08:51 16.05.2018
Հյուսիսային Կորեան չեղարկել է Հարավային Կորեայի հետ այսօր կայանալիք բանակցություները և սպառնացել է չեղարկել ԱՄՆ-ի հետ նախատեսվող գագաթաժողովը:
Հյուսիսկորեական պետական լրատվական գործակալությունը հրապարակել է երկրի փոխարտգործնախարարի հայտարարությունը: Այնտեղ մասնավորապես նշվում է, որ եթե ԱՄՆ-ն միակողմանի պահանջում է հրաժարվել միջուկային զենքից, ապա իրենց հետաքրքիր չեն այդ բանակցությունները: Փհենյանը նաև նշել է, որ ստիպված կլինի վերանայել իր համաձայնությունը երկու երկրների միջև հունիսի 12-ին նախատեսված գագաթաժողովին:
Այս հայտարարությունից որոշ ժամանակ առաջ Փհենյանը չեղարկել է Սեուլի հետ բանակցությունները, որոնք պետք է կայանային այսօր: Բանակցությունները հաստատվել էին երկու Կորեաների կողմից և պետք է տեղի ունենային Փհանմունջոմ ապառազմականացված գոտում: Կողմերը պետք է քննարկեին ապրիլի 27-ին Հյուսիսային և Հարավային Կորեաների ղեկավարների միջև ձեռք բերված պայմանավորվածությունների մանրամասները:
Փհենյանն իր որոշումը պատճառաբանել է Հարավային Կորեայի և ԱՄՆ-ի միջև անցկացվող զորավարժություններով՝ դրանք անվանելով սադրանք:
Սեուլը հայտարարել է, որ ցավում է Հյուսիսային Կորեայի միակողմանի որոշման համար և կոչ է արել հնարավորինս շուտ վերադառնալ բանակցությունների սեղանի շուրջ:
Իսկ ԱՄՆ արտգործնախարարության պաշտոնական ներկայացուցիչ Հիդեր Նաուերթը հայտարարել է, որ ԱՄՆ-ն կշարունակի Սինգապուրում Փհենյանի և Վաշինգտոնի միջև սպասվող գագաթաժողովի նախապատրաստական աշխատանքները:
«Մենք այդ կառավարությունից կամ Հարավային Կորեայի կառավարությունից չենք լսել որևէ բան, որը կհուշի, որ չենք շարունակելու այդ զորավարժությունները կամ որ մենք չենք շարունակելու ծրագրել հաջորդ ամիս նախագահ Թրամփի և Կիմ Չեն Ինի միջև կայանալիք հանդիպումը», – նշել է Նաուերթը:
13:40 13.08.2025
Կանաչուտի բնակչի բակում կանեփի 151 թուփ է հայտնաբերվել. Արտաշատի համայնքային ոստիկանների բացահայտումըՀամայնքային ոստիկանության Արտաշատի բաժնի ծառայողները տեղեկություններ էին ստացել, որ Կանաչուտ գյուղի բնակիչ 69-ամյա տղամարդը բակում կանեփ է աճեցնում։ Նախաձեռնվել է քրեական վարույթ, որի շրջանակներում տղամարդու տան բակում կատարված զննությամբ հայտնաբերվել է կանեփի 151 թուփ: Կազմված փաստաթղթերն ուղարկվել են նախաքննական մարմին: Հանգամանքները պարզվում են: ...
13:34 13.08.2025
Եղանակը՝ առաջիկա օրերինԵրևանում օգոստոսի 13-ին և 16-ին երեկոյան քաղաքի առանձին հատվածներում հնարավոր է կարճատև անձրև և ամպրոպ։ Օգոստոսի 14-15-ին, 17-18-ին սպասվում է առանց տեղումների եղանակ։ Օգոստոսի 13-16-ին ամպրոպի ժամանակ և երեկոյան սպասվում է քամու ուժգնացում՝ 14-18 մ/վ արագությամբ։ Մարզերում օգոստոսի 13-ի ցերեկը, 14-17-ին կեսօրից հետո առանձին շրջաններում սպասվում է կարճատև անձրև և ամպրոպ, հնարավոր է կարկուտ: Օգոստոսի […] ...
13:22 13.08.2025
Հայտնի են Իրանի նախագահի՝ Հայաստան պաշտոնական այցի օրերըՀայտնի են Իրանի Իսլամական Հանրապետության նախագահ Մասուդ Փեզեշքիանի՝ Հայաստան այցի ժամկետները: Այցի ժամկետների հստակեցման վերաբերյալ «Արմենպրես»-ի հարցին ի պատասխան ՀՀ վարչապետի աշխատակազմի Տեղեկատվության և հասարակայնության հետ կապերի վարչությունից նշեցին. «Իրանի Իսլամական Հանրապետության նախագահ Մասուդ Փեզեշքիանի պաշտոնական այցը Հայաստանի Հանրապետություն կկայանա օգոստոսի 19-ին»: ...
13:12 13.08.2025
Կողբ գյուղի «Զիկատար» կոչվող տարածքում քաղաքացին ընկել էր ձորը․ օգնության են հասել փրկարարներըՕգոստոսի 13-ին, ժամը 10։30-ին Ճգնաժամային կառավարման ազգային կենտրոն ահազանգ է ստացվել, որ Տավուշի մարզի Կողբ գյուղի «Զիկատար» կոչվող տարածքում քաղաքացին ընկել է ձորը. դուրս բերելու համար անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Փրկարարները «Զիկատար» պետական արգելավայրի տարածքից քաղաքացուն պատգարակով իջեցրել և մոտեցրել են շտապօգնության ավտոմեքենային. […] ...
13:06 13.08.2025
Նիկոլ Փաշինյանը չի մասնակցի օգոստոսի 15-ին Ղրղզստանում անցկացվող ԵԱՏՄ երկրների՝ Եվրասիական միջկառավարական խորհրդի նիստինՆիկոլ Փաշինյանը չի մասնակցի օգոստոսի 15-ին Ղրղզստանում անցկացվող ԵԱՏՄ երկրների՝ Եվրասիական միջկառավարական խորհրդի նիստին, քանի որ գտնվում է արձակուրդում։ Վարչապետի մամուլի քարտուղար Նազելի Բաղդասարյանն է այս մասին հայտնել։ Ավելի վաղ հայտնել էինք, որ Նիկոլ Փաշինյանն օգոստոսի 12-15-ը ներառյալ գտնվելու է արձակուրդում։ ...
13:00 13.08.2025
Լավրովը օգոստոսի 21-ին Մոսկվայում կհանդիպի Հնդկաստանի արտգործնախարարի հետՌուսաստանի արտաքին գործերի նախարար Սերգեյ Լավրովը օգոստոսի 21-ին բանակցություններ կվարի Հնդկաստանի արտաքին գործերի նախարար Սուբրամանյամ Ջայշանկարի հետ, որը պաշտոնական այցով կգտնվի Մոսկվայում: Այս մասին ճեպազրույցի ժամանակ հայտարարեց Ռուսաստանի արտաքին գործերի նախարարության տեղեկատվության և մամուլի դեպարտամենտի փոխտնօրեն Ալեքսեյ Ֆադեևը: «Օգոստոսի 21-ին բանակցություններ կկայանան Ռուսաստանի արտաքին գործերի նախարար Սերգեյ Լավրովի և նրա հնդիկ գործընկերոջ՝ Սուբրամանիամ Ջայշանկարի միջև, […] ...
