Կաթիլային և անձրևացման ոռոգման համակարգեր. Արդյունավետության բարձրացում գյուղատնտեսությունումԿաթիլային և անձրևացման ոռոգման համակարգերը կազմում են ժամանակակից գյուղատնտեսական ոռոգման հիմքը՝ խնայելով ջրային ռեսուրսները և բարձրացնելով բերքի որակական և քանակական հատկանիշները: Այս մասին հայտնել են ՀՀ էկոնոմիկայի նախարարությունից: Կաթիլային և անձրևացման ոռոգման համակարգերը բաղկացած են հետևյալ հանգույցներից և տարրերից՝ Ջրաղբյուր (պոմպակայան կամ ինքնահոս ճնշումային) Ֆիլտրացման հանգույց Պարարտանյութի պատրաստման և ներմուծման հանգույց Գլխավոր խողովակաշար Ճնշման կարգավորիչներ […] ...
23:56 29.04.2025
Ամենայն Հայոց Կաթողիկոսը հյուրընկալեց Վրաստանի նախագահինԱպրիլի 29-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում հյուրընկալեց պաշտոնական այցով Հայաստանում գտնվող Վրաստանի նախագահ Միխեիլ Կավելաշվիլիին։ Ողջունելով նախագահի այցը Հայաստան և Մայր Աթոռ Սուրբ Էջմիածին` Հայոց Հայրապետն անդրադարձավ երկու ժողովուրդների դարավոր բարեկամությանը։ Այս առնչությամբ Նորին Սրբությունը նկատեց, որ պատմության ընթացքում հայ և վրաց ժողովուրդները, ապավինած իրենց քրիստոնեական […] ...
23:53 29.04.2025
Երևանում անցկացվել է պարին նվիրված ֆլեշմոբՊարի միջազգային օրվա շրջանակում ԿԳՄՍ նախարարության նախաձեռնությամբ ՀՀ մարզերում և Երևանում անցկացվել է պարին նվիրված հանրային արշավ՝ ֆլեշմոբի ձևաչափով: Այս մասին հայտնել են ԿԳՄՍ նախարարությունից: Երևանում ֆլեշմոբն իրականացվել է 4 հարթակում՝ Ազատության հրապարակում, Հյուսիսային պողոտայում, Հանրապետության հրապարակում և ԿԳՄՍ նախարարության մուտքին հարող տարածքում: Ֆլեշմոբը մեկնարկել է ավանդական քոչարու երաժշտությամբ․ քոչարին ընդգրկված է ՅՈՒՆԵՍԿՕ-ի ոչ նյութական […] ...
23:49 29.04.2025
Հայտնաբերվել է որպես անհետ կորած որոնվող 50-ամյա տղամարդու դինԱպրիլի 22-ին հաղորդվել էր 1975 թվականին ծնված Արման Մարտիրոսյանի անհետ կորելու մասին: Համայնքային ոստիկանության Լոռու մարզային վարչության, Ստեփանավանի բաժնի և Փրկարար ծառայության Լոռու մարզի ծառայողների համատեղ ձեռնարկած որոնողական աշխատանքների արդյունքում ապրիլի 25-ին՝ ժամը 13.30-ի սահմաններում, Ստեփանավան քաղաքի Աշոտաբերդ թաղամասի հարակից անտառում հայտնաբերվել է Արման Մարտիրոսյանի դին՝ ծառից կախված վիճակում: Կատարվում է նախաքննություն: Ծանուցում. Ենթադրյալ հանցանքի […] ...
23:46 29.04.2025
ԿԳՄՍ նախարարը հանդիպել է աշակերտների և ուսանողների հետԿԳՄՍ նախարար Ժաննա Անդրեասյանը հանդիպել է աշակերտների և ուսանողների հետ։ Հանդիպմանը ներկա են եղել նաև «Լուսե» վերականգնողական կենտրոնի սաները և ազգությամբ եզդի երիտասարդներ։ Այս մասին հայտնել են ԿԳՄՍ նախարարությունից: «Լուսե» կենտրոնի սաներն անդրադարձել են ներառական կրթության հետ կապված հարցերին, իսկ եզդի երիտասարդները բարձրացրել են իրենց համայնքի կրթության վերաբերյալ խնդիրները։ Նախարարի հետ հանդիպումները կազմակերպվում են ամեն […] ...
