13:42 15.11.2023
Կառավարության հնգամյա ծրագրի նպատակային թիրախների ապահովման սկզբունքի, ինչպես նաեւ ՀՀ տնտեսության համար ձեւավորված դրական զարգացումների պահպանման պայմաններում հարկաբյուջետային քաղաքականությունը 2024 թվականին շարունակելու է առաջնորդվել 7 տոկոս տնտեսական աճի ապահովման նպատակով՝ շեշտադրելով հարկաբյուջետային կայունության պահպանումն ու տնտեսական ներուժի աճին ուղղված պետական ներդրումների էական ավելացումը: Նշված տնտեսական քաղաքականության հիմքում ընկած է արտադրողականության եւ մրցունակության համար անհրաժեշտ պայմանների ապահովումը, որտեղ կարեւոր նշանակություն ունեն ներդրումային միջավայրի բարելավումն ու ներդրումների խրախուսմանն ուղղված միջոցառումների իրականացումը, պետական ներդրումների մասնաբաժնի էական աճը, ինչպես նաեւ կարողությունների զարգացման միջոցով արտադրողականության աճին նպաստումը: Այս մասին ասել է ՀՀ կենտրոնական բանկի նախագահ Մարտին Գալստյանը՝ ԱԺ հերթական նիստում ներկայացնելով ԿԲ եզրակացությունը 2024 թվականի «Պետական բյուջեի մասին» ՀՀ օրենքի նախագծի վերաբերյալ:
ՀՀ կառավարության նպատակադրված բարձր տնտեսական աճի ապահովումն էապես կախված կլինի արտահանման խթանման եւ ներդրումային միջավայրի բարելավմանն ուղղված, ինչպես նաեւ ենթակառուցվածքներում խոշոր ներդրումային ծրագրերի ամբողջական ծավալով եւ սահմանված ժամկետներում իրականացման կարողություններից եւ արդյունքներից: Ըստ ԿԲ նախագահի՝ 2024 թվականի հարկաբյուջետային հատվածը համախառն պահանջարկի վրա կունենա ընդլայնող ազդեցություն: 2024 թվականին հարկաբյուջետային քաղաքականությամբ թիրախավորվել է էապես բարձրացնել պետական ներդրումների մակարդակը եւ միաժամանակ ապահովել ՀՀ կառավարության պարտքի բեռի նվազող միտումը:
Նախանշված բարձր տնտեսական աճի, օրենսդրական բարեփոխումների, ինչպես նաեւ հարկային վարչարարության բարելավման արդյունքում 2024 թվականի համար նախանշվել է հարկեր/ՀՆԱ ցուցանիշի էական՝ 0,75 տոկոսային կետ աճ:
2024 թվականին ՀՀ պետական բյուջեի եկամուտները համախառն պահանջարկի վրա կունենան զսպող ազդեցություն: Կարեւորվել են 2024 թվականին նախատեսված վարչարարության եւ համապատասխան օրենսդրական նախաձեռնությունների շրջանակում հարկերի հավաքագրումը բարելավող կայուն լծակների ձեւավորումը եւ արդյունավետության ապահովումը:
Մարտին Գալստյանի խոսքով ԿԲ-ն կշարունակի վերջին տարիներին որդեգրած պահանջարկի կարգավորման եւ գնաճային սպասումների կայունացման քաղաքականության հետեւողական իրականացումը: Ամփոփելով՝ ԿԲ նախագահը նշել է, որ գնահատվում է՝ 2024 թվականի պետական բյուջեի նախագծով նախանշված ընդլայնող հարկաբյուջետային քաղաքականությունը, թեեւ պահպանվող բարձր պահանջարկի պայմաններում կարող է պարունակել որոշակի ռիսկեր մակրոկայունության ապահովման տեսանկյունից, սակայն շեշտադրում է Կառավարության հետեւողականությունը տնտեսական ներուժի խթանմանն ուղղված պետական ներդրումների աճի նպատակադրումներում: Վերջինս հիմքեր կստեղծի նաեւ առաջանցիկ պահանջարկի աստիճանական ճշգրտման եւ ՀՆԱ-ի ներուժի մակարդակի բարձրացման համար:
ԿԲ նախագահը պատասխանել է պատգամավորների հարցերին՝ անդրադառնալով անվտանգային աշխարհաքաղաքական զարգացումների համատեքստում տնտեսական անվտանգությանը, ներդրումներին, հարկային մուտքերին, ՀՆԱ/պարտք հարաբերակցությանը, ազգային արժույթի փոխարժեքի հնարավոր արժեզրկման ռիսկերին:
15:50 15.08.2025
Զինծառայողը ներկայացվել է ռազմաբժշկական փորձաքննության և, առողջական վիճակով պայմանավորված ճանաչվել, ոչ պիտանի զինվորական ծառայության համար. ՄԻՊՊարտադիր ժամկետային զինծառայողի ծնողներն ու փաստաբանը դիմել էին Մարդու իրավունքների պաշտպանին՝ մտահոգություն հայտնելով զինծառայողի առողջական խնդիրների վերաբերյալ։ «Բարձրացված հարցի կապակցությամբ ՄԻՊ աշխատակազմում անմիջապես սկսվել էր վարույթ, և գրություն էր հասցեագրվել Պաշտպանության նախարարություն, որից հետո զինծառայողը տեղափոխվել էր զինվորական հոսպիտալ։ Այնուհետև, Պաշտպան Անահիտ Մանասյանի հանձնարարությամբ ՄԻՊ ներկայացուցիչներն արագ արձագանքման այց էին իրականացրել հոսպիտալ, տեսակցել զինծառայողին։ Բժշկական […] ...
15:37 15.08.2025
Սպիտակ տունը հայտնել է, թե ով կուղեկցի Դոնալդ Թրամփին ՌԴ նախագահի հետ հանդիպմանը գնալիսԱՄՆ պետքարտուղար Մարկո Ռուբիոն, ֆինանսների և առևտրի նախարարներ Սքոթ Բեսենթը և Հովարդ Լուտնիկը, ինչպես նաև ԿՀՎ տնօրեն Ջոն Ռատկլիֆը և հատուկ դեսպանորդ Սթիվեն Ուիթքոֆը կուղեկցեն ԱՄՆնախագահ Դոնալդ Թրամփին Անքորիջ՝ Ռուսաստանի նախագահ Վլադիմիր Պուտինի հետ հանդիպման ժամանակ: Այս մասին հայտարարել է Սպիտակ տունը: Բացի այդ, Թրամփի պատվիրակության կազմում են ԱՄՆ արարողակարգի ղեկավար Մոնիկա Քրոուլին, Սպիտակ տան […] ...
15:26 15.08.2025
NBC. Թրամփը կարծում է, որ չի ստանա Խաղաղության Նոբելյան մրցանակըԱՄՆ նախագահ Դոնալդ Թրամփը շատ է ցանկանում ստանալ Խաղաղության Նոբելյան մրցանակ, բայց չի կարծում, որ դա նրան կհաջողվի: Այս մասին հայտնել է NBC հեռուստաընկերությունը՝ հղում անելով Սպիտակ տան ներկայացուցչին: «Նախագահը զգում է, որ արժանի է Խաղաղության Նոբելյան մրցանակին, բայց չի կարծում, որ կարող է այն ստանալ: Նա նշել է, որ այն ավելի շուտ կստանա մեկը, […] ...
15:15 15.08.2025
Առանձնապես խոշոր չափերով թմրամիջոցի մաքսանենգությանը հանցակցելու մեղադրանքով հետախուզվողը հայտնաբերվեցՔրեական ոստիկանության Սյունիքի մարզային վարչության ծառայողներն, իրացնելով ստացված տեղեկությունները, օգոստոսի 12-ին Մեղրիում հայտնաբերել ու ձերբակալել են 43-ամյա մի տղամարդու: Նա օգոստոսի 9-ից հետախուզվում էր առանձնապես խոշոր չափերով թմրամիջոցի մաքսանենգությանը և առանձնապես խոշոր չափերի թմրամիջոց պահելուն հանցակցելու փորձի մեղադրանքով, խափանման միջոցը՝ կալանք։ ...
15:13 15.08.2025
ՊԵԿ պատվիրակությունը մասնակցել է ԱՊՀ պետությունների հարկային հետաքննության մարմինների համակարգող խորհրդի նախապատրաստական նիստինՀՀ ՊԵԿ հետաքննության և օպերատիվ-հետախուզության վարչության պետ Աշոտ Մովսիսյանի գլխավորած պատվիրակությունը Ղազախստանի Հանրապետության Աստանա քաղաքում մասնակցել է Անկախ Պետությունների Համագործակցության մասնակից պետությունների հարկային (ֆինանսական) հետաքննության մարմինների համակարգող խորհրդի նիստին։ Նիստի մասնակիցները քննարկել են ԱՊՀ անդամ պետությունների հարկային մարմինների գործունեության՝ տնտեսական անվտանգության ապահովման, ահաբեկչության ֆինանսավորման դեմ պայքարի, տնտեսական ոլորտում հանցագործությունների և կոռուպցիայի բացահայտման և կանխարգելման ուղղությամբ […] ...
