17:12 14.08.2025
«Քաղաքացիական երիտասարդական կենտրոն» ՀԿ-ի նախաձեռնությամբ օրերս Իջևանում անցկացվել է երիտասարդական ֆորում, որի հիմնական նպատակն էր ներկայացնել երիտասարդության զարգացմանն ուղղված ծրագրերն ու նախաձեռնությունները, ինչպես նաև ստեղծել քննարկումների հարթակ՝ երիտասարդների կարիքներն ու առաջարկները լսելու համար։
Միջոցառմանը մասնակցել են Տավուշի մարզպետի տեղակալ Նարեկ Ղուշչյանը, ՀՀ Ազգային ժողովի պատգամավոր, գիտության, կրթության, մշակույթի, սպորտի, երիտասարդության և սփյուռքի հարցերով մշտական հանձնաժողովի նախագահի տեղակալ Թագուհի Ղազարյանը, ՀՀ կրթության, գիտության, մշակույթի և սպորտի նախարարության երիտասարդական քաղաքականության վարչության պետ Զարա Ասլանյանը, տեղական ինքնակառավարման մարմինների ներկայացուցիչներ, ոլորտային փորձագետներ, ինչպես նաև երիտասարդական ՀԿ-ների և քաղաքացիական նախաձեռնությունների ներկայացուցիչներ։
Ֆորումի ընթացքում քննարկվել են երիտասարդության զարգացմանն առնչվող հարցեր՝ սկսած քաղաքացիական կրթությունից և համայնքային ներգրավվածության հնարավորություններից մինչև պետական և տեղական մակարդակներում երիտասարդական քաղաքականության իրականացում։ Մասնակիցներին ներկայացվել են «Երիտասարդական քաղաքականության մասին» օրենքի հիմնական դրույթները, ընդգծվել է պետական մարմինների, հասարակական կազմակերպությունների և համայնքների համագործակցության կարևորությունը։
Զարա Ասլանյանը, Երիտասարդության միջազգային օրվա (օգոստոսի 12) կապակցությամբ շնորհավորելով ներկաներին, կարևորել է ֆորումը որպես երիտասարդների խնդիրների, առաջարկությունների և նախաձեռնությունների բարձրաձայնման արդյունավետ հարթակ։ Նա նշել է, որ «Երիտասարդական քաղաքականության մասին» նոր օրենքը մշակվել է հանրային լայն մասնակցային գործընթացի միջոցով՝ ներգրավելով երիտասարդական կառույցների, միջազգային կազմակերպությունների և անկախ փորձագետների։
Զարա Ասլանյանը նաև տեղեկացրել է, որ օրենքի ընդունումից հետո Կառավարությունը հաստատել է դրա կիրարկումն ապահովող միջոցառումների ծրագիրը։ Դրա կարևոր բաղադրիչներից են երիտասարդական աշխատողի վերապատրաստման կարգի և որակավորման չափանիշների մշակումն, ինչպես նաև երիտասարդական աշխատանքի մեթոդաբանության ստեղծումը։ Այս նպատակով ԿԳՄՍ նախարարի հրամանով ձևավորվել է աշխատանքային խումբ, որն ուսումնասիրելու է միջազգային փորձը, պատրաստելու է համապատասխան առաջարկություններ, իրականացնելու է երիտասարդական աշխատանք կատարող կառույցների քարտեզագրում և գործառույթների վերլուծություն։ Նախատեսվում են նաև թեմատիկ քննարկումներ և խորհրդակցություններ շահագրգիռ կողմերի ու շահառուների մասնակցությամբ։
Տավուշի մարզպետի տեղակալ Նարեկ Ղուշչյանը ողջույնի խոսքում կարևորել է նմանօրինակ հանդիպումները՝ ընդգծելով դրանց նշանակությունը երիտասարդների քաղաքացիական գիտակցության բարձրացման և համայնքային կյանքի ակտիվացման գործում։
Ֆորումը եզրափակվել է հարցուպատասխանի և բաց քննարկումների ձևաչափով, ինչը հնարավորություն է տվել երիտասարդներին անմիջականորեն ներկայացնել իրենց դիտարկումներն ու առաջարկները՝ ուղղված ՀՀ-ում երիտասարդական քաղաքականության շարունակական բարելավմանը։
18:07 14.08.2025
Գազայում սովից մահացածների թիվն ավելանում էԳազայի Առողջապահության նախարարությունը տեղեկացրել է, որ 24 ժամվա ընթացքում սովից և թերսնուցումից մահացել է ևս 4 մարդ։ Այսպիսով՝ սովի և թերսնման հետևանքով մահացածների թիվն անկլավում հասել է 239-ի, որոնցից 106 -ը երեխաներ են։ Գազայի առողջապահության նախարարության գլխավոր տնօրենը հայտնել է, որ Գազայի հատված մուտք գործող օգնությունը չի բավարարում կարիքների 5%-ը։ «Գազայի հատվածում 40 000 նորածին, […] ...
17:54 14.08.2025
Ամեն ինչ լուրջ է. Սպերցյանը՝ անգլիական ակումբի առաջարկի մասին«Կրասնոդարի» ավագ, Հայաստանի ազգային հավաքականի կիսապաշտպան Էդուարդ Սպերցյանը Մոսկվայի «Դինամոյի» դեմ Ռուսաստանի գավաթի խաղարկության Պրեմիեր լիգայի ուղու երկրորդ տուրի խաղից (4-0) հետո հաստատել է, որ ակումբն իր տեղափոխության վերաբերյալ տրանսֆերային առաջարկ է ստացել։ Այս մասին հայտնում է Матч ТВ-ն: «Սաութհեմփթոն» տեղափոխության մասին դեռ վաղ է խոսել, բայց ամեն ինչ լուրջ է. առաջարկ կա: Ես դեռ […] ...
17:45 14.08.2025
Քաղաքաշինության կոմիտեի պատվիրակությունը Կորեայի Հանրապետությունում մասնակցել է կանաչ քաղաքաշինության վերաբերյալ կազմակերպված աշխատաժողովինՔաղաքաշինության կոմիտեի պատվիրակությունը՝ կոմիտեի նախագահի առաջին տեղակալ Դավիթ Գրիգորյանի գլխավորությամբ Կորեայի Հանրապետությունում մասնակցել է կանաչ քաղաքաշինության վերաբերյալ կազմակերպված աշխատաժողովին։ Աշխատաժողովի ընթացքում ներկայացվել է կանաչ քաղաքաշինության, շենքերի էներգաարդյունավետության, խելացի քաղաքների կառավարման, «BIM» տեղեկատվական մոդելավորման տեխնոլոգիաների ներդրման ուղղությամբ Կորեայի փորձը, և քննարկվել են վերջինիս տեղայնացման վերաբերյալ հարցեր։ Պատվիրակության այցը կազմակերպվել է Ասիական զարգացման բանկի, Կորեայի Հանրապետության էկոնոմիկայի […] ...
17:37 14.08.2025
2025 թ․ ամառային զորակոչից տարկետում է տրվել ԲՏՃՄ մասնագիտություններով սովորող 144 քաղաքացուՀՀ կառավարության այսօրվա նիստի օրակարգում ներառված էր Բնագիտական, տեխնոլոգիական, ճարտարագիտական, մաթեմատիկական (ԲՏՃՄ) ուղղություններով պետության համար առաջնահերթ և կարևորություն ներկայացնող մասնագիտություններով համապատասխան բուհերում սովորող քաղաքացիներին շարքային կազմի պարտադիր զինվորական ծառայության 2025 թվականի ամառային զորակոչից տարկետում տրամադրելու հարցը։ Նիստի արդյունքում ընդունված որոշմամբ տարկետում է տրվել վերոնշյալ մասնագիտություններով սովորող 144 քաղաքացու, որոնցից բակալավրի (դիպլոմավորված մասնագետի, ինտեգրացված) կրթական ծրագրով […] ...
17:30 14.08.2025
ՔԿ-ն արձագանքել է «Սրբազան պայքար» շարժման ղեկավարների և մասնակիցների պաշտպանների կողմից կատարված հրապարակումներինՔննչական կոմիտեն արձագանքել է «Սրբազան պայքար» շարժման ղեկավարների և մասնակիցների պաշտպանների կողմից կատարված հրապարակումներին. «Վերջին օրերին «Սրբազան պայքար» անվանումը ստացած շարժման ղեկավարների և մասնակիցների կողմից ահաբեկչության և իշխանությունը յուրացնելու նախապատրաստություն կատարելու փաստի կապակցությամբ նախաձեռնված և ըստ էության քննության առնելու համար դատարան ուղարկված քրեական վարույթով մեղադրյալների պաշտպանները, չսպասելով օրենքով սահմանված ընթացակարգի շրջանակներում Դատարանի կողմից սահմանված հերթականությամբ […] ...
