12:17 15.11.2023
Չնայած դժվարին մարտահրավերներին՝ հուրախություն բոլորիս, Հայաստանի տնտեսությունը դրսեւորել եւ շարունակում է դրսեւորել բավականին բարձր դիմադրողականություն, այդ թվում՝ շնորհիվ Կառավարության եւ Կենտրոնական բանկի կողմից շարունակաբար իրականացվող արդյունավետ մակրոտնտեսական քաղաքականությունների եւ համարժեք գործողությունների: Այս մասին ասել է ՀՀ ֆինանսների նախարար Վահե Հովհաննիսյանը՝ նոյեմբերի 15-ին Ազգային ժողովում քննարկման ներկայացնելով «Հայաստանի Հանրապետության 2024 թվականի պետական բյուջեի մասին» օրենքի նախագիծը:
Նախարարի խոսքով տնտեսական աճի եւ ակտիվության տեմպերը շարունակում են բարձր մնալ: Երկնիշ տնտեսական աճը պահպանվել է նաեւ այս տարվա առաջին կիսամյակում, իսկ հունվար-սեպտեմբեր ամիսների արդյունքներով ունենք 9. 7 տոկոս տնտեսական ակտիվության ցուցանիշի աճ: Այս պայմաններում 2023 թվականի տնտեսական աճը կանխատեսվում է Կառավարության թիրախավորած 7 տոկոսի շրջանակներում եւ ներկա միտումների պահպանման պայմաններում կարող է ավելին լինել:
2024 թվականին եւս նախատեսվում է ապահովել 7 տոկոս տնտեսական աճ եւ հարկեր/ՀՆԱ ցուցանիշի բարելավում շուրջ 0.75 տոկոսային կետով, ինչի արդյունքում հարկային եկամուտները կկազմեն 2 տրիլիոն 566 մլրդ դրամ՝ 2023 թվականի ճշտված բյուջեի հարկային եկամուտներից ավելի լինելով 342 մլրդ դրամով կամ 15.4 տոկոսով:
2024 թվականի ծախսերը կկազմեն 3 տրիլիոն 17 մլրդ դրամ՝ գերազանցելով 2023 թվականի ճշտված բյուջեի ծախսերը շուրջ 415 մլրդ դրամով կամ 16 տոկոսով, որից կապիտալ ծախսերը կկազմեն 695 մլրդ դրամ՝ 2023 թվականի կապիտալ ծախսերից ավելի լինելով 126 մլրդ դրամով կամ 22 տոկոսով:
Գալիք տարում բյուջեի դեֆիցիտը կկազմի 340 մլրդ դրամ կամ ՀՆԱ-ի 3.2 տոկոսը, որի հետեւանքով պարտք/ՀՆԱ հարաբերակցությունը 2024 թվականի տարեվերջին կկազմի 48.4 տոկոս:
Վահե Հովհաննիսյանը ներկայացրել է նաեւ Լեռնային Ղարաբաղից բռնի տեղահանված անձանց տրամադրվելիք աջակցության ծրագրերը՝ նախատեսված 2024 թվականի պետական բյուջեով:
Ըստ այդմ՝ 2024 թվականի երեք ամսվա համար կնախատեսվեն բնակարանի վարձակալության եւ կոմունալ ծառայությունների գծով տրամադրվող 50 հազար դրամների հատկացումները՝ հունվար, փետրվար եւ մարտ ամիսներին:
«Կնախատեսվեն թոշակների եւ նպաստների գծով հավելյալ ծախսերը, ինչը կպահանջի հավելյալ մոտ 30 մլրդ դրամ: Կնախատեսվեն կրթության եւ առողջապահության գծով հավելյալ ծախսերը: Բնակարանային եւ աշխատանքի տեղավորման աջակցության ծրագրերն այս պահին չեն պլանավորվի բյուջեով, որովհետեւ դրանց մշակումը եւ հաստատումը կարող է տեղի ունենալ դեկտեմբերի վերջին: Այնուամենայնիվ, զգալի գումարներ կնախատեսվեն պահուստային ֆոնդում, որպեսզի ծրագրերի պատրաստ լինելուն պես ֆինանսավորման խնդիրներ չունենանք»,- ասել է նախարարը:
Ամփոփելով ելույթը՝ Վահե Հովհաննիսյանը վստահեցրել է, որ չնայած տարածաշրջանային եւ գլոբալ հսկայական մարտահրավերներին՝ 2024 թվականին ունենալու ենք զարգացման նոր որակի բարձրանալու մեծ հնարավորություններ՝ ամենատարբեր ուղղություններով: «Մեր գիտակից եւ հետեւողական գործողությունների շնորհիվ է միայն, որ կկարողանանք այդ հնարավորությունները նյութականացնել եւ ստեղծել մի միջավայր, որտեղ մի կողմից յուրաքանչյուր ոք կկարողանա բացահայտել իր տաղանդները, մյուս կողմից մեր պետությունը դարձնել աշխարհի տաղանդավոր մարդկանց համար ապրելու ցանկալի վայր՝ դրանով բարձրացնելով Հայաստանի Հանրապետության միջազգային հեղինակությունը»,- եզրափակել է Ֆինանսների նախարարը:
15:50 15.08.2025
Զինծառայողը ներկայացվել է ռազմաբժշկական փորձաքննության և, առողջական վիճակով պայմանավորված ճանաչվել, ոչ պիտանի զինվորական ծառայության համար. ՄԻՊՊարտադիր ժամկետային զինծառայողի ծնողներն ու փաստաբանը դիմել էին Մարդու իրավունքների պաշտպանին՝ մտահոգություն հայտնելով զինծառայողի առողջական խնդիրների վերաբերյալ։ «Բարձրացված հարցի կապակցությամբ ՄԻՊ աշխատակազմում անմիջապես սկսվել էր վարույթ, և գրություն էր հասցեագրվել Պաշտպանության նախարարություն, որից հետո զինծառայողը տեղափոխվել էր զինվորական հոսպիտալ։ Այնուհետև, Պաշտպան Անահիտ Մանասյանի հանձնարարությամբ ՄԻՊ ներկայացուցիչներն արագ արձագանքման այց էին իրականացրել հոսպիտալ, տեսակցել զինծառայողին։ Բժշկական […] ...
15:37 15.08.2025
Սպիտակ տունը հայտնել է, թե ով կուղեկցի Դոնալդ Թրամփին ՌԴ նախագահի հետ հանդիպմանը գնալիսԱՄՆ պետքարտուղար Մարկո Ռուբիոն, ֆինանսների և առևտրի նախարարներ Սքոթ Բեսենթը և Հովարդ Լուտնիկը, ինչպես նաև ԿՀՎ տնօրեն Ջոն Ռատկլիֆը և հատուկ դեսպանորդ Սթիվեն Ուիթքոֆը կուղեկցեն ԱՄՆնախագահ Դոնալդ Թրամփին Անքորիջ՝ Ռուսաստանի նախագահ Վլադիմիր Պուտինի հետ հանդիպման ժամանակ: Այս մասին հայտարարել է Սպիտակ տունը: Բացի այդ, Թրամփի պատվիրակության կազմում են ԱՄՆ արարողակարգի ղեկավար Մոնիկա Քրոուլին, Սպիտակ տան […] ...
15:26 15.08.2025
NBC. Թրամփը կարծում է, որ չի ստանա Խաղաղության Նոբելյան մրցանակըԱՄՆ նախագահ Դոնալդ Թրամփը շատ է ցանկանում ստանալ Խաղաղության Նոբելյան մրցանակ, բայց չի կարծում, որ դա նրան կհաջողվի: Այս մասին հայտնել է NBC հեռուստաընկերությունը՝ հղում անելով Սպիտակ տան ներկայացուցչին: «Նախագահը զգում է, որ արժանի է Խաղաղության Նոբելյան մրցանակին, բայց չի կարծում, որ կարող է այն ստանալ: Նա նշել է, որ այն ավելի շուտ կստանա մեկը, […] ...
15:15 15.08.2025
Առանձնապես խոշոր չափերով թմրամիջոցի մաքսանենգությանը հանցակցելու մեղադրանքով հետախուզվողը հայտնաբերվեցՔրեական ոստիկանության Սյունիքի մարզային վարչության ծառայողներն, իրացնելով ստացված տեղեկությունները, օգոստոսի 12-ին Մեղրիում հայտնաբերել ու ձերբակալել են 43-ամյա մի տղամարդու: Նա օգոստոսի 9-ից հետախուզվում էր առանձնապես խոշոր չափերով թմրամիջոցի մաքսանենգությանը և առանձնապես խոշոր չափերի թմրամիջոց պահելուն հանցակցելու փորձի մեղադրանքով, խափանման միջոցը՝ կալանք։ ...
15:13 15.08.2025
ՊԵԿ պատվիրակությունը մասնակցել է ԱՊՀ պետությունների հարկային հետաքննության մարմինների համակարգող խորհրդի նախապատրաստական նիստինՀՀ ՊԵԿ հետաքննության և օպերատիվ-հետախուզության վարչության պետ Աշոտ Մովսիսյանի գլխավորած պատվիրակությունը Ղազախստանի Հանրապետության Աստանա քաղաքում մասնակցել է Անկախ Պետությունների Համագործակցության մասնակից պետությունների հարկային (ֆինանսական) հետաքննության մարմինների համակարգող խորհրդի նիստին։ Նիստի մասնակիցները քննարկել են ԱՊՀ անդամ պետությունների հարկային մարմինների գործունեության՝ տնտեսական անվտանգության ապահովման, ահաբեկչության ֆինանսավորման դեմ պայքարի, տնտեսական ոլորտում հանցագործությունների և կոռուպցիայի բացահայտման և կանխարգելման ուղղությամբ […] ...
