12:25 05.10.2018
Կառավարության նախաձեռնությամբ այսօր հրավիրվել է ԱԺ արտահերթ նիստ՝ «ՀՀ տոների և հիշատակի օրերի մասին» օրենքում փոփոխություն և լրացում կատարելու նախագիծը քննարկելու համար:
ՀՀ ԱԳ նախարարի տեղակալ Ռուբեն Ռուբինյանը, ներկայացնելով օրենքի նախագծի ընթացակարգը, առաջարկել է դրա առաջին և երկրորդ ընթերցումները կազմակերպել 24 ժամվա ընթացքում:
ԱԺ ՀՀԿ խմբակցության անդամ Սամվել Ֆարմանյանը հարցրել է, թե ինչպես է ԱԳՆ-ն գնահատում Ֆրանկոֆոնիայի կազմակերպման ընթացքը:
Ռուբեն Ռուբինյանն ասել է, որ խորհրդաժողովի նախապատրաստական աշխատանքներն ընթանում են ըստ պլանավորման, համապատասխան գերատեսչությունները կատարում են իրենց վրա դրված պարտավորությունները:
ԱԳ փոխնախարարն ասել է, որ Ֆրանկոֆոնիայի օրերին ՀՀ կգան բազմաթիվ երկրների ղեկավարներ, ինչը հնարավորություն կտա ընդլայնել միջպետական կապերը եվրոպական, աֆրիկյան ու բազմաթիվ ֆրանկոֆոն երկրների հետ:
Սամվել Ֆարմանյանը ճշտող հարց է ուղղել, թե կոնկրետ բովանդակային առումով ինչ ակնկալիքներ ունի հայկական կողմը Ֆրանկոֆոնիայի գագաթնաժողովից, որպեսզի հանրությունը և քաղաքագիտական շրջանակները գաղափար կազմեն, թե ինչի մասին է խոսքը:
Ռուբեն Ռուբինյանն արձագանքել է, թե ինքը կարող է երկար խոսել, սակայն ժամանակ չկա, մանավանդ, որ ԱԺ արտահերթ նիստում այդ թեման չի քննարկվում: Ինքը միայն կարող է ասել, որ այդ միջոցառումը կարևոր փուլ է ՀՀ-ի համար՝ մանավանդ գարնանը տեղի ունեցած քաղաքական փոփոխություններից հետո:
ԱԺ ՀՀԿ խմբակցության անդամ Արմեն Աշոտյանը հարցրել է, թե ի՞նչ կառույց է Ֆրանկոֆոնիայի կազմակերպման ֆինանսական պատասխանատուն, որպեսզի ԱԺ-ն կարողանա հաշվետվություն պահանջել: Աշոտյանի երկրորդ հարցը՝ ինչպիսի՞ն է լինելու ԱԺ ներգրավվածությունը Ֆրանկոֆոնիայի գագաթնաժողովին:
Ռուբեն Ռուբինյանն ասել է, որ դեռևս որևէ մեկը հրավեր չի ստացել, բայց դրանք կլինեն, ինքը վստահեցնում է, որ ԱԺ-ն անմասն չի մնա Ֆրանկոֆոնիայի գագաթնաժողովի միջոցառումներից: Միաժամանակ ԱԳ փոխնախարարը վստահեցրել է, որ կազմակերպչական ֆինանսական մասով խախտումներ չեն եղել և չեն լինելու, իսկ ՝ ինչ կառույց է պատասխանատու դրա համար, չի ասել:
00:00 07.05.2025
Ստեփանծմինդա-Լարս ավտոճանապարհը բաց է
00:00 07.05.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:59 06.05.2025
Ասթմայի և օդի աղտոտվածության փոխադարձ կապի մասինԱմեն տարի՝ մայիսի առաջին երեքշաբթին (այս տարի՝ մայիսի 6-ին), համաշխարհային օրացույցում Ասթմայի միջազգային օրն է։ Ասթմայի համաշխարհային օրը մեզ հիշեցնում է, որ օդի աղտոտվածության և ասթմայի միջև կապը փոխադարձ է։ Օդի աղտոտվածությունը նպաստում է ասթմայի զարգացմանը, հատկապես երեխաների մոտ։ Իսկ նրանց համար, ովքեր արդեն ապրում են ասթմայով, վատ օդի որակը խորացնում է ախտանիշերը և սահմանափակում […] ...
23:57 06.05.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:51 06.05.2025
Տեղի է ունեցել «Քաղաքացիական պայմանագիր» կուսակցության Վարչության նիստՄայիսի 6-ին տեղի է ունեցել «Քաղաքացիական պայմանագիր» կուսակցության Վարչության նիստ, որը վարել է Վարչության նախագահ, ՀՀ վարչապետ Նիկոլ Փաշինյանը։ Վանաձորի Տարածքային կազմակերպության խորհրդի նախագահի պաշտոնում հաստատվել է Արամ Ղազարյանի թեկնածությունը։ Քննարկվել են Երևան և Վաղարշապատ համայնքների ավագանիների «Քաղաքացիական պայմանագիր» խմբակցությունների աշխատանքին առնչվող, ինչպես նաև այլ կուսակցական հարցեր։ ...
23:49 06.05.2025
Ուրախ եմ, որ ձեր օրակարգում Շիրակը պակաս առանցքային տեղ չունի․ մարզպետը՝ ԵՄ դեսպանինԱմեն տարի մայիսին Եվրոպան նշում է Եվրոպայի օրը։ Խաղաղություն ու միասնություն խորհրդանշող տոնական միջոցառումների մեկնարկն այսօր տրվել է Գյումրուց։ Միջոցառմանը ներկա է գտնվել Շիրակի մարզպետ Դավիթ Առուշանյանը կնոջ հետ։ Այս մասին հայտնել են Շիրակի մարզպետի աշխատակազմից: Ողջունելով միջոցառման մասնակիցներին՝ Շիրակի մարզպետը կարևորել է նմանօրինակ միջոցառումների անցկացումը՝ ընդգծելով դիվանագիտական ճակատում կանգնած մարդկանց աշխատանքի կարևորությունն ու դրական, […] ...
23:44 06.05.2025
ԲՏԱ նախարարն այցելել է Իջևան՝ տեղում ծանոթանալու տեխնոլոգիական առաջընթացին ու զարգացման հնարավորություններինՀՀ ԲՏԱ նախարար Մխիթար Հայրապետյանը Ֆեյսբուքի իր էջում տեղեկացրել է, որ այսօր ԱՏՁՄ հրավերով այցելել է Իջևան՝ տեղում ծանոթանալու տեխնոլոգիական առաջընթացին ու զարգացման հնարավորություններին։ ««ԻննոԻջևան»-ի «Իրական դպրոցում» ծանոթացա, թե ինչպես է կրթական ծրագիրը կապում դպրոցական ուսուցումը գործնական հմտություններին՝ ձևավորելով ոլորտի պահանջներին համապատասխան երիտասարդ մասնագետներ։ Կարևոր կանգառ էր նաև Իջևանի թիվ 1 դպրոցի «Արմաթ» աշխատանոցը, որտեղ […] ...
