17:37 28.05.2019
ՀԱՊԿ գլխավոր քարտուղարի հիմնական թեկնածու Ստանիսլավ Զասը Հայաստանում է՝ ստանալու պաշտոնական Երևանի համաձայնությունը այդ պաշտոնի համար: Բելառուս պաշտոնյային արդեն ընդունել են ՀՀ վարչապետն ու ԱԳ նախարարը:
«Ուրախալի է, որ համաձայնության եկանք, որ 2020թ. հունվարի 1-ից ռոտացիոն սկզբունքով Դուք կստանձնեք ՀԱՊԿ գլխավոր քարտուղարի պաշտոնը: ՀԱՊԿ գործունեությունը մեր տարածաշրջանում պետք է նպաստի հավասարակշռության և խաղաղության պահպանմանը»,– մայիսի 28-ի հանդիպման ժամանակ ասել է Նիկոլ Փաշինյանը:
ԱԳ նախարար Զոհրաբ Մնացականյանն էլ ընդգծել է, որ ՀԱՊԿ գլխավոր քարտուղարն իր լիազորությունների շրջանակներում պետք է առաջնորդվի կազմակերպության հիմնարար փաստաթղթերով, բոլոր անդամ պետությունների ու կառույցի ընդհանուր շահերով և քաղաքական գծով։
Բելառուսի դեռևս ԱԱԽ քարտուղարի պաշտոնը զբաղեցնող Ստանիսլավ Զասի և ՀՀ իշխանության միջև սա փաստացի առաջին կառուցողական խոսակցությունն է, քանի որ 2018թ. հոկտեմբերից սկսված քննարկումներում Զասի հետ կապված բազմաթիվ կնճռոտ հարցեր էին առաջանում: Դրանցից առաջինը բելառուս պաշտոնյայի նկատմամբ հայկական կողմի անվստահությունն էր, որը ուներ հիմքերը:
2018թ. դեկտեմբերի 25-ին ՀԱՊԿ մամուլի քարտուղար Վլադիմիր Զեյնետդինովը հայտարարեց, որ կազմակերպության գլխավոր քարտուղարի պաշտոնում Բելառուսի թեկնածու Ստանիսլավ Զասին նշանակելու որոշման նախագիծը ստորագրել են կազմակերպության 6 անդամ պետություններից 5-ի ղեկավարները։ Մնացել է միայն Հայաստանը։
Զասը մինչ այդ հանդիպել էր ՀԱՊԿ անդամ 5 պետությունների ղեկավարների հետ, մինչդեռ Հայաստանի վարչապետը հրաժարվում էր հանդիպումից՝ այն հետաձգելով անհայտ ժամկետով։
2019-ի փետրվարի 7-ին Մինսկում լրագրողների հետ հանդիպման ժամանակ նյարդայնացած Ստանիսլավ Զասը հայտարարել է, որ հայկական կողմի պատճառով գլխավոր քարտուղարի նշանակման գործընթացը տեղից չի շարժվում:
«ՀՀ վարչապետի հետ հանդիպումը դեռ չի կայացել: Ես նրան առաջարկել եմ հանդիպել հայկական կողմին հարմար ցանկացած պահի: Դեռ պատասխան չենք ստացել: ՀԱՊԿ մնացած անդամ-պետությունները Բելառուսի թեկնածուին իրենց աջակցությունն են հայտնել»,- ասել է նա:
Նույն օրը Ստանիսլավ Զասը նաև հավելել էր, որ ՀԱՊԿ կանոնադրությունը նաև սահմանափակ կազմով որոշումներ կայացնելու հնարավորություն է տալիս՝ ակնարկելով, որ եթե մյուս 5 պետությունները՝ Ռուսաստանը, Ղազախստանը, Բելառուսը, Տաջիկստանը և Ղրղզստանը շատ ուզենան, կարող են անտեսել Հայաստանի դիրքորոշումն ու ընտրություն կատարել առանց Երևանի համաձայնության:
Այն ժամանակ Shantnews-ի խնդրանքով՝ Զասին խիստ արձագանքեց պաշտոնական Երևանը: Վարչապետի մամուլի խոսնակ Վլադիմիր Կարապետյանը հայտարարեց, թե. «ՀԱՊԿ գլխավոր քարտուղարի հարցը որոշվում է անդամ երկրների ղեկավարների կոնսենսուսի միջոցով: Շատ կարևոր պաշտոն է դա: Այդ առումով ինձ համար անհասկանալի է Բելառուսի պաշտոնյայի նման հրապարակային խոսքը: Կարծում եմ, դա չի նպաստում կոնսուլտացիաների արդյունավետ անցկացմանը»:
Իսկ ինչո՞ւ Հայաստանի իշխանությունը չէր ցանկանում ընդունել Ստանիսլավ Զասին՝ լավ գիտակցելով, որ ամենաուշը 2020 թվականի հունվարից, ըստ ՀԱՊԿ կանոնադրության, պետք է կառույցի գլխավոր քարտուղար դառնա Բելառուսի ներկայացուցիչը:
Ստանիսլավ Զասի մութ անցյալի և ոչ պակաս մութ ներկայի մասին SHANTNEWS.am-ը հրապարակում արել է դեռևս 2018թ. նոյեմբերին: Պարզվում է՝ Ստանիսլավ Զասի կենսագրության մեջ շատ մեծ դեր են խաղում Ադրբեջանի հետ նրա ունեցած գործարար և քաղաքական կապերը:
Ո՞վ է Ստանիսլավ Զասը
1964թ. Ուկրաինայում ծնված Ստանիսլավ Զասը 1985թ. ավարտել է Ադրբեջանի համազորային ռազմական ուսումնարանը, ապա մոտ մեկ տասնամյակ, այդ թվում՝ ԽՍՀՄ փլուզումից հետո, ապրել է Ադրբեջանում: Ռազմական գիտությունների թեկնածու, գեներալ-լեյտենանտ Ստանիսլավ Զասը 2008թ. նշանակվել է Բելառուսի Ազգային անվտանգության խորհրդի քարտուղարի տեղակալի պաշտոնում, իսկ 2015-ի հուլիսի 1-ից՝ գլխավոր քարտուղար:
Գործունեության ընթացքում Զասը երբեք չի թաքցրել իր դրական վերաբերմունքը արևմտյան ռազմական կառույցների, այդ թվում ՆԱՏՕ-ի նկատմամբ՝ այն համարելով միակ կենսունակ կազմակերպությունը ահաբեկչության դեմ պայքարում:
Հայաստանի համար առավել կարևոր է մեկ այլ հանգամանք: Ստանիսլավ Զասը Բելառուսի և Ադրբեջանի սերտ գործակցության ամենաակտիվ գործիչներից է:
2017թ. սեպտեմբերի 27-ին աշխատանքային այցով Ադրբեջան մեկնած Զասը հանդիպել է նախագահ Իլհամ Ալիևի հետ և քննարկել ռազմական համագործակցության հարցեր: Զասը հայտարարել է, որ ամեն ինչ կանի՝ Ադրբեջանի հետ սերտ գործակցությունը ամրապնդելու և միջազգային հարթակներում փոխադարձ աջակցության քայլեր իրականացնելու համար:
2018թ. մարտի 1-ին Ստանիսլավ Զասը Մինսկում ընդունել է Ադրբեջանի նախագահի ռազմական հարցերով օգնական Ֆուադ Ալեսկերովին և քննարկել միջպետական ռազմական գործակցության հարցեր՝ նշելով, որ պաշտոնական Մինսկն ու Բաքուն ունեն ոչ միայն տնտեսական ու քաղաքական ակտիվ կապեր, այլև ռազմական գործակցության մեծ պոտենցիալ:
Այդ հանդիպումից մեկ ամիս անց ռուսական «Կոմերսանտ» պարբերականը հայտնեց, որ Ադրբեջանը Բելառուսի հետ կնքել է բելառուսական արտադրության «Պոլոնեզ» համազարկային կրակի ռեակտիվ համակարգի մատակարարման վերաբերյալ արտահանման առաջին պայմանագիրը:
2018թ. հունիսի 11-ին Ադրբեջանի պաշտպանության նախարարության հրթիռային զորքերի զորամասի բացման ժամանակ բելառուսական «Պոլոնեզներ»-ն արդեն Ադրբեջանում էին և ներկայացվեցին նախագահ Իլհամ Ալիևին:
Ստացվում է՝ ՀԱՊԿ, այդ թվում նաև Հայաստանի անվտանգության ապահովման համար ստեղծված ռազմական կառույցի ղեկավար է դառնալու մի անձ, որի շնորհիվ համազարկային կրակի ռեակտիվ համակարգեր են վաճառվել Հայաստանի նկատմամբ թշնամաբար տրամադրված երկրի՝ այդ զենքը նախ և առաջ Հայաստանի դեմ կիրառելու համար:
Իսկ ահա 2018թ. դեկտեմբերի 14-ին Բելառուսի նախագահ Ալեքսանդր Լուկաշենկոն կոշտ էր արձագանքել հայկական կողմի մեղադրանքներին՝ խայտառակություն անվանելով Հայաստանի դիրքորոշումը Զասի նկատմամբ:
Լուկաշենկոն հայտարարել էր, որ Հայաստանն է կազմակերպությանը անորոշ վիճակի մեջ գցել, հետևաբար, հենց հայկական կողմը պետք է զիջումների գնա կազմակերպության նոր գլխավոր քարտուղարի նշանակման հարցում։ Նրա խոսքով՝ իրենք հայկական կողմի առաջարկած «թոշակառուի» փոխարեն առաջարկել են երիտասարդ գեներալի, որը կարող է բարձրացնել կազմակերպության հեղինակությունը։
«Եթե դուք պատրաստ լինեք ընդունել նրան, լսել: Գուցե նա ձեզ համար լինի ավելի լավը, քան ցանկացած հայ։ Ի՜նչ եք վախենում բելառուսներից»,- ասել էր Լուկաշենկոն՝ հեռակա դիմելով հայկական կողմին՝ միաժամանակ շեշտելով, որ Բելառուսը կարող է 3 թեկնածու առաջարկել, սակայն պնդում է հենց Ստանիսլավ Զասի համար:
Եթե մի փոքր էլ հետ գնանք, 2016թ. նոյեմբերի 30-ին Բաքվում Իլհամ Ալիևը Բելառուսի նախագահին պարգևատրեց Հեյդար Ալիևի օրդենով՝ Ադրբեջանի համար առանձնահատուկ ծառայություններ մատուցելու համար: Լուկաշենկոն համբուրեց պարգևն ու խոստացավ արդարացնել իրենից սպասելիքները:
Կատարո՞ւմ է արդյոք Բելառուսի նախագահն իր ադրբեջանցի գործընկերոջը տված խոստումները, տարբեր քննարկումների ու շահարկումների առիթ է, բայց ՀԱՊԿ գլխավոր քարտուղարի պաշտոնում նրա ներկայացրած թեկնածու Ստանիսլավ Զասը շարունակում է Բելառուսի ԱԱԽ քարտուղարի պաշտոնում կատարել Ադրբեջանի հետ ռազմական գործակցության պարտականությունները:
Տևական մերժումներից ու մեղադրանքներից հետո համաձայնություն տալով ՀԱՊԿ գլխավոր քարտուղարի պաշտոնում Ստանիսլավ Զասի թեկնածությանը՝ հայկական կողմը վստա՞հ է արդյոք, որ իր տիրապետած տեղեկությունները չեն դառնա Ադրբեջանի սեփականությունը, բայց այդ, ճգնաժամային իրավիճակներում ի՞նչ արագությամբ ՀԱՊԿ-ն գործնական քայլեր կանի կառույցի անդամ Հայաստանի անվտանգությունը պաշտպանելու հարցում: Գլխավոր քարտուղարի դերը բոլոր դեպքերում վճռորոշ է:
17:56 06.05.2024
Արդարադատության նախարարի տեղակալը մասնակցել է ԵԽ աշխատաժողովին17:44 06.05.2024
Քննարկվել են ԵՄ աջակցությամբ իրականացվող կրթական բարեփոխումները17:12 06.05.2024
Տեղի է ունեցել «Բրեյն-ռինգ» ամենամյա մրցույթը16:43 06.05.2024
Էրդողանը հայտարարել է, որ Թուրքիան մեծացնում է ճնշումն Իսրայելի վրա16:16 06.05.2024
Ֆրանսիայի դեսպանն այցելել է ՌԴ ԱԳՆ16:12 06.05.2024
Չուկոտկայում 5,5 մագնիտուդով երկրաշարժ է տեղի ունեցել16:06 06.05.2024
Նախագահն աշխատանքային այցով գտնվելու է ԱՄՆ-ում15:53 06.05.2024
Փրկարարներն ավտոտնակից հեռացրել են մոտ 2 տոննա ջուր15:41 06.05.2024
Սևանա լճի հիդրոլոգիական ռեժիմը՝ ապրիլի 29-ից մայիսի 5-ը15:32 06.05.2024
Ներկայացվել է անցած շաբաթվա ագրոօդերևութաբանական տեղեկատվությունը15:27 06.05.2024
Լեհաստանը մտադիր չէ զորքեր ուղարկել Ուկրաինա15:12 06.05.2024
Մաքսանենգության և մաքսային կանոնների խախտման դեպքեր. շաբաթվա պատկերը15:00 06.05.2024
SHANTNEWS14:35 06.05.2024
Հետախուզվողը հայտնաբերվել և ներկայացվել է նախաքննական մարմին14:25 06.05.2024
Մալայզիայի հավաքականի ֆուտբոլիստի վրա ծծմբաթթու են լցրել14:16 06.05.2024
Տեղի է ունեցել ԿԳՄՍ նախարարին կից աշակերտական խորհրդի հերթական նիստը14:10 06.05.2024
Գողությունը կատարել էին կուտականցի ամուսինները13:59 06.05.2024
Բելգիան ԵՄ խորհրդին առաջարկել է պատժամիջոցներ սահմանել Իսրայելի դեմ13:18 06.05.2024
Օդի ջերմաստիճանը մայիսի 9-10-ին կբարձրանա 2-3 աստիճանով13:02 06.05.2024
«Վեոլիա ջուր» ընկերության հետ պայմանագիրը կվերանայվի. Ավինյան12:54 06.05.2024
Համայնքային ոստիկանները թմրամիջոցի շրջանառության դեպք են բացահայտել12:46 06.05.2024
Մաշտոցի բաժնի ոստիկանները բնակարանային գողության դեպք են բացահայտել12:35 06.05.2024
Երևանի մետրոպոլիտենը հաջորդ շաբաթվանից կաշխատի նոր ժամանակացույցով12:16 06.05.2024
Օպերատիվ իրավիճակը հանրապետությունում12:08 06.05.2024
Փաշինյանը չի մասնակցի Պուտինի երդմնակալության արարողությանը10:40 06.05.2024
Բրազիլիայում ջրհեղեղի զոհերի թիվը հասել է 78-ի10:26 06.05.2024
Տարադրամի փոխարժեքները մայիսի 6-ին10:00 06.05.2024
Մենք կարող ենք դուրս գալ եզրափակիչ․ Մբապե09:40 06.05.2024
Վայք համայնքի Արտավան բնակավայրում գործարկվելու է էլեկտրական շչակ09:35 06.05.2024
Գործակարգավարական խորհրդակցություն՝ Երևանի քաղաքապետարանում09:20 06.05.2024
ԱՄՆ-ը պատրաստում է Գայանային Վենեսուելայի վրա հարձակման․ Մադուրո09:10 06.05.2024
Դիլիջան համայնքի Հովք բնակավայրում գործարկվելու է էլեկտրական շչակ08:48 06.05.2024
Հարավային Կորեան կմասնակցի ԱՄՆ-ի կիբեր վարժանքներին08:38 06.05.2024
Ստեփանծմինդա-Լարս ավտոճանապարհը բաց է08:32 06.05.2024
ՀՀ տարածքում կան փակ ավտոճանապարհներ18:18 06.05.2024
Սի Ծինփինը ԵՄ առաջնորդների հետ քննարկել է Չինաստանի «գերարտադրողականության խնդիրները»Չինաստանի նախագահ Սի Ծինփինը երկուշաբթի օրը Ֆրանսիայի նախագահ Էմանուել Մակրոնի և Եվրահանձնաժողովի նախագահ Ուրսուլա ֆոն դեր Լայենի հետ հանդիպման ժամանակ ասել է, որ այսպես կոչված «Չինաստանի գերարտադրողականության խնդիր» գոյություն չունի։ «Չինաստանի նոր էներգետիկ արդյունաբերությունը իրական առաջընթաց է գրանցել բաց մրցակցության պայմաններում և ներկայացնում է առաջադեմ արտադրական հնարավորություններ», – ասել է Սի Ծինփինը: Նա նշել է, […] ...
17:52 06.05.2024
Որպես օրինակելի փորձ Եգիպտոսն ուսումնասիրում է քաղաքացիների հետընդունման և վերաինտեգրման՝ Հայաստանում գործող մեխանիզմներըՄայիսի 6-ին Ներքին գործերի նախարարի տեղակալ Արփինե Սարգսյանն ընդունել է Եգիպտոսի Արաբական Հանրապետության և Եվրոպական սահմանային և առափնյա պահպանության գործակալության (FRONTEX/Ֆրոնտեքս) պատվիրակություններին։ Արփինե Սարգսյանը ողջունելով հյուրերին՝ բարձր է գնահատել Հայաստանի Հանրապետության և Եգիպտոսի Արաբական Հանրապետության միջև ձևավորված արդյունավետ համագործակցությունը: Նա բարձր է գնահատել նաև Եվրոպական միության հետ գործընկերությունը՝ կարևորելով հատկապես Ֆրոնտեքսի հետ համագործակցության խորացումը ԵՄ-ի […] ...
16:43 06.05.2024
Էրդողանը հայտարարել է, որ Թուրքիան մեծացնում է ճնշումն Իսրայելի վրաԹուրքիան մեծացնում է ճնշումն Իսրայելի վրա, Անկարան կօգտագործի բոլոր միջոցները, որպեսզի Թել Ավիվի վարչակազմը պատասխան տա օրենքի առաջ, հայտարարել է Թուրքիայի նախագահ Ռեջեփ Թայիփ Էրդողանը։ «Մենք ավելացնում ենք ճնշումը, որպեսզի ստիպենք Իսրայելին, որը գնալով ավելի արյունարբու է դառնում, դադարեցնել կրակը: Սահմանափակումներ ենք մտցրել 54 ապրանքների արտահանման համար։ Նախորդ շաբաթվա դրությամբ մենք դադարեցրել ենք բոլոր ապրանքների […] ...
16:28 06.05.2024
ՄԱԳԱՏԷ-ի ղեկավարը ժամանել է Իրան՝ մասնակցելու միջուկային խորհրդաժողովինԱտոմային էներգիայի միջազգային գործակալության (ՄԱԳԱՏԷ) գլխավոր տնօրեն Ռաֆայել Գրոսին ժամանել է Իրան՝ մասնակցելու միջուկային միջազգային խորհրդաժողովին։ «Արմենպրես»-ի փոխանցմամբ՝ այս մասին հայտնում է IRNA գործակալությունը։ Ատոմային էներգիայի 30-րդ ազգային և առաջին միջազգային խորհրդաժողովը տեղի կունենա 2024 թվականի մայիսի 6-ից մինչև 8-ը՝ Իրանի Սպահան քաղաքում։ Նախատեսվում է, որ միջոցառման շրջանակում Գրոսին բանակցություններ կվարի Իրանի ատոմային էներգիայի կազմակերպության […] ...
16:16 06.05.2024
Ֆրանսիայի դեսպանն այցելել է ՌԴ ԱԳՆՌուսաստանում Ֆրանսիայի դեսպան Պիեռ Լևին երկուշաբթի այցելել է ՌԴ ԱԳՆ, հայտնում է «ՌԻԱ Նովոստի»-ի թղթակիցը։ Ֆրանսիացի դիվանագետը հրաժարվել է պատասխանել լրագրողների հարցերին։ Ավելի վաղ Ռուսաստանի Դաշնությունում Մեծ Բրիտանիայի դեսպանն էր կանչվել ՌԴ ԱԳՆ, նա մոտ 30 րոպե անցկացրել է նախարարությունում և չի պատասխանել լրատվամիջոցների հարցերին։ ...
16:12 06.05.2024
Չուկոտկայում 5,5 մագնիտուդով երկրաշարժ է տեղի ունեցելՉուկոտկայում 5,5 մագնիտուդով երկրաշարժ է գրանցվել, հայտնում է Եվրոպական-միջերկրածովյան սեյսմոլոգիական կենտրոնը, փոխանցում է «ՌԻԱ Նովոստի»-ն: Երկրաշարժը գրանցվել է տեղական ժամանակով 11.11-ին՝ Էգվեկինոտ գյուղից 169 կիլոմետր դեպի հյուսիս։ Երկրաշարժի օջախը գտնվել է 10 կիլոմետր խորության վրա։ Զոհերի կամ ավերածությունների մասին տեղեկություններ չկան։ ...