22:54 13.05.2023
Ռուսաստանը կտրականապես մերժում է թուրքական ընդդիմության մեղադրանքները՝ այս երկրում նախագահական ընտրություններին միջամտելու մասին, «դա բացառվում է», – շաբաթ օրը ՏԱՍՍ-ին ասել է ՌԴ նախագահի մամուլի քարտուղար Դմիտրի Պեսկովը՝ ընդգծելով, որ Ռուսաստանը հարգելու է թուրք ժողովրդի ընտրությունը։
ՏԱՍՍ-ի խնդրանքով մեկնաբանելով Թուրքիայի ընդդիմադիր Ժողովրդահանրապետական կուսակցության նախագահ Քեմալ Քլչդարօղլուի հայտարարությունը Թուրքիայի նախագահական ընտրություններին ենթադրյալ միջամտության մասին՝ Կրեմլի ներկայացուցիչը համաձայնել է, որ պարոն Քլչդարօղլուի այս «հայտարարությունը շատմեծ աղմուկ է բարձրացրել Թուրքիայում».
«Մենք անմիջապես հայտարարեցինք, որ կտրականապես մերժում ենք Թուրքիայի ընտրություններին միջամտելու մեղադրանքները, դա բացառվում է»,- ասել է ՌԴ նախագահի մամուլի քարտուղարը։
«Ընդհանուր առմամբ, մենք չափազանց հիասթափված ենք Թուրքիայի ընդդիմության այս հայտարարությունից»,- ասել է Պեսկովը։
Ռուսաստանի Դաշնության նախագահի մամուլի քարտուղարն ուշադրություն է հրավիրել այն փաստի վրա, որ հենց ընդդիմադիր կուսակցությունն է իրեն անվանում Աթաթուրքի անմիջական հետևորդներ։
«Հարկ է հիշեցնել, որ հենց Թուրքիայի Հանրապետության հիմնադիրը և ժամանակակից Թուրքիայի արտաքին քաղաքական հայացքների ճարտարապետ Աթաթուրքն էր ռուս-թուրքական հարաբերությունների զարգացման հավատարիմ ջատագովը, հենց Աթաթուրքի օրոք դրվել է մեր բարեկամության և բարիդրացիական հարաբերությունների հիմքը»,- հայտարարել է Պեսկովը։ «Պարոն Քլչդարօղլուի նշված հայտարարությունը ակնհայտորեն հակասում է Աթաթուրքի այս տեսլականին»,- ընդգծել է նա։
Նա նշել է, որ Ռուսաստանն իր հերթին գնահատում է հարաբերությունների այն մակարդակը, որը ձեռք է բերվել վերջին տարիներին։
«Իհարկե, մենք հարգելու ենք թուրք ժողովրդի ընտրությունը»,- ընդգծել է Կրեմլի խոսնակը՝ հավելելով,-Ընդդիմության առաջնորդն ասաց, որ ապացույցներ ունի [Թուրքիայի նախագահական ընտրություններին Ռուսաստանի միջամտության մասին], դեռ չի ներկայացրել դրանք»։
Նա վստահություն է հայտնել, որ ընդդիմությունը չի կարողանա դա անել, քանի որ դրանք իրականում գոյություն չունեն»։
11:50 23.05.2025
Ես չեմ պատրաստվում արդարանալ, դա իմ ոճը չէ․ ԱմորիմԱնգլիական «Մանչեսթեր Յունայթեդի» գլխավոր մարզիչ Ռուբեն Ամորիմը խոսել է իր ապագայի մասին: Պորտուգալացին հայտարարել է, որ չի պատրաստվում փախչել կամ փոխել աշխատանքի մոտեցումը, եթե, իհարկե, ակումբը պաշտոնանկ չանի իրեն: «Եթե ակումբի ղեկավարությունը կամ երկրպագուները գտնեն, որ ես այլև պետք չեմ, կհեռանամ հենց նույն օրը: Չեմ պատրաստվում փախչել, վստահ եմ իմ մոտեցումներին, ոչինչ չեմ փոխելու: Այժմ […] ...
11:35 23.05.2025
Պետությունը երաշխավորում է արտահիվանդանոցային անվճար մանկաբարձագինեկոլոգիական բժշկական օգնությունըՊետությունը երաշխավորում է արտահիվանդանոցային անվճար մանկաբարձագինեկոլոգիական բժշկական օգնությունը, որի շրջանակներում իրականացվում է հղիների նախածծնդյան հսկողություն: Այս մասին հայտնում է ՀՀ առողջապահության նախարարությունը։ Հղին դիմում է առողջության առաջնային պահպանման օղակ` ըստ իր բնակության վայրի և ստանալով առողջության մասին քաղվածքը` դիմում է կանանց մոտակա կոնսուլտացիա ու հաշվառվում է: Միաժամանակ, կինն իր բնակավայրի վարչական տարածքի շրջանակներում իրավունք ունի […] ...
11:21 23.05.2025
Հնդկաստանում եղանակային անբարենպաստ պայմանների հետևանքով զոհվել է առնվազն 45 մարդՀնդկաստանի հյուսիսային Ուտար Պրադեշ նահանգի 13 շրջաններում ուժեղ քամու, կարկտահարության և կայծակի հետևանքով զոհվել է առնվազն 45 մարդ։ Անձրևները մեծ վնաս են հասցրել գյուղական համայնքներին և գյուղատնտեսական ենթակառուցվածքներին, հաղորդում է The Times of India-ն։ Ուտար Պրադեշի իշխանությունները հայտարարել են տուժածներին ֆինանսական օգնություն տրամադրելու մասին։ Հնդկաստանի օդերևութաբանական գրասենյակի տվյալներով՝ շաբաթվա վերջին Հնդկաստանի հյուսիսային և այլ շրջաններում […] ...
11:00 23.05.2025
Բրունու Ֆերնանդեշն աջակցել է Ռուբեն Ամորիմին«Մանչեսթեր Յունայթեդի» ավագ Բրունու Ֆերնանդեշն աջակցել է թիմի գլխավոր մարզիչ Ռուբեն Ամորիմին: «Կարծում եմ՝ Ամորիմը համապատասխանում է «Մանչեսթեր Յունայթեդին»: Ես հավատում եմ նրան: Ակումբն այնպիսի իրավիճակում է, որ հեշտ է նոր մարզիչ նշանակելը, որովհետև թիմը ոչ մի արդյունք ցույց չի տալիս: Բայց Ամորիմը մեզ համար ճիշտ մարզիչ է»,- պորտուգալացի ֆուտբոլիստի խոսքերը մեջբերում է A Bola-ն: […] ...
10:48 23.05.2025
Վաղարշապատի ոստիկանների կասկածը հաստատվեց. հայտնաբերվեցին կանեփի խնամված բույսեր ու մարիխուանաՀամայնքային ոստիկանության Վաղարշապատի բաժնի ծառայողները ստացել էին տեղեկություն, որ Վաղարշապատի Միչուրինի փողոցի մի բնակիչ աճեցնում է կանեփ և ապօրինի պահում մարիխուանա: Վաղարշապատի քննչական բաժնում նախաձեռնված քրեական վարույթի շրջանակում մայիսի 20-ին 62-ամյա տղամարդու տանը կատարվեց զննություն: Բակում հայտնաբերվեց կանեփի մշակված 13 բույս։ Հայտնաբերվեց նաև մարիխուանայի նմանվող զանգվածներով երկու տարա՝ 65 և 29 գրամ քաշերով: Նախաքննությամբ հանգամանքները […] ...
