19:26 04.11.2021
Գյումրիի նորընտիր քաղաքապետ Վարդգես Սամսոնյանը երդման արարողությունից հետո լրագրողների հետ ունեցած ճեպազրույցի ընթացքում խոսել է այն ծրագրերի մասին , որոնք պատրաստվում է իրականացնել իր ղեկավարման տարիներին։ Քաղաքապետը հայտնել է, որ պատրաստ է համագործակցել ավագանու կազմում ընդգրկված բոլոր քաղաքական ուժերի հետ։
«Ես կոչ եմ անում համերաշխության և միասնության։ Եթե բոլոր ուժերը, ցանկացած մարդ, քաղաքի շահերով հետաքրքրված է և ուզում է, որ Գյումրին օր առաջ դառնա մեր սիրելի քաղաքը, ուրեմն պետք է ամբիցիաներն ու քաղաքական մոտեցումները կողքի դնեն և գան, իրար հետ համատեղ կարողանանք աշխատել»,- նշել է Գյումրիի քաղաքապետը։
Սամսոնյանը նաև հայտնել է, որ քաղաքապետի պաշտոնակատար Ալբերտ Մարգարյանի լիազորությունները այսօր դադարեցվել են, քաղաքապետարանում նրա հետագա պաշտոնավարման հարց, ըստ Վարդգես Սամսոնյանի, այս ընթացքում չի քննարկվել։
«Պարոն Մարգարյանը ժամանակավոր պաշտոնակատար է եղել, ես արդեն եկել եմ, էլ ինքը որտեղ մնա։ Քաղաքապետարանում նրա ինչ-որ պաշտոն զբաղեցնելու հարց չի քննարկվել, նման տարբերակ չի եղել»,- ասել է Վարդգես Սամսոնյանը։
Այսօր երդման արարողությանը ներկա էր Ալբերտ Մարգարյանը, ինչպես նաև նրա որոշմամբ աշխատանքից ազատված քաղաքապետարանի աշխատակիցները։ Վարդգես Սամսոնյանը վստահեցրել է, որ աշխատանքից ազատվածները վերադառնալու են և շարունակելու են աշխատել։
«Նրանք եկել էին ինձ շնորհավորելու, բնականաբար, հետ են վերադառնալու։ Իրենք բարեխիղճ ու լավ աշխատողներ են եղել, իրենց պարտականությունները գերազանց կատարել են, պետք է գան և շարունակեն իրենց աշխատանքը»,- նշել է Գյումրիի քաղաքապետը։
Այսօրվանից Գյումրիի նոր քաղաքապետն հրամաններ ու որոշումներ ընդունելու իրավունք ունի։ Հոկտեմբերի 15-ին կկայանա ավագանու արտահերթ նիստը, որի ընթացքում կընտրվեն մշտական հանձնաժողովների նախագահներն ու տեղակալները։ Վարդգես Սամսոնյանը լրագրողներին խոստացավ իր առաջիկա ծրագրերի մասին խոսել պաշտոնավարման 100 օրը լրանալուց հետո։
23:00 26.06.2025
Իրանը հավանություն է տվել ԱԷՄԳ-ի հետ համագործակցությունը դադարեցնելու մասին օրինագծինԻրանի և Ատոմային էներգիայի միջազգային գործակալության (ԱԷՄԳ) միջև համագործակցությունը կասեցնելու առաջարկով օրինագիծը հաստատվել է Իսլամական Հանրապետության Սահմանադրության Պահապան խորհրդի կողմից, հայտարարել է Իրանի վերահսկիչ մարմնի ներկայացուցիչ Հադի Թահան Նազիֆը: «Պլանը, որը պահանջում է կառավարությանը դադարեցնել համագործակցությունը ԱԷՄԳ-ի հետ, հաստատվել է Պահապանների խորհրդի անդամների միջև խորհրդակցություններից հետո», – նրա խոսքերն է մեջբերում «Երիտասարդ լրագրողների ակումբ» գործակալությունը։ ...
22:45 26.06.2025
Հունիսի 27-ին կդադարեցվի Արաբկիր վարչական շրջանի որոշ հասցեների գազամատակարարումըՊլանային աշխատանքներ իրականացնելու նպատակով՝ հունիսի 27-ին ժամը 10:00-ից մինչև ժամը 17:00-ն, կդադարեցվի Երևան քաղաքի Արաբկիր վարչական շրջանի Շիրվանզադեի փողոցի թիվ 15/32, 17 բազմաբնակարան շենքերի գազասպառողների և հարակից տարբեր նշանակության հանրային կազմակերպությունների գազամատակարարումը։ ...
22:31 26.06.2025
Հայաստանի 6 ներկայացուցիչ հաղթանակով է մեկնարկել․ Իրակլի Աբաշիձեի անվան մրցաշարՎրաստանի Բաթումի քաղաքում ընթացող Իրակլի Աբաշիձեի անվան միջազգային մրցաշարի մրցումային առաջին օրը բռնցքամարտի Հայաստանի 6 ներկայացուցիչ մեկնարկել է հաղթանակով։ Իրենց մրցակիցներին հաղթել են Բարեղամ Հարությունյանը (50 կգ), Դավիթ Եգորյանը (55 կգ), Ժիրայր Սարգսյանը (60 կգ), Արթուր Շախպազյանը (65 կգ), Արարատ Հարությունյանը (70 կգ) և Ռաֆայել Հովհաննիսյանը (85 կգ)։ Հայաստանի ներկայացուցիչներից ռինգ են դուրս եկել նաև […] ...
22:15 26.06.2025
Ջրափրկարարները ափ են դուրս բերել քաղաքացիներին և թիանավակըՀունիսի 26-ին, ժամը 17:14-ին Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Շորժա գյուղի մոտակա լողափում երկու քաղաքացի թիանավակով հեռացել են ափից և չեն կարողանում վերադառնալ ափ․ անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ մարզային փրկարարական վարչության հատուկ ջրափրկարարական ջոկատի խումբը: Ջրափրկարարները մոտ 3,5 կմ հեռավորությունից ափ են դուրս […] ...
21:57 26.06.2025
Հունիսի 27-ին Երևանի և մարզերի մի շարք հասցեներում հոսանք չի լինի«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ հունիսի 27-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Կենտրոն վարչական շրջան՝ 11։00-17։00 Բուզանդի փ. 1 շենք, Ֆիրդուսի փ. 52-80 առանձնատներ, Չայկովսկու փ. 15, 30, 34 առանձնատներ և հարակից ոչ բնակիչ-բաժանորդներ, Ալեքսանդր Սպենդիարյանի անվան երաժշտական մասնագիտական դպրոց, Առևտրաարդյունաբերական պալատ, «Լամաքս Գրուպ» ՍՊԸ, […] ...
