Ջրի սխալ օգտագործումը կարող է առաջացնել քաղցկեղ

WeChat- ի օգտատերերից մեկն ասել է, որ շատերը ջուրը սխալ են օգտագործում, ինչը մեծ վնաս է հասցնում առողջությանը: Նա մատնանշել է ջուր խմելիս տարածված սխալները և խորհուրդներ տվել, թե ինչպես ճիշտ օգտագործել այն: Այս մասին հաղորդում է Центральная служба новостей լրատվամիջոցը։

Գրառման հեղինակը շեշտել է արթնանալուց հետո առավոտյան ջուր խմելու կարևորությունը՝ նշելով, որ այն օգտակար է, քանի որ օգնում է ժամանակին լրացնել օրգանիզմում ջրային բալանսը գիշերային քնից հետո: Բայց ամենակարևորն այն է, որ ջրի օգտագործումն օգնում է նվազեցնել արյան մածուցիկությունը և խթանել արյան շրջանառությունը:

Հրապարակման հեղինակն ընդգծել է, որ մարդկանց մեծ մասը սխալ է օգտագործում ջուրը, ինչի պատճառով նրանք վնասում են իրենց առողջությանը: Տարածված սխալների շարքում հեղինակն առանձնացրել է հետևյալը.

1. Չի՛ կարելի ջուր խմել շատ արագ: Դա կարող է մեծ ճնշում գործադրել սրտի վրա։ Սիրտ-անոթային համակարգի հետ խնդիրներ ունեցող մարդու մոտ մեծ քանակությամբ ընդունված հեղուկը կարող է նպաստել սրտի կաթվածի: Բացի այդ, դատարկ ստամոքսով շատ ջուր խմելը հանգեցնում է ստամոքսաթթվի նոսրացմանը, ինչը բացասաբար է ազդում մարսողության գործընթացի վրա: Խորհուրդ է տրվում միանգամից խմել 150 միլիլիտր ջրից ոչ ավելի (մոտ կես բաժակ): Անհրաժեշտ է ջուրը խմել դանդաղ, փոքր կումերով:

2. Չի՛ կարելի ջրի առաջին բաժակը փոխարինել կաթով, սուրճով, հյութերով, հանքային ջրով կամ այլ ըմպելիքներով: Դա չի լրացնի հեղուկի անհրաժեշտ բալանսը, և կսկսվի մարսողական գործընթացը: Սա կարող է բացասական ազդեցություն ունենալ աղեստամոքսային տրակտի առողջության վրա:

3. Աղի ջուր խմել նույնպես խորհուրդ չի տրվում, քանի որ դա կբարձրացնի արյան ճնշումը: Դա նաև կծանրաբեռնի երիկամները՝ աղի օգտագործման ամենօրյա ծավալի ավելացման պատճառով։

4. Փորկապությամբ տառապող մարդկանց խորհուրդ է տրվում մեղրով ջուր խմել: Մեղրը կարելի է լցնել սառը կամ տաք ջրի մեջ, բայց ոչ եռացող ջրի մեջ:

5. Մարդկանց մեծամասնության համար լավագույն ընտրությունը եռացրած, սենյակային ջերմաստիճանի ջուրն օգտագործելն է, քանի որ այն չի պարունակում շաքար և աղ: Այս առումով ավելորդ ծանրաբեռնվածություն չի ընկնի երիկամների և սիրտ-անոթային համակարգի վրա:

6. Մասնագետը նշել է, որ խորհուրդ չի տրվում օգտագործել շատ սառը կամ շատ տաք ջուր: Շատ սառը ջուրը խթանող ազդեցություն ունի աղեստամոքսային տրակտի աշխատանքի համար և արագ սեղմում է ստամոքսի լորձաթաղանթի արյունատար անոթները: Դա կարող է հանգեցնել անհանգստության և, հնարավոր է, փորլուծության: Իսկ շատ տաք ջուրը տրավմատիկ ազդեցություն ունի կերակրափողի վրա և կարող է հանգեցնել ուռուցքային հիվանդությունների առաջացման՝ բջիջների նորմալ կառուցվածքի ոչնչացման պատճառով: Ջրի ջերմաստիճանը չպետք է գերազանցի 50 աստիճանը: