12:24 29.07.2021
Իշխող «Վրացական երազանքը» չեղյալ է հայտարարում ապրիլի 19-ի պայմանագիրը: Այս մասին այսօր հատուկ ճեպազրույցում կուսակցության առաջնորդների հետ համատեղ հայտարարություն արեց «Վրացական երազանքի» նախագահ Իրակլի Կոբախիձեն:
Կոբախիձեի խոսքով՝ ապրիլի 19-ի համաձայնագիրն իրեն սպառել է: Այս մասին փոխանցում է Ալիք Մեդիան։
«Այսօր՝ փաստաթղթի ստորագրումից 100 օր անց, պարզ է, որ նա կատարել է իր առաքելությունը և սպառել իրեն: Թեև ընդդիմադիր պատգամավորների կեսից ավելին դեռ չեն ստորագրել համաձայնագիրը, մենք տեսնում ենք, որ մեր միջազգային գործընկերները անհրաժեշտ չեն համարում ռադիկալ ընդդիմությանը հորդորել ստորագրել փաստաթուղթը և մասնակցել դրա իրականացմանը:
Երկիրն արդեն անցել է տեղական ինքնակառավարման մարմինների ընտրություններին: Հիմնական ընդդիմադիր կուսակցության կողմից չստորագրված քաղաքական համաձայնագրի ֆոնին` ինքնակառավարման մարմինների ընտրությունների անցկացումը վնասում է երկրի շահերին: Այս իրավիճակում «Վրացական երազանքի» կողմից քաղաքական համաձայնությունը սպառված հայտարարելը այլընտրանք չունի»,- ասել է Իրակլի Կոբախիձեն:
Նրա խոսքով ՝ ապրիլի 19 -ի համաձայնագրի միակողմանի հանձնառությունը վիրավորական է իրենց կուսակցության համար, և նման անսկզբունքայնությունը չի ներվի իրենց ընտրողների կողմից:
«Ապրիլի 19 -ի համաձայնագիրը դրական դեր խաղաց կարճաժամկետ քաղաքական գործընթացների զարգացման մեջ: Ընդդիմությունը ստիպված եղավ դադարեցնել սաբոտաժը, որը վնասում էր երկրի շահերին: Հետևաբար, մենք հատկապես շնորհակալ ենք Շառլ Միշելին` նրա ջանքերի համար», — ասել է Կոբախիձեն:
Նախորդ տարվա խորհրդարանական ընտրություններին հաջորդած Վրաստանի ներքաղաքական ճգնաժամը ավարտվեց ապրիլի 19-ին Շառլ Միշելի միջնորդությամբ ձեռք բերված համաձայնագրով: Ընդդիմության մեծ մասը, բացի «Միացյալ ազգային շարժում» կուսակցությունից, ստորագրեց համաձայնագիրը և միացավ խորհրդարանի աշխատանքին:
23:24 20.06.2025
Իրանը մտադիր չէ բանակցություններ վարել, քանի դեռ Իսրայելը շարունակում է հարձակումներըԻրանը պատրաստ է շարունակել խորհրդակցությունները Մեծ Բրիտանիայի, Գերմանիայի, Ֆրանսիայի և այլ եվրոպական երկրների հետ։ Այս մասին հայտարարել է Իսլամական Հանրապետության արտաքին գործերի նախարար Աբբաս Արաղչին Ժնևում կայացած բանակցություններից հետո։ «Մենք աջակցում ենք «եվրոպական եռյակի»-ի և Եվրամիության մյուս երկրների հետ խորհրդակցությունների շարունակմանը և պատրաստ ենք նաև մոտ ապագայում ևս մեկ հանդիպում անցկացնել», – նրա խոսքերն է […] ...
23:16 20.06.2025
Մեսսին տուգանայինից խփած գոլերի քանակով մոտեցել է Պելեին«Ինտեր Մայամիի» հարձակվող Լիոնել Մեսսին կարիերայում 68-րդ գոլն է խփել տուգանայինից, հայտնում է Onefootball-ը: «Ոսկե գնդակի» 8-ակի դափնեկիրն այժմ 2 գոլով է հետ «Ֆուտբոլի արքա» Պելեից: Իսկ առաջատարն այս հաշվարկում Բրազիլիայի հավաքականի և ֆրանսիական «Լիոնի» նախկին, լեգենդար կիսապաշտպան Ժունինյո Պեռնամբուկանոն է: Նա կարիերայի ընթացքում տուգանայինից խփել է 77 գոլ: ...
23:09 20.06.2025
Հանրապետությունում դիտված ռադիացիոն ֆոնի մասինՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի մոնիթորինգային ցանցի 22 օդերևութաբանական կայաններում (այդ թվում սահմանամերձ Մեղրիի օդերևութաբանական կայանում) ռադիոլոգիական իրավիճակի վերաբերյալ իրականացվում են ֆոնային գամմա-ճառագայթման դոզայի հզորության ամենօրյա չափումներ օրը 2 անգամ Գրինվիչի ժամանակով ժամը 06:00-ին և 18:00-ին: Չափումները կատարվում են ДРГ-01Т1 դոզիմետրերով, իսկ Արմավիր օդերևութաբանական կայանում՝ նաև ДКГ-02у Арбитр դոզիմետրերով։ Երևան քաղաքի աերոլոգիական կայանում РУБ-01 […] ...
22:58 20.06.2025
Երևանյան լճի երբեմնի անխնամ ափամերձ հատվածը վերածվել է կանաչապատ և բարեկարգ հանգստավայրի. ԱվինյանԵրևանի քաղաքապետ Տիգրան Ավինյանը Ֆեյսբուքի իր էջում գրել է. «Երևանյան լճի երբեմնի անխնամ ափամերձ հատվածը վերածվել է կանաչապատ և բարեկարգ հանգստավայրի։ Այն դարձել է նաև քաղաքի ներսում հանգստյան օրերը հաճելի անցկացնելու հարմար վայր։ Շարունակում ենք վերափոխել և կենդանացնել հանրային տարածքները՝ Երևանը դարձնելով ավելի կանաչ և հարմարավետ քաղաք»: Մանրամասները՝ տեսանյութում: ...
22:48 20.06.2025
Մամիկոն Խաչատրյանը ոսկե մեդալ է նվաճել Տաշքենդում ընթացող «World challenge cup»-ումՀայաստանի սպորտային մարմնամարզության հավաքականի անդամ, 18-ամյա Մամիկոն Խաչատրյանը ոսկե մեդալ է նվաճել Ուզբեկստանի մայրաքաղաք Տաշքենդում ընթացող «World challenge cup» սպորտային մարմնամարզության հեղինակավոր մրցաշարում: Այս մասին հայտնել են ԿԳՄՍ նախարարությունից: Հայաստանի մյուս ներկայացուցիչ Արմեն Պետրոսյանը դարձել է բրոնզե մեդալակիր: Առանձին վարժությունների եզրափակիչ են դուրս եկել նաև Էրիկ Բաղդասարյանը և Ռոբերտ Գյուլումյանը: Բաղդասարյանը հաղթահարել է հենացատկի և […] ...
22:34 20.06.2025
Մեծ Բրիտանիան կոչ է անում Իրանին շարունակել բանակցությունները ԱՄՆ-ի հետԻրանը և Միացյալ Նահանգները պետք է շարունակեն բանակցությունները Թեհրանի միջուկային ծրագրին վերաբերող հարցերի խաղաղ կարգավորման շուրջ։ Այս մասին հայտարարել է Մեծ Բրիտանիայի արտաքին գործերի նախարար Դեյվիդ Լամմին՝ «եվրոպական եռյակի» (Մեծ Բրիտանիա, Ֆրանսիա և Գերմանիա) արտաքին գործերի նախարարների միջև այսօր Ժնևում կայացած բանակցություններից հետո։ «Կարևոր էր … անցկացնել այս քննարկումները Իրանի հետ։ Մենք հստակեցրինք, որ Իրանը […] ...
