11:27 24.08.2021
ՀՀ էկոնոմիկայի նախարարի տեղակալ Արման Խոջոյանն այցելել է Պռոշյանի կոնյակի և Արարատի գինու գործարաններ, որտեղ խաղողի մթերման շրջանին ընդառաջ ընթացքի մեջ են վերակառուցման և վերազինման աշխատանքները։
Պռոշյանի կոնյակի գործարանի տնօրեն Արմեն Գասպարյանի ուղեկցությամբ Արման Խոջոյանը շրջել է գործարանում, ծանոթացել ներդրված ժամանակակից սարքավորումներին, որոնք թույլ կտան առավել սահուն կազմակերպել խաղողի մթերման գործընթացը։ Արմեն Գասպարյանը տեղեկացրել է, որ ագրոպարենային ոլորտի սարքավորումների ֆինանսական վարձակալության՝ լիզինգի պետական աջակցության ծրագրով գործարանում կառուցվում է 1500 քառ․մ պահեստ, որը հագեցած է լինելու կառավարման ժամանակակից համակարգերով։
Բացի այդ, պետաջակցության ծրագրի շրջանակում գործարանը ձեռք է բերել մամլման և մթերման նորագույն սարքավորում․ գործարանն այս տարի շուրջ 10,000 տոննայով ընդլայնելու է պահամանների ծավալը, ինչի շնորհիվ ավելանալու են վերջինիս արտադրական կարողությունները։ Շրջայցի ընթացքում տնօրենը նաև տեղեկացրել է, որ խաղողի մթերման ծավալն այս տարի կլինի ոչ պակաս, քան նախորդ տարի։
Առաջիկայում նախատեսում են իրականացնել նաև խնձորի մթերումներ։
Որակի ստուգման նպատակով արդեն մեկ տարի է, ինչ գործարանում գործում է գերմանական գերժամանակակից սարքավորումներով հագեցած լաբորատորիա։
Նույն օրն Արման Խոջոյանն այցելել է Արարատի գինու գործարան, որտեղ ծանոթացել է գործարանի արտադրական նոր հնարավորություններին։
Արտադրական հզորությունների ավելացման արդյունքում այս տարի գործարանը գինու արտադրության նպատակով ընդլայնել է արտադրական կարողությունները շուրջ 950 տոննայով, ինչը թույլ կտա ավելի շատ խաղող մթերել։
Շրջայցի ընթացքում Արման Խոջոյանը երկու ընկերությունների ներկայացուցիչների հետ քննարկել է խաղողի մթերման գործընթացում կառավարության աջակցության գործիքակազմը, գինեգործության և կոնյակագործության ոլորտներում առկա խնդիրներն ու դրանց լուծման հնարավոր ուղիները:
Նախարարի տեղակալը գոհունակությամբ նշել է, որ գյուղատնտեսության ոլորտի պետական աջակցության ծրագրերը շոշափելի ազդեցություն են ունենում վերամշակող ընկերությունների զարգացման գործընթացում:
19:55 19.08.2025
Հայ-իրանական հարաբերությունները կխորանան՝ հասնելով ստրատեգիական մակարդակիՀայաստանն ու Իրանը համագործակցության 10 հուշագիր են ստորագրել այսօր: Դա տեղի է ունեցել Հայաստանի վարչապետի և Իրանի նախագահի հանդիպման շրջանակում: Երկու ղեկավարները նախ հանդիպեցին առանձնազրույցի ձևաչափում, ապա նաև ընդլայնված կազմերով, որից հետո Հայաստանի վարչապետն ու Իրանի նախագահը հանդես եկան մամուլի համար հայտարարություններով։ Նիկոլ Փաշինյան-Մասուդ Փեզեշքիան հանդիպման կարևոր շեշտադրումները՝ ռեպորտաժում: ...
19:50 19.08.2025
Ի՞նչ տարաձայնություն ունեն «Ռեալն» ու Վինիսիուսը«Ռեալը» խնդիրներ ունի հարձակվող Վինիսիուս Ժունիորի հետ պայմանագրի երկարաձգման բանակցություններում, հաղորդում է ESPN-ը: Բանակցությունները փակուղի են մտել մի քանի շաբաթ առաջ, երբ բրազիլացու ներկայացուցիչները «Ռեալի» առաջարկի ընդունումը ցանկալի չեն համարել: Վինիսիուսի ներկայացուցիչները հույս ունեին ֆուտբոլիստի տարեկան աշխատավարձը բարձրացնել մինչև 20 միլիոն եվրո, որը պարգևավճարներով կհասներ 30 միլիոնի: Սակայն մադրիդցիների առաջարկը կազմել է ընդհանուր 20 միլիոն: […] ...
19:45 19.08.2025
Հանրապետության նախագահը հանդիպել է Իրանի նախագահի հետՀանրապետության նախագահ Վահագն Խաչատուրյանը նախագահական նստավայրում հանդիպում է ունեցել պաշտոնական այցով Հայաստանում գտնվող Իրանի Իսլամական Հանրապետության նախագահ Մասուդ Փեզեշկիանի հետ։ Նախագահ Խաչատուրյանը ողջունել է իր պաշտոնակցին՝ ընդգծելով երկկողմ բարեկամական կապերի կարևորությունը և վստահություն հայտնել, որ Իրանի նախագահի այցը կնպաստի Հայաստանի և Իրանի հարաբերությունների հետագա խորացմանը, ինչպես նաև տարածաշրջանում խաղաղության ու կայունության ամրապնդմանը։ Նախագահ Փեզեշկիանն իր […] ...
19:38 19.08.2025
Ուկրաինան և ԵՄ-ն չեն քննարկել Կիևի համար 90 միլիարդ դոլարի զենքի գնումըՈւկրաինան և ԵՄ-ն Վաշինգտոնում չեն քննարկել Կիևի համար ԱՄՆ-ից եվրոպական գումարով զենք գնելու հարցը՝ ընդհանուր առմամբ մինչև 90 միլիարդ դոլարի չափով, ինչը Զելենսկին Վաշինգտոնում ասել է ԱՄՆ նախագահ Դոնալդ Թրամփին։ Այս մասին Բրյուսելում կայացած ճեպազրույցի ժամանակ հայտարարել է Եվրահանձնաժողովի ներկայացուցիչ Արիանա Պոդեստան։ «Վաշինգտոնում կայացած բազմակողմ հանդիպման ժամանակ Ուկրաինան և ԵՄ-ն այս հարցը չեն քննարկել», – […] ...
19:30 19.08.2025
WSJ. Ռուբիոն կգլխավորի Ուկրաինայի համար անվտանգության երաշխիքներ մշակելու խումբըԱՄՆ նախագահ Դոնալդ Թրամփը և եվրոպացի առաջնորդները համաձայնության են եկել, որ ԱՄՆ պետքարտուղար Մարկո Ռուբիոն կգլխավորի Ուկրաինայի համար անվտանգության երաշխիքներ մշակելու աշխատանքային խումբը, հաղորդում է The Wall Street Journal-ը (WSJ)՝ հղում անելով իր աղբյուրներին։ Նրանց տեղեկությունների համաձայն՝ խմբում կներառվեն ազգային անվտանգության խորհրդականներ և ՆԱՏՕ-ի ներկայացուցիչներ, իսկ ԱՄՆ-ը «համակարգող» դեր կխաղա քննարկումների գործընթացում։ Եվրոպացի պաշտոնյաները նաև […] ...
