18:55 09.09.2021
Առողջապահության նախարարությունը ժամանակավորապես դադարեցրել է բժշկական կենտրոնների պլանային դեպքերով պետպատվերի ծառայությունների սպասարկումը։ Հիվանդներին առաջարկվում է հերթագրվել, իսկ հերթը կարող հասնել ամիսներ անց։ Սա վերաբերում է նաև ուղեգրերով բուժհաստատություն դիմած արտոնյալ խմբերի քաղաքացիներին։
«Գյումրի» ԲԿ-ում դժվարամատչելի հետազոտությունների համար հերթագրման տարբերակը գործել է մշտապես, բայց վերջին մեկ ամսվա ընթացքում ուղեգրերով կենտրոն դիմած բոլոր պլանային դեպքերի սպասարկումը մերժվում է: Ցուցակներում հերթագրումներ են կատարվում արդեն դեկտեմբեր ամսվա համար:
«Արդեն հերթագրվել է 740 մարդ դժվարամատչելի հետազոտություններ անցնելու համար։ Դժվարամատչելի համարվում են գաստրոսկոպիան, սրտի էխոգրաֆիան, դուպլեքս և ԿՏ հետազոտությունները։ Վիրահատությունների համար էլ այս պահին հերթագրվել է 37 հիվանդներ»,- նշել է «Գյումրի» ԲԿ-ի ընդունարանի բուժքույր Ռիմա Հարությունյանը։
Սոցիալական խմբերի պետպատվերով՝ անվճար սպասարկումը չի դադարեցվել, նշում են բժշկական կենտրոնի պատասխանատուները, այլ, ելնելով քաղաքացու առողջական վիճակի բնութագրից, առաջարկվում է ծառայությունների մատուցումը որոշ ժամանակով հետաձգել։
«Փոխվել է սկզբունքը, ստացիոնար բուժման կարիք ունեցող, սակայն պլանային հիվանդները ընդունվում են հերթագրման կարգով, հիվանդը պոլիկլինիկայի կամ ամբուլատորիայի ուղեգրով դիմում է կենտրոն, նրան մասնագետները հետազոտում են։ Անհետաձգելի ցուցում չունենալու դեպքում, քաղաքացուն հերթագրում ենք»,- պարզաբանել է «Գյումրի» բժշկական կենտրոնի թերապևտիկ բաժանմունքի վարիչ Լիլիթ Սարգսյանը։
Անհետաձգելի դեպքերը, այդ թվում՝ վիրահատությունները, մնում են արտահերթ սպասարկման ցանկում, ինչը արտոնություն ունեցող քաղաքացիների դեպքում անվճար է, իսկ մնացած վիրահատությունները պլանավորում են ըստ բարդության ու հետազոտության արդյունքների ցուցումների: Կենտրոնին ամբողջ տարվա պետպատվերի համար հատկացված ֆինանսական միջոցները գրեթե սպառվել են, որոշ հիվանդությունների ու հետազոտությունների գծող բուժհաստատությունը գերածախս էլ ունի։
«Գերակատարում ենք․ մինչև տարվա վերջ արդեն քիչ գումար է մնացել, սոցխմբերի համար տրամադրվել էր 390 միլիոն դրամ, մենք արդեն կատարել ենք 370-375 միլիոնի պետպատվեր, մոտ 80 միլիոնի գերակատարում ունենք արդեն»,- ասել է «Գյումրի» բժշկական կենտրոնի տնօրեն Արմեն Իսահակյանը։
Համավարակի ընթացքում, երբ Covid բուժման կենտրոնի վերածվելուց հետո արգելվեցին պլանային վճարովի վիրահատությունները, նվազեցին բյուջեի մուտքերը: Այդ ընթացքում նախարարությունը նվազեցրել է նաև բուժհաստատությանը հատկացվող պետպատվերի բյուջեն։ ԲԿ-ում դիմելիությունն ավելացել է նաև բուժհաստատությունների միավորման հետևանքով, ըստ այդմ՝ նեղ մասնագիտական ծառայություններն ու լաբորատոր գործիքային հետազոտություններն են ավելացել։
Անհետաձգելի բոլոր դժվարամատչելի հետազոտություններն ու վիրահատություններն առանց հետաձգումների, այս պահին էլ կենտրոնում մատուցվում են պետպատվերով, իսկ պլանային դեպքերը սոցիալական խմբերի համար մինչև տարեվերջ կմնան հերթագրման տարբերակով:
«Շանթ Գյումրի» հեռուստաալիքն այս պահին հասանելի է Rostelecom, Deltatelecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
21:51 18.06.2025
Իրանն Իսրայելի ուղղությամբ առաջին անգամ արձակել է «Սաջիլ» երկաստիճան միջին հեռահարության բալիստիկ հրթիռԻսլամական հեղափոխության պահապանների կորպուսը (ԻՀՊԿ) հայտարարել է, որ Թեհրանը մարտական գործողությունների ընթացքում առաջին անգամ արձակել է «Սաջիլ» երկաստիճան միջին հեռահարության (2000կմ) բալիստիկ հրթիռ, հաղորդում է Tasnim լրատվական գործակալությունը։ Նշվում է, որ Իրանը Իսրայելի ուղղությամբ արձակել է երեք նմանատիպ հրթիռ։ Ավելի վաղ SHANTNEWS.am-ը հայտնել էր, որ Իրանի զինված ուժերը հրթիռներ են արձակել Իսրայելի ուղղությամբ: ...
21:45 18.06.2025
Կարեն Խաչանովի հաղթական մեկնարկը Հալե-ի ATP-500 մրցաշարումԳերմանական Հալեում ընթացող ATP-500 կարգի մրցաշարում Կարեն Խաչանովը հաղթանակի է հասել Զիզու Բերգսի նկատմամբ: Գրանցվել է 6:4, 6:3 հաշիվը: Աշխարհի 22-րդ ռակետը երկրորդ անգամ էր խաղում բելգիացու հետ և երկրորդ հաղթանակն է տարել։ 1/8 եզրափակչում Խաչանովը կմրցի աշխարհի 27-րդ ռակետ Ֆելիքս Օժյե Ալյասիմի հետ: Կանադացու հետ դիմակայությունների հաշիվն է՝ 1-2: Նրանք չէին հանդիպել 3 տարի: ...
21:41 18.06.2025
Հացահատիկային մշակաբույսերի բերքատվության կանխատեսում«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է հացահատիկային մշակաբույսերի բերքատվության կանխատեսումը: Մասնագիտացված ագրոօդերևութաբանական հաշվարկների և դիտված եղանակային պայմանների վերլուծության արդյունքում՝ 2025թ. հացահատիկային մշակաբույսերի միջին հանրապետական բերքատվությունը (ցողունակալման փուլում) 1 հեկտարից սպասվում է․ աշնանացան ցորեն` 18.5-19ց, գարնանացան գարի՝ 16ց։ ...
21:28 18.06.2025
Թենիսի Հայաստանի կանանց հավաքականը երկրորդ հաղթանակն է տարել Բիլի Ջին Քինգի գավաթի խաղարկությունումԹենիսի Հայաստանի կանանց հավաքականը երկրորդ հաղթանակն է տարել Բիլի Ջին Քինգի գավաթի խաղարկությունում։ Եվրոպական գոտու երրորդ ենթախմբում հայ թենիսիստուհիները 2-1 հաշվով հաղթել են Անդորրայի թիմին։ Մենախաղում Ալինա Սողոմոնյանը 6-3, 6-1 հաշվով հաղթել է Յուդիթ Կարտանային, իսկ Անի Ամիրաղյանը 0-6, 1-6 հաշվով պարտվել է աշխարհի 135-րդ ռակետ Վիկտորյա Խիմենես-Կասինցևային։ Հայաստանի թիմը հաղթանակն ամրագրել է զուգախաղում։ Սողոմոնյան […] ...
21:23 18.06.2025
Ժամանակավորապես կդադարեցվի Երևանի և մարզերի որոշ հասցեների էլեկտրամատակարարումը«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ հունիսի 19-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Կենտրոն վարչական շրջան՝ 11:00-17:00 Կողբացի փ. 42 շենք, Պուշկինի փ. 40 շենք, Տերյան փ. 23, 25 շենքեր և հարակից ոչ բնակիչ-բաժանորդներ, Երևանի Արաբկիր վարչական շրջան՝ 11։00-17։00 Ադոնցի փ. 19/8-21/2 շենքեր, Երևանի Աջափնյակ վարչական […] ...
