10:57 03.09.2020
ԱՄՆ-ի իշխանությունները մեծապես մտահոգված են ռուս ընդդիմադիր քաղաքական գործիչ Ալեքսեյ Նավալնու օրգանիզմում «Նովիչոկ» խմբի թունավոր նյութի առկայության մասին հայտարարություններով։ TASS լրատվական գործակալության փոխանցմամբ՝ ԱՄՆ-ի Ազգային անվտանգության խորհուրդը սեպտեմբերի 2-ին հաղորդագրություն է տարածել՝ նշելով, Վաշինգտոնը կանի ամեն ինչ, որպեսզի Ռուսաստանում տեղի ունեցածի մեղավորները պատասխանատվության ենթարկվեն։
«ԱՄՆ-ն խորապես մտահոգված է անալիզների արդյունքներով, որոնք տարածվել են այսօր։ Ալեքսեյ Նավալնու թունավորումը միանշանակ արժանի է դատապարտման։ Ռուսաստանը նախկինում էլ օգտագործել է «Նովիչոկ» նյարդապարալիտիկ նյութը։ Մենք կաշխատենք մեր դաշնակիցների և միջազգային հանրության հետ, որպեսզի Ռուսաստանում այդ մարդկանց պատասխանատվության ենթարկենք, ուր էլ որ տանեն ապացույցները, ինչպես նաև կսահմանափակենք ֆինանսական միջոցները նրանց չարամիտ գործունեության համար», – հայտարարել է ԱՄՆ Ազգային անվտանգության մամուլի ծառայության ղեկավար Ջոն Էլիոթը։
Պաշտոնյան նաև հավելել է, որ ռուսաստանցիներն իրավունք ունեն խաղաղ կերպով արտահայտել իրենց հայացքները՝ չվախենալով հատուցումից, հատկապես՝ քիմիական նյութի կիրառմամբ։
Իր հերթին Reuters գործակալությունը, հղում անելով ԱՄՆ կառավարության իր աղբյուրին, հայտնել էր, որ Վաշինգտոնը պատճառ չի տեսնում կասկածելու գերմանացի մասնագետների եզրակացություններին՝ Նավալնու օրգանիզմում «Նովիչոկ» խմբի նյութ հայտնաբերելու կապակցությամբ։
Գերմանիան սեպտեմբերի 2-ին հայտարարել էր, որ Նավալնին թունավորվել է «Նովիչոկ» խմբի նյութով։ ՌԴ նախագահի պաշտոնական ներկայացուցիչ Դմիտրի Պեսկովն ասել է, որ Ռուսաստանը պատրաստ է համագործակցել Գերմանիայի հետ՝ պարզելու Նավալնու հետ կապված իրավիճակի բոլոր հանգամանքները։ Պեսկովը շեշտել է, որ մինչև Բեռլին տեղափոխվելը Նավալնու օրգանիզմում թունավոր նյութեր չեն հայտնաբերվել։
19:55 19.08.2025
Հայ-իրանական հարաբերությունները կխորանան՝ հասնելով ստրատեգիական մակարդակիՀայաստանն ու Իրանը համագործակցության 10 հուշագիր են ստորագրել այսօր: Դա տեղի է ունեցել Հայաստանի վարչապետի և Իրանի նախագահի հանդիպման շրջանակում: Երկու ղեկավարները նախ հանդիպեցին առանձնազրույցի ձևաչափում, ապա նաև ընդլայնված կազմերով, որից հետո Հայաստանի վարչապետն ու Իրանի նախագահը հանդես եկան մամուլի համար հայտարարություններով։ Նիկոլ Փաշինյան-Մասուդ Փեզեշքիան հանդիպման կարևոր շեշտադրումները՝ ռեպորտաժում: ...
19:50 19.08.2025
Ի՞նչ տարաձայնություն ունեն «Ռեալն» ու Վինիսիուսը«Ռեալը» խնդիրներ ունի հարձակվող Վինիսիուս Ժունիորի հետ պայմանագրի երկարաձգման բանակցություններում, հաղորդում է ESPN-ը: Բանակցությունները փակուղի են մտել մի քանի շաբաթ առաջ, երբ բրազիլացու ներկայացուցիչները «Ռեալի» առաջարկի ընդունումը ցանկալի չեն համարել: Վինիսիուսի ներկայացուցիչները հույս ունեին ֆուտբոլիստի տարեկան աշխատավարձը բարձրացնել մինչև 20 միլիոն եվրո, որը պարգևավճարներով կհասներ 30 միլիոնի: Սակայն մադրիդցիների առաջարկը կազմել է ընդհանուր 20 միլիոն: […] ...
19:45 19.08.2025
Հանրապետության նախագահը հանդիպել է Իրանի նախագահի հետՀանրապետության նախագահ Վահագն Խաչատուրյանը նախագահական նստավայրում հանդիպում է ունեցել պաշտոնական այցով Հայաստանում գտնվող Իրանի Իսլամական Հանրապետության նախագահ Մասուդ Փեզեշկիանի հետ։ Նախագահ Խաչատուրյանը ողջունել է իր պաշտոնակցին՝ ընդգծելով երկկողմ բարեկամական կապերի կարևորությունը և վստահություն հայտնել, որ Իրանի նախագահի այցը կնպաստի Հայաստանի և Իրանի հարաբերությունների հետագա խորացմանը, ինչպես նաև տարածաշրջանում խաղաղության ու կայունության ամրապնդմանը։ Նախագահ Փեզեշկիանն իր […] ...
19:38 19.08.2025
Ուկրաինան և ԵՄ-ն չեն քննարկել Կիևի համար 90 միլիարդ դոլարի զենքի գնումըՈւկրաինան և ԵՄ-ն Վաշինգտոնում չեն քննարկել Կիևի համար ԱՄՆ-ից եվրոպական գումարով զենք գնելու հարցը՝ ընդհանուր առմամբ մինչև 90 միլիարդ դոլարի չափով, ինչը Զելենսկին Վաշինգտոնում ասել է ԱՄՆ նախագահ Դոնալդ Թրամփին։ Այս մասին Բրյուսելում կայացած ճեպազրույցի ժամանակ հայտարարել է Եվրահանձնաժողովի ներկայացուցիչ Արիանա Պոդեստան։ «Վաշինգտոնում կայացած բազմակողմ հանդիպման ժամանակ Ուկրաինան և ԵՄ-ն այս հարցը չեն քննարկել», – […] ...
19:30 19.08.2025
WSJ. Ռուբիոն կգլխավորի Ուկրաինայի համար անվտանգության երաշխիքներ մշակելու խումբըԱՄՆ նախագահ Դոնալդ Թրամփը և եվրոպացի առաջնորդները համաձայնության են եկել, որ ԱՄՆ պետքարտուղար Մարկո Ռուբիոն կգլխավորի Ուկրաինայի համար անվտանգության երաշխիքներ մշակելու աշխատանքային խումբը, հաղորդում է The Wall Street Journal-ը (WSJ)՝ հղում անելով իր աղբյուրներին։ Նրանց տեղեկությունների համաձայն՝ խմբում կներառվեն ազգային անվտանգության խորհրդականներ և ՆԱՏՕ-ի ներկայացուցիչներ, իսկ ԱՄՆ-ը «համակարգող» դեր կխաղա քննարկումների գործընթացում։ Եվրոպացի պաշտոնյաները նաև […] ...
