18:52 09.08.2024
Օգոստոսի 9-ին Լոռու մարզպետ Արամ Ղազարյանի և ՀՀ վիճակագրական կոմիտեի նախագահ Ստեփան Մնացականյանի գլխավորությամբ Լոռու մարզպետարանում անցկացվեց Հայաստանի Հանրապետությունում 2024 թվականի գյուղատնտեսական հաշվառման նախապատրաստման և անցկացման Լոռու մարզային հանձնաժողովի նիստը:
Նիստին մասնակցում էին Լոռու մարզպետի տեղակալ Գոռ Ասրյանը, ՀՀ վիճակագրության պետական խորհրդի անդամ, կոմիտեի նախագահի տեղակալ Գագիկ Անանյանը, Գյուղատնտեսական համատարած հաշվառման վարչության պետ Վարդան Գևորգյանը, Գյուղատնտեսության և պարենային ապահովության վիճակագրության բաժնի պետ Արսեն Ավագյանը, ՀՀ վիճակագրական կոմիտեի Լոռու մարզային վարչության պետ Վրեժ Մանուկյանը, ՀՀ ՆԳՆ Լոռու մարզային ոստիկանության վարչության պետի պարտականությունները կատարող, գնդապետ Մհեր Վանյանը, ՀՀ կադաստրի կոմիտեի Լոռու մարզային ստորաբաժանման պետ Տաթևիկ Սարգսյանը, համայնքների ղեկավարներ, Լոռու մարզպետի աշխատակազմի, համայնքապետարանների աշխատակազմերի և այլ պատասխանատու պաշտոնյաներ:
Լոռու մարզպետ, հանձնաժողովի նախագահ Արամ Ղազարյանը, ողջունելով ներկաներին, շնորհակալություն հայտնեց ՀՀ վիճակագրական կոմիտեի նախագահ Ստեփան Մնացականյանին, կոմիտեի ներկայացուցիչներին նիստի անցկացման նախաձեռնության համար՝ նշելով, որ այն կարևոր է մի շարք հարցերի պարզաբանման տեսանկյունից:
ՀՀ վիճակագրական կոմիտեի նախագահ Ստեփան Մնացականյանն իր երախտագիտությունը հայտնեց Լոռու մարզպետին և գյուղատնտեսակական համատարած հաշվառման մարզային հանձնաժողովին՝ նման ընդգրկուն միջոցառման կազմակերպման և անցկացման հարցում մեծ պատրաստակամություն ցուցաբերելու համար։
Նա ներկայացրեց 2024 թվականի հոկտեմբերի 11-31-ը անցկացվելիք գյուղատնտեսական համատարած հաշվառման նպատակը, կարևորությունը, նախապատրաստական աշխատանքների ընթացքը:
Ստեփան Մնացականյանն իր խոսքում ընդգծեց հատկապես գործընթացի կազմակերպման հարցում պետական կառավարման և տեղական ինքնակառավարման մարմինների աջակցության անհրաժեշտությունը: Մարզային հանձնաժողովի և համայնքապետարանների կողմից ակնկալվում է օժանդակություն՝ ինչպես նախապատրաստական աշխատանքների կազմակերպման, այնպես էլ՝ հաշվառման բուն գործընթացի անցկացման հարցում: Կարևորվեց նաև ոստիկանության ներգրավվածությունը գործընթացում:
Նա նշեց, որ հաշվառման արդյունքում զգալիորեն կբարելավվի գյուղատնտեսության ոլորտի վիճակագրությունը և կձևավորվի գյուղատնտեսության ոլորտի վերաբերյալ ամբողջական տեղեկատվական համակարգ:
Ներկաները կոմիտեի նախագահին և մարզային հանձնաժողովին հարցեր ուղղելու հնարավորություն ևս ունեցան՝ ստանալով սպառիչ պատասխաններ:
Ամփոփելով նիստը՝ մարզպետ Արամ Ղազարյանը շնորհակալություն հայտնեց նախատեսվող աշխատանքները բովանդակալի ներկայացնելու համար և վստահեցրեց, որ և՛ նախապատրաստական աշխատանքները, և՛ հաշվառման բուն գործընթացը մարզում կկազմակերպվի բարձր մակարդակով:
21:52 05.06.2025
Երևանի միջազգային բալետային փառատոնի օրերին Թումանյանի անվան զբոսայգու տարածքից կգործեն անվճար ավտոբուսային երթուղիներՎաղվանից մեկնարկում է երևանյան բալետային միջազգային 3-րդ փառատոնը: Այս մասին հայտնել են Երևանի քաղաքապետարանից: Թումանյանի անվան զբոսայգուց կգործեն անվճար ավտոբուսներ` դեպի «Բարեկամություն» և «Զորավար Անդրանիկ» մետրոկայարաններ: Հունիսի 6 – Մոսկվայի Բոլշոյ թատրոն, «Ժիզել» Հունիսի 7- Մոսկվայի Բոլշոյ թատրոն, «Գալա բալետ» Հունիսի 9 – Սանկտ Պետերբուրգի Մարիինյան թատրոն, «Շոպենիանա» և «Շահերեզադա» Հունիսի 10 – Սանկտ Պետերբուրգի […] ...
21:48 05.06.2025
Երևանում անցկացվեց Բենուր Փաշայանի անվան հունահռոմեական ոճի ըմբշամարտի միջազգային հուշամրցաշարըՀունիսի 2-4-ը Երևանի «Դինամո» մարզադահլիճում անցկացվեց սպորտի վաստակավոր վարպետ, աշխարհի կրկնակի չեմպիոն Բենուր Փաշայանի անվան հունահռոմեական ոճի ըմբշամարտի միջազգային հուշամրցաշարը: Մարզական ստուգատեսին այս տարի մասնակցում էին 9 երկրների՝ Հայաստանի, Վրաստանի, Մոլդովայի, Իրանի, Լեհաստանի, Չեխիայի, Նորվեգիայի, Էստոնիայի և Բելառուսի 170 մարզիկներ: Հաղթողները պարգևատրվել են գավաթներով, մեդալներով, պատվոգրերով ու ստացել դրամական պարգևներ: Այս մասին հայտնել են Երևանի […] ...
21:44 05.06.2025
Եվս մեկ ԲԿ ստացավ միջազգային հավատարմագրման «ոսկե ստանդարտ»՝ JCI որակավորում. Անահիտ ԱվանեսյանԱռողջապահության նախարար Անահիտ Ավանեսյանը Ֆեյսբուքի իր էջում գրել է. «Կարևոր ձեռքբերում` մեր երկրի առողջապահական ոլորտում. Եվս մեկ բժշկական հաստատություն` «Նաիրի» բժշկական կենտրոնը, ստացավ բժշկական կենտրոնների միջազգային հավատարմագրման «ոսկե ստանդարտ»՝ JCI որակավորում։ Հայաստանում բուժծառայությունների որակն անընդհատ կատարելագործվում է միջազգային չափանիշներին համահունչ`ապահովելով քաղաքացիներին բարձրակարգ բուժսպասարկում: Միջազգային հավատարմագրման գործընթացը նաև բժշկական տուրիզմի զարգացման կարևոր խթան է»: ...
21:39 05.06.2025
ՏԿԵ նախարարն ընդունել է KFW Գերմանական զարգացման բանկի Արևելյան Եվրոպայի տնօրենի գլխավորած պատվիրակությանըՀՀ ՏԿԵ նախարար Դավիթ Խուդաթյանը Ֆեյսբուքի իր էջում գրել է, որ այսօր ընդունել է KFW Գերմանական զարգացման բանկի Արևելյան Եվրոպայի, Կովկասի և Կենտրոնական Ասիայի տնօրեն Վերոնիկա Գարսիա դել Արկոյի գլխավորած պատվիրակությանը։ «Քննարկել ենք համատեղ իրականացվող ծրագրերի ընթացքը, ընթացիկ խնդիրները և դրանց լուծման ճանապարհները։ Մասնավորապես անդրադարձել ենք Կապսի ջրամբարի ծրագրի իրականացման ընթացքին, ծրագրում առաջընթաց ապահովելու խնդիրներին։ […] ...
21:31 05.06.2025
Մասկը պնդում է, որ առանց իրեն Թրամփը չէր հաղթի նախագահական ընտրություններումԻլոն Մասկը կոշտ է արտահայտվել ԱՄՆ գործող նախագահ Դոնալդ Թրամփի դեմ՝ ասելով, որ առանց նրա աջակցության ինքը չէր հաղթի ընտրություններում։ «Առանց ինձ Թրամփը կպարտվեր ընտրություններում, դեմոկրատները կվերահսկեին Ներկայացուցիչների պալատը (ԱՄՆ Կոնգրեսի)», – գրել է Մասկը X-ում։ Քննադատությունը հաջորդել է Թրամփի այն խոսքերին, որ նա «հիասթափված է Իլոնից»։ Ավելի վաղ The Wall Street Journal-ը գրել էր, […] ...
