Հայ լեգիոներների ֆուտբոլային շաբաթը

Հանգստյան օրերին մի շարք երկրներում տեղի ունեցան ազգային առաջնության հանդիպումներ: SHANTNEWS-ն առանձնացրել է այն հանդիպումները, որոնց մասնակցել են Հայաստանի հավաքականի և հավաքականի թեկնածու ֆուտբոլիստները:

ԱՊԼ-ի 2-րդ տուրում Լոնդոնի «Արսենալ»-ը մրցակցի հարկի տակ 3:2 հաշվով պարտվեց «Չելսի»-ին: «Զինագործներ»-ի կազմում ամբողջ հանդիպմանը մասնակցեց Հայաստանի հավաքականի ավագ Հենրիխ Մխիթարյանը: Հայ կիսապաշտպանը այս խաղում դարձել է գոլի և գոլային փոխանցման հեղինակ:

Հոլանդիայի առաջնության 2-րդ տուրում «Վիլլեմ II»-ը մրցակցի հարկի տակ 0:1 հաշվով հաղթեց «Գրոնինգեմ»-ին: «Վիլլեմ II»-ի կազմում իր նորամուտը նշեց Հայաստանի հավաքականի կիսապաշտպան Արաս Օզբիլիսը՝ փոխարինման մտնելով 2-րդ խաղակեսում:

Ղազախստանի Պրեմիեր լիգայում հանդես եկող հայ ֆուտբոլիստները 23-րդ տուրում մասնակցեցին իրենց թիմերի խաղերին:

«Ակժաիկ»-«Ակտոբե» հանդիպումը ավարտվեց 0:0 հաշվով: «Ակտոբե»-ի կազմում ամբողջ հանդիպմանը մասնակցել է Հայաստանի ընտրանու հարձակվող Մարկոս Պիզելին:

«Շախտյոր»-«Օրդաբասի» հանդիպումը ավարտվել է գոլազուրկ ոչ-ոքիով: «Հանքափորներ»-ի կազմում մեկնարկային րոպեներից հանդիպմանը մասնակցել է Գեղամ Հարությունյանը: Հայ ֆուտբոլիստը փոխարինվել է 58-րդ րոպեին:

«Ժետիսու»-«Իրտիշ» հանդիպումը ևս ավարտվեց գոլազուրկ 0:0 հաշվով: «Ժետիսու»-ի հայ ֆուտբոլիստներից ամբողջ հանդիպմանը մասնակցել է Կամո Հովհաննիսյանը: Էդգար Մալաքյանը փոխարինման է մտել 82-րդ րոպեին:

Լատվիայի բարձրագույն խմբի 18-րդ տուրում «Լիեպայա»-ն սեփական հարկի տակ 0:1 հաշվով զիջել է «ՄԵՏՏԱ/ԼՈւ»-ին: «Լիեպայա»-ի դարպասը ամբողջ խաղի ընթացքում պաշտպանել է Հայաստանի հավաքականի դարպասապահ Արսեն Բեգլարյանը:

Ռուսաստանի Պրեմիեր լիգայի 4-րդ տուրի «Ախմատ»- «Ռուբին» խաղում, որն ավարտվել է 1:1 հաշվով, գոլի հեղինակ է դարձել Հայաստանի հավաքականի թեկնածու Խորեն Բայրամյանը: «Ռուբին»-ի հայ ֆուտբոլիստը փոխարինման է մտել 78-րդ րոպեին:

ՌՊԼ-ի 4-րդ տուրի «Ռոստով»-«Ենիսեյ» հանդիպումը ավարտվել է տանտերերի խոշոր՝ 4:0, հաշվով հաղթանակով: Կրասնոյարսկի ակումբի կազմում հանդիպմանը մասնակցել են Դավիթ Յուրչենկոն և Արթուր Սարկիսովը: Հայաստանի հավաքականի թեկնածու Յուրչենկոն մասնակցել է ամբողջ հանդիպմանը, իսկ Սարկիսովը փոխարինման է մտել 54-րդ րոպեին:

Հայաստանի հավաքականի և Եկատերինբուրգի «Ուրալ»-ի պաշտպան Վարազդատ Հարոյանը մասնակցել է ՌՊԼ-ի 4-րդ տուրի «Զենիթ»-ի հետ խաղին: Հարոյանը փոխարինման է մտել 70-րդ րոպեին: Ուրալցիները այս խաղում պարտվել են 4:1 հաշվով:

Կոլումբիայի Պրիմեր Կլաուսուրայի 5-րդ տուրում Հայաստանի ընտրանու պաշտպան Ժոաո Ժորդի Արարատի «Բոյակա Չիկո»-ն 2:1 հաշվով հաղթել է «Խունիոր»-ին:

Դանիայի Սուպերլիգայի 6-րդ տուրում «Ռանդերս»-ը սեփական հարկի տակ 3:0 հաշվով հաղթել է «Խոբրո»-ին: Տանտերերի կազմում առաջին խաղակեսին մասնակցել է մեր ընտրանու նորեկ Էդգար Բաբայանը:

Գերմանիայի գավաթի խաղարկության 1/32 եզրափակչում «Յան Ռեգենսբուրգ»-ը մրցակցի հարկի տակ 2;1 հաշվով զիջել է «Խեմի»-ին: «Յան Ռեգենսբուրգ»-ի կազմում 63-րդ րոպեին փոխարինման է մտել Սարգիս Ադամյանը:

Մակեդոնիայի բարձրագույն խմբի 2-րդ տուրում «Վարդար»-ը մրցակցի հարկի տակ 0:1 հաշվով հաղթել է «Ռենովա»-ին: «Վարդար»-ի կազմում միակ գոլը հեղինակել է թիմի հայ հարձակվող Տիգրան Բարսեղյանը: Հայաստանի հավաքականի ֆուտբոլիստը մասնակցել է ամբողջ հանդիպմանը:

Խորվաթիայի բարձրագույն խմբի 4-րդ տուրի «Հայդուկ»-«Գորիցա» խաղում 0:2 հաշվով հաղթել են հյուրերը: «Գորիցա»-ի կազմում 77-րդ րոպեին փոխարինման է մտել Հայաստանի հավաքականի թեկնածու Դավիթ Արշակյանը: