09:47 15.07.2021
Արդարադատության նախարարությունում հուլիսի 14-ին սնանկության գործով կառավարչի որակավորման վկայականներ են հանձնվել որակավորման եռափուլ ստուգումը հաղթահարած յոթ անձի, տեղեկացրին ՀՀ ԱՆ տեղեկատվության և հասարակայնության հետ կապերի վարչությունից։
Մինչ վկայականների հանձնման արարողությանն անցնելը՝ արդարադատության նախարարի առաջին տեղակալ Քրիստիննե Գրիգորյանը կարևորել է անցկացված գործընթացը և նշել, որ Կառավարության մոտեցումն է՝ յուրաքանչյուր ոլորտում մասնագիտացման և որակավորման հիմքում պետք է դրված լինի հատուկ կրթություն ստանալու, որակավորման պատշաճ և օբյեկտիվ գործընթացով անցնելու, այդ գործընթացի հավասարությունը, օբյեկտիվությունն ու հասանելիությունը ապահովելու սկզբունքները։ «Հենց այդ նպատակով 2019 թվականին կատարվեցին օրենսդրական բարեփոխումներ սնանկության ոլորտում, հիմնովին փոխվեց սնանկության կառավարիչների որակավորման կարգը, նախկին ստաժավորման պահանջի փոխարեն ներդրվեց հատուկ ուսուցման մոտեցում, որից հետո նոր հնարավորություն ընձեռնվեց այդ գործընթացով անցած անձանց մասնակցելու որակավորման բարեփոխված ստուգմանը»,- ասել է փոխնախարարն ու ստուգման որակի խոսուն վկայությունը համարել երկու ամիս տևած ուսուցումից հետո շուրջ 30 թեկնածուից ընդամենը յոթի՝ այս փուլ հասնելը։
ԱՆ «Օրենսդրության զարգացման և իրավական հետազոտությունների կենտրոն» հիմնադրամի տնօրեն, սնանկության գործով կառավարիչների որակավորման հանձնաժողովի անդամ Տիգրան Դադունցը շնորհավորել է ներկաներին որակավորման գործընթացը հաջող անցկացնեու կապակցությամբ և վստահություն հայտնել, որ վկայական ստացած անձինք իրենց գիտելիքներով և հետագայում ձեռք բերվող փորձով մեծ ներդրում կունենան ոլորտի զարգացման հարցում։
ԱՆ վերահսկողական ծառայության պետ Դավիթ Գասպարյանը ևս շնորհավորել է սնանկության գործով կառավարչի որակավորման վկայականներ ստացած անձանց ու հույս հայտնել, որ ոլորտ մուտք գործող նոր գործընկերները, որոնք ժամանակին սնանկության վարույթներում ներկայացրել են պարտապանների կամ պարտատերերի շահերն ու բազմաթիվ առիթներով բարձրաձայնել են սնանկության վարույթի, կառավարչի գործառույթների իրականացման հետ կապված խնդիրները, արդեն մուտք գործելով այդ համակարգ, կշտկեն այդ խնդիրները, իսկ Արդարադատության նախարարությանը, որպես ոլորտի քաղաքականությունն իրականացնող մարմնի, կներկայացնեն այն ուղղությունները, որտեղ հնարավոր է շարունակել բարեփոխումները։
23:00 26.06.2025
Իրանը հավանություն է տվել ԱԷՄԳ-ի հետ համագործակցությունը դադարեցնելու մասին օրինագծինԻրանի և Ատոմային էներգիայի միջազգային գործակալության (ԱԷՄԳ) միջև համագործակցությունը կասեցնելու առաջարկով օրինագիծը հաստատվել է Իսլամական Հանրապետության Սահմանադրության Պահապան խորհրդի կողմից, հայտարարել է Իրանի վերահսկիչ մարմնի ներկայացուցիչ Հադի Թահան Նազիֆը: «Պլանը, որը պահանջում է կառավարությանը դադարեցնել համագործակցությունը ԱԷՄԳ-ի հետ, հաստատվել է Պահապանների խորհրդի անդամների միջև խորհրդակցություններից հետո», – նրա խոսքերն է մեջբերում «Երիտասարդ լրագրողների ակումբ» գործակալությունը։ ...
22:45 26.06.2025
Հունիսի 27-ին կդադարեցվի Արաբկիր վարչական շրջանի որոշ հասցեների գազամատակարարումըՊլանային աշխատանքներ իրականացնելու նպատակով՝ հունիսի 27-ին ժամը 10:00-ից մինչև ժամը 17:00-ն, կդադարեցվի Երևան քաղաքի Արաբկիր վարչական շրջանի Շիրվանզադեի փողոցի թիվ 15/32, 17 բազմաբնակարան շենքերի գազասպառողների և հարակից տարբեր նշանակության հանրային կազմակերպությունների գազամատակարարումը։ ...
22:31 26.06.2025
Հայաստանի 6 ներկայացուցիչ հաղթանակով է մեկնարկել․ Իրակլի Աբաշիձեի անվան մրցաշարՎրաստանի Բաթումի քաղաքում ընթացող Իրակլի Աբաշիձեի անվան միջազգային մրցաշարի մրցումային առաջին օրը բռնցքամարտի Հայաստանի 6 ներկայացուցիչ մեկնարկել է հաղթանակով։ Իրենց մրցակիցներին հաղթել են Բարեղամ Հարությունյանը (50 կգ), Դավիթ Եգորյանը (55 կգ), Ժիրայր Սարգսյանը (60 կգ), Արթուր Շախպազյանը (65 կգ), Արարատ Հարությունյանը (70 կգ) և Ռաֆայել Հովհաննիսյանը (85 կգ)։ Հայաստանի ներկայացուցիչներից ռինգ են դուրս եկել նաև […] ...
22:15 26.06.2025
Ջրափրկարարները ափ են դուրս բերել քաղաքացիներին և թիանավակըՀունիսի 26-ին, ժամը 17:14-ին Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Շորժա գյուղի մոտակա լողափում երկու քաղաքացի թիանավակով հեռացել են ափից և չեն կարողանում վերադառնալ ափ․ անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ մարզային փրկարարական վարչության հատուկ ջրափրկարարական ջոկատի խումբը: Ջրափրկարարները մոտ 3,5 կմ հեռավորությունից ափ են դուրս […] ...
21:57 26.06.2025
Հունիսի 27-ին Երևանի և մարզերի մի շարք հասցեներում հոսանք չի լինի«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ հունիսի 27-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Կենտրոն վարչական շրջան՝ 11։00-17։00 Բուզանդի փ. 1 շենք, Ֆիրդուսի փ. 52-80 առանձնատներ, Չայկովսկու փ. 15, 30, 34 առանձնատներ և հարակից ոչ բնակիչ-բաժանորդներ, Ալեքսանդր Սպենդիարյանի անվան երաժշտական մասնագիտական դպրոց, Առևտրաարդյունաբերական պալատ, «Լամաքս Գրուպ» ՍՊԸ, […] ...
