11:14 07.06.2021
Ուկրաինայի նախագահ Վլադիմիր Զելենսկին «Հյուսիսային հոսք 2» ռուսական գազատարն անվանել է «Կրեմլի զենք», իսկ ԱՄՆ-ի կողմից գազատարի դեմ պատժամիջոցներ չսահմանելը զարմացրել է նրան: Корреспондент պարբերականի փոխանցմամբ՝ այս մասին Զելենսկին հայտնել է Axios-ին տված հարցազրույցում:
Այդպես է Ուկրաինայի ղեկավարը մեկնաբանել «Հյուսիսային հոսք 2» գազատարի օպերատորի նկատմամբ պատժամիջոցներ չկիրառելու մասին Սպիտակ տան որոշումը:
«Ցավոք, սա միանշանակ Ուկրաինային աջակցելու նպատակ չունի: Այդ պատճառով ես ասացի, որ իսկապես զարմացել եմ: Իրականում ես կարծում էի, որ «Հյուսիսային հոսք 2»-ի մասով ԱՄՆ-ն, այսպես ասած, վերջին հենակետն էր մնում», – նշել է Զելենսկին:
Ուկրաինայի նախագահի խոսքով՝ Կիևը չէր սպասում, որ «Հյուսիսային հոսք 2»-ի տեսքով «ռուսական զենքի» համար փամփուշտներ «կարող է տրամադրել այնպիսի հզոր երկիր, ինչպիսին Միացյալ Նահանգներն է»: Զելենսկին մտավախություն է հայտնել, որ սրա պատճառով ուկրաինացիների վստահությունն ԱՄՆ-ի նկատմամբ կարող է մեծապես թուլանալ:
Ուկրաինայի ղեկավարը նաև հայտնել է, որ պատժամիջոցների չեղարկման մասին իմացել է մամուլից, այլ ոչ թե ամերիկյան իշխանություններից, որոնք Ուկրաինային ուղիղ ազդանշաններ էին տվել ռուսական գազատարի վերաբերյալ․ սա նրա համար դարձել է երկրորդ «անակնկալը» այս հարցում:
Պարբերականը հիշեցնում է, որ Ռուսաստանի նախագահ Վլադիմիր Պուտինը հունիսի 4-ին հայտարարել էր, որ «Հյուսիսային հոսքի 2» գազատարի առաջին գծի շինարարությունն ավարտված է, իսկ երկրորդը պատրաստ կլինի 1․5-2 ամսվա ընթացքում:
23:59 10.05.2025
Երևանի բոլոր վարչական շրջաններում շարունակվում են փոսային նորոգումներըԵրևանի բոլոր վարչական շրջաններում շարունակվում են փոսային նորոգումները: Արդեն իսկ կատարվել են շուրջ 19.000 քմ աշխատանքներ։ Այս մասին հայտնել են Երևանի քաղաքապետարանից: Աշխատանքների սկզբնական փուլում ֆրեզով կտրվում են ասֆալտբետոնե ծածկի վնասված հատվածները, որից հետո մաքրվում են փոշուց, բիտումապատվում, այնուհետև տեղադրվում է ասֆալտբետոնե նոր ծածկ: Մանրամասները՝ տեսանյութում: ...
23:58 10.05.2025
Լարսը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:56 10.05.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:54 10.05.2025
Ավարտվել է կարատեի Եվրոպայի մեծահասակների 60-րդ առաջնությունըԿ. Դեմիրճյանի անվան մարզահամերգային համալիրում ավարտվել է կարատեի Եվրոպայի մեծահասակների 60-րդ առաջնությունը: Առաջնությունն անցկացվել է ՀՀ կրթության, գիտության, մշակույթի և սպորտի նախարարության աջակցությամբ` Հայաստանի կարատեի ֆեդերացիայի և միջազգային գործընկերների հետ համագործակցությամբ: Այս մասին հայտնել են ԿԳՄՍ նախարարությունից: Եվրոպայի առաջնության եզրափակիչ մենամարտերին հետևել և մրցանակակիրներին պարգևատրել են ԿԳՄՍ նախարար Ժաննա Անդրեասյանը և նախարարի տեղակալ Հասմիկ Ավագյանը, […] ...
23:26 10.05.2025
«Միլանն» ու «Ինտերը», հնարավոր է, հանդիպումներ անցկացնեն ԱՄՆ-ումԻտալիայի Ա Սերիայի նախագահ Էցիո Մարիա Սիմոնելին «Միլանին» ու «Ինտերին» առաջարկել է 2026 թ. տարեսկզբի հանդիպումներն անցկացնել ԱՄՆ-ում, հայտնում է Football Italia-ն։ Բանն այն է, որ երկու ակումբների տնային ստադիոնում`«Սան Սիրոյում» վերանորոգման աշխատանքներ են տեղի ունենալու` կապված փետրվարի 6-ից 22-ը Միլանում անցկացվելիք ձմեռային 25-րդ Օլիմպիական խաղերի հետ։ «Սան Սիրոն» հունվարի 10-ից փետրվարի 8-ը փակ կլինի, […] ...
23:09 10.05.2025
Ամբողջ Աբխազիան մնացել է առանց էլեկտրաէներգիայիԱմբողջ Աբխազիան մնացել է առանց էլեկտրաէներգիայի ուժեղ քամու պատճառով։ Այս մասին TASS-ին հայտնել է Հանրապետության արտակարգ իրավիճակների նախարարի առաջին տեղակալ Տիգրան Դելիբալթյանը։ «Սուխումի, Գուլրիպշի, Գուդաուտայի շրջաններում քամու ուժեղ պոռթկումները հանգեցրին նրան, որ ամբողջ հանրապետությունում էլեկտրաէներգիա չկա։ Որոշ տեղերում ծառեր են տապալվել, Սուխումի մի վայրում տանիքը պոկվել է առանձնատնից», – ասել է Դելիբալթյանը։ Փոխնախարարի խոսքով՝ ընկած […] ...
