17:06 07.11.2019
«Վրաստանի էկոնոմիկայի և կայուն զարգացման նախարարությունն ու «Սաքաերոնավիգացիան» Հայաստանի օդանավային ծառայություններ մատուցող կազմակերպության (ARMATS) հետ միասին սկսում են Հարավային Կովկասում կարևորագույն նախագիծ`Վրաստանի և Հայաստանի միջև ազատ օդային ուղիների արմատավորում»,- այս մասին լրատվությունը տարածել է Վրաստանի էկոնոմիկայի նախարարությունը, հայտնում է «Ալիք մեդիան»:
Գերատեսչության հաղորդմամբ` Վրաստանն ու Հայաստանն ազատ օդային ուղիների նախագծի վրա աշխատանքը սկսել էին 2017 թվականին: Այն ուժի մեջ կմտնի 2019 թվականի նոյեմբերի 8-ին, ժամը 00:00-ին:
Նախարարությունը պարզաբանում է, որ նախագիծը նախատեսում է Վրաստանի և Հայաստանի օդային տարածքում թռչող օդանավերի կողմից ազատ ուղիների օգտագործման հնարավորություն՝ նշելով միայն մուտքի և ելքի կետերը, որոնք նախապես կլինեն նշված որպես Հարավային Կովկասի օդային տարածքի ազատ ուղիներ – Free Route Airspace in south Caucasus Area – FRASC:
Ծրագիրը կյանքի կոչելու ընթացքին հետևելու են Թբիլիսիի օդային տեղաշարժման շրջանային կենտրոնից Սահմանափակ պատասխանատվությամբ «Սաքաերոնավիգացիա» ընկերության տնօրեն Գոչա Մեզվրիշվիլին, Հայաստանի օդանավային ծառայության պրովայդեր կազմակերպության գլխավոր տնօրեն Արթուր Գասպարյանը և Եվրավերահսկման պատվիրակության անդամները:
«Սաքաերոնավիգացիայի» գլխավոր տնօրեն Գոչա Մեզվրիշվիլիի հայտարարությամբ` ազատ օդային ուղիներից արդեն օգտվում են Եվրոպայի մի շարք պետություններ:
«Ուրախ եմ, որ մենք առաջինն ենք տարածաշրջանում ներդրել ազատ օդային ուղիները և այժմ սկսում ենք այդ հռչակագրի երկրորդ փուլի իրականացումը: Ավիաընկերություններին, որոնք մեկ ուղու վրա հատում են Հայաստանի և Վրաստանի օդային տարածքը, հնարավորություն կունենան տեղաշարժվելիս ընտրել իրենց համար ցանկալի կարճ ուղին՝ դրանով խնայելով ժամանակը և վառելիքը, միաժամանակ ծախսերն ավելի արդյունավետ կծրագրեն: Սա շատ բարդ առաքելություն է, և մեր թիմը այս գլոբալ մարտահրավերը հաղթահարել է հաջողությամբ»,- հայտարարել է Գոչա Մեզվրիշվիլին:
«Սաքաերոնավիգացիա» օդային երթևեկության կառավարման մասնագետները, եվրոպական վերահսկողության և Հայաստանի ներկայացուցիչների հետ միասին, մի քանի օր դիտարկելու են ազատ օդային ուղիների տեղակայման գործընթացը:
21:56 09.06.2025
Հայաստանի թենիսի հավաքականը կմասնակցի Դեյվիսի գավաթինՀայաստանի թենիսի հավաքականն արդեն ժամանել է Հյուսիսային Մակեդոնիայի մայրաքաղաք Սկոպյե, որտեղ մասնակցելու է Դեյվիսի գավաթի խաղարկությանը։ Երրորդ ենթախմբում Հայաստանի հավաքականի մրցակիցներն են Հյուսիսային Մակեդոնիայի, Լատվիայի, Մոլդովայի, Չեռնոգորիայի ու Մալթայի հավաքականները։ Այս մասին հայտնել են Հայաստանի թենիսի ֆեդերացիայից: Մարզիչ Վահե Ավետիսյանի գլխավորությամբ Դեյվիսի գավաթին կմասնակցեն Միքայել Ավետիսյանը, Միքայել Ավանեսյանը, Հենրիկ Նիկողոսյանը, Սամվել Աղայանն ու Ավետիք Ղազարյանը։ […] ...
21:49 09.06.2025
Մեծ Պարնի գյուղի «Սուրբ Հովհաննես» մատուռի մոտակայքում քաղաքացին վնասել է ոտքը․ օգնության են հասել փրկարարներըՀունիսի 9-ին, ժամը 14:45-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Մեծ Պարնի գյուղի «Սուրբ Հովհաննես» մատուռի մոտակայքում քաղաքացին վնասել է ոտքը․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Փրկարարները քաղաքացուն պատգարակով մոտ 300 մետր իջեցրել են և մոտեցրել անձնական […] ...
21:44 09.06.2025
Մետրոյի «Աջափնյակ» կայարանի կառուցման ծրագրի իրականացումն անցնում է հաջորդ փուլԵրևանի մետրոպոլիտենի 11-րդ՝ «Աջափնյակ» կայարանի նախագծային փաթեթն արդեն իսկ ստացել է պետական համալիր փորձաքննության դրական եզրակացությունը: Սա նշանակում է, որ կայարանի կառուցման մասով արդեն մեկնարկում են հաջորդ փուլի գործընթացները, մասնավորապես՝ ամբողջական ֆինանսավորման հաստատումը ՀՀ կառավարության կողմից, ազդեցության ենթակա տարածքում օտարման և տարաբնակեցման աշխատանքները, շինարարության մրցույթի նախապատրաստումը: Այս մասին հայտնել են Երևանի քաղաքապետարանից: Նախագծի ընթացքը և […] ...
21:40 09.06.2025
Ըմբիշներ Մարտին Մանջիկյանը և Ջանես Նազարյանը դուրս են եկել Սկոպիեում ընթացող ԵԱ եզրափակիչՀունահռոմեական ոճի ըմբիշներ 48 կգ Մարտին Մանջիկյանը և 65 կգ Ջանես Նազարյանը դուրս են եկել Սկոպյեում ընթացող Եվրոպայի առաջնության եզրափակիչ։ Այս մասին հայտնել են Հայաստանի ըմբշամարտի ֆեդերացիայից։ Մանջիկյանը կիսաեզրափակչում 6:6 հաշվով հաղթել է ադրբեջանցի ըմբիշին, իսկ Նազարյանը 10:4 հաշվով շվեդ մրցակցին։ Մինչև եզրափակիչ Մանջիկյանը առավելության է հասել նաև հույն մրցակցի նկատմամբ, իսկ Նազարյանը ուժեղ է […] ...
21:33 09.06.2025
Իրազեկման ծավալուն միջոցառումներ՝ հակահրդեհային կանոնների պահպանման նպատակովՀրդեհների կանխարգելման և հնարավոր աղետներից խուսափելու կարևոր միջոցներից է արդյունավետ իրազեկումը։ Ջերմաստիճանի բարձրացմանը զուգընթաց ՆԳ նախարարության հանրային հաղորդակցության և իրազեկման վարչությունն ու Փրկարար ծառայությունը շարունակում են իրականացնել անտառային և բուսածածկ տարածքներում հակահրդեհային կանոնների պահպանման վերաբերյալ հանրային իրազեկման միջոցառումներ, որոնցում մինչ հունիսի 3-ը ներգրավված է եղել 528 փրկարարական ծառայող: Հանրային իրազեկման միջոցառումները նպատակ ունեն կանխարգելել հրդեհների […] ...
