10:44 06.07.2018
Նոր Հայաստանը չպետք է հանդուրժի չարաշահման որևէ դրսևորում` ով էլ լինի այդ չարաշահողը: Դե իսկ կոնկրետ Արա Վարդանյանի գործով եկեք սպասենք քննության արդյունքներին։ Այս մասին ֆեյսբուքյան իր էջում գրել է ՀՀ սփյուռքի նախարար Մխիթար Հայրապետյանը։
«Այսօր սփյուռքի նախարարության մամուլի խոսնակ Նունե Այլանջյանը բազմաթիվ զանգեր է ստացել տարբեր լրատվականներից, որոնք ցանկացել են լսել իմ մեկնաբանությունը` կապված «Հայաստան» համահայկական հիմնադրամի տնօրեն Արա Վարդանյանի ձերբակալման հետ (ի դեպ, նա արդեն 1 մլն դրամ գրավի դիմաց ազատ է արձակվել):
Ըստ ԱԱԾ-ի` վերջին շաբաթվա ընթացքում Վարդանյանը հիմնադրամի բանկային քարտից մոտ 14 միլիոն դրամ է փոխանցել օնլայն խաղատներին, իսկ 2016-2018 թվականների ժամանակահատվածում այդ գումարը կազմել է շուրջ 130 միլիոն դրամ: Սակայն Արա Վարդանյանն, ըստ իր փաստաբանի, չի ընդունել մեղադրանքը: Մասնավորապես, մեղադրվող կողմն, ընդունելով, որ Վարդանյանը իսկապես հիմնադրամից հանել է այդ գումարները` անձնական նպատակներով օգտագործելու համար, այնուամենայնիվ, հայտարարել է, որ վարկային քարտից վատնած միջոցները Վարդանյանը հետ է վերադարձրել հիմնադրամին հանգանակված գումարների հաշվին:
Հաշվի առնելով վերոշարադրյալը` այս փուլում ես կխուսափեմ գնահատական տալուց. թող քննությունը պարզի` Վարդանյանը արդյո՞ք վերադարձրել է գումարները հիմնադրամ, թե՞ ոչ: Սակայն պետք է արձանագրել, որ երեկ Ազգային անվտանգության ծառայության տնօրեն Արթուր Վանեցյանը նշել էր` այն փաստը, որ Վարդանյանն օգտվել է այդ վարկային գծից, արդեն իսկ քրեորեն պատժելի է։
Այս թեմայի վերաբերյալ այժմ միայն մեկ բան կասեմ: Բարձրաստիճան որևէ պաշտոնատար անձ` լինեմ ես` Մխիթար Հայրապետյանս, լինի Արա Վարդանյանը, թե որևէ այլ պաշտոնյա, մեկ դրամ յուրացնելու դեպքում արդարադատության կողմից ապտակ է ստանալու` օրենքի շրջանակներում, բայց և օրենքի ողջ խստությամբ: Նոր Հայաստանը չպետք է հանդուրժի չարաշահման որևէ դրսևորում` ով էլ լինի այդ չարաշահողը: Դե իսկ կոնկրետ Արա Վարդանյանի գործով, կրկնում եմ, եկեք սպասենք քննության արդյունքներին»,-ասված է գրառման մեջ:
https://www.facebook.com/MkhitarHayrapetyanOfficial/posts/489407241524411
11:56 28.06.2025
Անդրանիկ Սիմոնյանը նշանակվել է ազգային անվտանգության ծառայության տնօրենՀՀ վարչապետ Նիկոլ Փաշինյանը որոշում է ստորագրել Անդրանիկ Սիմոնյանին ազգային անվտանգության ծառայության տնօրեն նշանակելու մասին. «Ղեկավարվելով «Հանրային ծառայության մասին» օրենքի 9-րդ հոդվածի 5-րդ մասով և «Ազգային անվտանգության մարմինների մասին» օրենքի 4.1-ին հոդվածի 2-րդ մասով՝ Անդրանիկ Սիմոնյանին նշանակել ազգային անվտանգության ծառայության տնօրեն»: ...
10:26 28.06.2025
Միքայել արքեպիսկոպոս Աջապահյանը կկալանավորվի երկու ամսովԵրևանի ընդհանուր իրավասության քրեական դատարանը (Ավան նստավայր)` դատավոր Մասիս Մելքոնյանի գլխավորությամբ, բավարարեց Հայ Առաքելական եկեղեցու Շիրակի թեմի առաջնորդ Միքայել արքեպիսկոպոս Աջապահյանի կալանքի միջնորդությունը։ Աջապահյանը կկալանավորվի երկու ամսով։ ...
10:15 28.06.2025
Միքայել Աջապահյանի նկատմամբ քրեական հետապնդում հարուցելու հիմքերից մեկը 2025 թվականի հունիսի 21-ին իշխանությունը զավթելուն ուղղված հրապարակային կոչն էՄիքայել (Գևորգ) Արտաշեսի Աջապահյանի նկատմամբ 2025 թվականի հունիսի 26-ին կայացված՝ հանրային քրեական հետապնդում հարուցելու մասին որոշման հիմք է հանդիսացել 2025 թվականի հունիսի 21-ին, զանգվածային լրատվության միջոցների ներկայացուցիչներին տրված հարցազրույցների ընթացքում իշխանությունը զավթելուն ուղղված հրապարակային կոչեր հնչեցնելը, որտեղ նա վերահաստատել է 2024 թվականի փետրվարի 3-ին տրված հարցազրույցում հնչեցրած՝ հեղաշրջում կատարելու և իշխանությունը ՀՀ Սահմանադրությամբ չնախատեսված եղանակներով՝ բարձրաստիճան […] ...
09:34 28.06.2025
Երկրաշարժ Սպիտակ քաղաքից 8 կմ հյուսիսՀունիսի 28-ին` տեղական ժամանակով ժամը 01:40-ին (Գրինվիչի ժամանակով` հունիսի 27-ին ժամը 21։40-ին), ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.90⁰ և արևելյան երկայնության 44․28⁰ աշխարհագրական կոորդինատներով Հայաստան՝ Սպիտակ քաղաքից 8 կմ հյուսիս, օջախի 10 կմ խորությամբ 2․9 մագնիտուդով երկրաշարժ։ Էպիկենտրոնային գոտում ստորգետնյա ցնցման ուժգնությունը կազմել է 4 բալ: Երկրաշարժը […] ...
21:55 27.06.2025
Երևանի և մարզերի որոշ հասցեներում լույս չի լինի«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ հունիսի 30-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Կենտրոն վարչական շրջան՝ 11:00-17:00 Թումանյան փ. 30, 32, 34 շենքեր, Թումանյան փ. 21 շենք և հարակից ոչ բնակիչ-բաժանորդներ, Տերյան փ. 42 շենք և հարակից ոչ բնակիչ-բաժանորդներ, Աբովյան փ. 5, 7 շենքեր, Սայաթ-Նովայի պող. […] ...
