Հայտնի միլիոնատեր կատուներ

Պարզվում է՝ փող աշխատելու և միլիոնատեր դառնալու համար կարիք չկա  հատուկ տաղանդ ունենալ, քանի որ փորձը ցույց է տալիս՝ դրա համար բավական է միայն կատու լինել:

Որոշ կատուների բախտ է վիճակվել ծնվել բախտավոր աստղի տակ՝ ունենալով հարուստ տերեր, իսկ մյուսները, հակառակը, իրենք են օգնում իրենց տերերին հարստանալ:

Այսպես, ներկայացնենք փիսիկների, որոնք բառացիորեն լողում են փողի մեջ:

Շուփետ

Շուփետի բախտը տիրոջ հարցում հենց սկբից է բերել: Նա ունի անձնական հաշվեհամար և երեք միլիոն եվրո շահույթ մեկ տարվա ընթացքում: Շուփետի համար սա սովորական բան է: Գեղեցկուհին նկարվել է անգամ Ճապոնական դիմահարդարման գովազդում, ինչի համար, իհարկե, նույնպես խոշոր գումար է ստացել: Բայց գլխավորն այն է, որ նրա տերը ոչ այլ ոք է, քան դիզայներ Կառլ Լագերֆելդը, ով շատ է սիրում իր կատվին:

«Նա աշխարհի կենտրոնն է: Դուք դա կհասկանաք, երբ նրան տեսնեք: Նա նման է Գրետա Գարբոյին »,- ասում է Լագերֆելդը:

Բլեքի

Բլեքին  պաշտոնապես աշխարհի ամենահարուստ կատուն է: Այս մասին գրառում կա անգամ Գինեսի ռեկորդների գրքում: Կենդանու բախտը տիրոջ հարցում էլ է բերել, տերը միլիոնատեր Բեն Ռեան է: Մահվանից հետո Բենն իր 13 միլիոն դոլարը թողել է ոչ թե հարազատներին, այլ սիրելի Բլեքիին:

Grumpy Cat

Grumpy Cat-ը (Բարկացած կատու) հայտնի դարձավ  2012 թվականին: Նա իր անվերջ դժգոհ մռութով օգնեց իր տիրոջը վաստակել ավելի քան մեկ միլիոն դոլար:  Կատվի մասին երկու գիրք է գրվել, նրա անունով անգամ սուրճի տեսակ կա (Grumppuccino): 

Թոմազո

Թոմազոն ևս մեկ սև կատու է, որը մեծ ժառանգություն ունի: Իտալուհի Մարիա Ասունտան նրան փողոցից էր գտել: Մարիան Հռոմում հաջողակ անշարժ գույքի մագնատի այրի էր ու մահից հետո ՝ 2011 թվականին, Թոմազոյին է կտակել իր ողջ՝ 13 միլիոն դոլար  կարողությունը: Այժմ կատվի մասին հոգ է տանում այրու նախկին բուժքույր Մարիան, որը ցանկություն էր հայտնել հոգ տանել կենդանու մասին մինչ նրա ժառանգորդ դառնալը:

Նալա

Նալան դարձավ Instagram-ի աստղը շնորհիվ իր տիրուհու: Աղջիկը նրան վերցրել էր, երբ կատուն ընդամենը հինգ ամսական էր: Այժմ Նալան Instagram-ում ունի իր էջը՝ բազմաթիվ լուսանկարներով, տեսանյութերով և ավելի քան 3,5 միլիոն հետևորդներով: Նալան 7 տարեկան է: Կատուն ու նրա տիրուհին իրենց հիմնական եկամուտը ստանում են առցանց խանութից, որտեղ մեծ  քանակությամբ ապրանքներ են վաճառվում կատուների և կատվասերների համար:

Լին Բաբ

Լին Բաբը թզուկ է ծնվել, ինչն էլ առողջության հետ կապված բազմաթիվ խնդիրներ է առաջ բերել: Լիլ Բաբն ունի կարճ թաթիկներ, ցածր ծնոտի պատճառով լեզուն միշտ դուրս է հանում և գրեթե  ատամ չունի: Կատուն չգիտի, թե ինչ է վազելը և ցատկելը: Այժմ այս անսովոր կատուն ինտերնետում ունի երկրպագուների հոծ  բանակ, ինչպես նաև օնլայն  խանութ:

Սմուզի 

Սմուզին իր Instagram-ում ունի 1.2 միլիոն հետևորդ, և այս կատվի ամեն մի լուսանկար կամ տեսահոլովակ մեկնաբանությունների ու գովասանքների բուռն ալիք է առաջացնում: