16:00 02.08.2018
Շիրակի մարզի 164 դպրոցներից 17-ը տարրականի, նույնքանն էլ հիմնական կրթություն իրականացնելու լիցենզիաներ չունի: Խոսքը վերաբերում է գյուղական համայնքների դպրոցներին, այսինքն՝ դպրոցներին լիցենզիա տրվել է շենքային, այլ ոչ ուսումնական գործընթաց իրականացնելու հնարավորությունները, պայմանները հաշվի առնելով: Գյուղական դպրոցները, որոնց շենքերը հիմնանորոգման անհրաժեշտություն ունեն, այդ իսկ պատճառով դուրս են մնացել լիցենզավորման գործընթացից:
Գյումրիի դպրոցները շենքային խնդիրներ չունեն, ունեն եռաստիճան կրթություն իրականացնելու լիցենզիա: Գյումրիի 20-րդ դպրոցում միջնակարգից հիմնական կրթակարգի անցումը բերել է աշակերտների թվի կրճատման, ըստ այդմ՝ ֆինանսների:
«Հիմնական կարգի մեջ ասվում է, որ միջնակարգ դպրոցի կարգավիճակ ստանալու համար պետք է տարածքում միակը լինի, իսկ մենք միակը չենք: Տարածքում միակը 8-րդ դպրոցն է, որը միջնակարգ է, միակն է տարածքում նաև 31-րդ դպրոցը, բայց հիմնական ծրագիր է իրականացնում, այսինքն՝ քարտեզագրումն է սխալ արված»,- ասել է Գյումրիի 20-րդ հիմնական դպրոցի տնօրենը:
Դպրոցը բոլոր պայմաններն ունի վերադառնալու միջնակարգի կարգավիճակի: Տնօրենը միջնակարգի վերադառնալու խնդրով դիմում է պատրաստում կրթության ու գիտության նախարարություն ուղարկելու համար: Այս անգամ ասում է՝ հնարավոր է պահանջը բավարարվի: Նախորդ տարիներին այդպես վարվել է 2-րդ ավագ դպրոցը և կարողացել է ավագ դպրոցում ընդունելություն կատարել 5-րդ դասարանից:
Այս դպրոցը քաղաքում միակը չէ, որ միայն անունով է ավագ: Սա միայն այն պատճառով չէ, որ Գյումրիում ավագ դպրոցները շատ են, տեղաբաշխումները՝ սխալ, այստեղ խնդիրը նաև աշակերտների թվի նվազումն է և աշակերտի թվով ֆինանսավորումը:
«Այո՛, շատ են դժգոհում երեխաների պակասի պատճառով, նաև կրթական համակարգի տեսանկյունից, որ ավագ դպրոցը չի արդարացնում իրեն և ես պետք է ասեմ, որ սա լուծվող և շատ երկար ուսումնասիրման խնդիր է, և այս պահին որևէ ավագ դպրոցի կարգավիճակի փոխելու մասին դեռ կոնկրետ լուծումներ չենք կարող առաջարկել»,- ասել է ԿԳ փոխնախարար Լուսինե Առաքելյանը:
Առայժմ ավագ դպրոցների վերանայում չի լինելու, զուտ ժամանակային առումով նոր ուսումնական տարեսկզբին ամեն ինչ խառնել չեն պատրաստվում: Հաջորդ տարվանից գուցե հնարավոր լինի Գյումրիի դպրոցների տարրակարգերի փոփոխություն կատարել:
22:21 12.08.2025
Սփյուռքում մոտավորապես 7 միլիոն հայ է բնակվում․ զրույց Զարեհ Սինանյանի հետՕգոստոսի 5-7-ը ՀՀ Սփյուռքի գործերի գլխավոր հանձնակատարի գրասենյակը կազմակերպել էր Ազգային երիտասարդական երկրորդ համաժողովը: Հայաստան-Սփյուռք համագործակցությունը խորացնելու և կապերն ամրապնդելու նպատակներ է հետապնդում այս միջոցառումը։ Ի՞նչ տվեց այն, և առհասարակ հաջողվո՞ւմ է արդյոք իրականացնել այս նպատակները, նաև որոնք են Հայաստան-Սփյուռք հարաբերություններում ներկայիս խնդիրներն ու խոչընդոտները։ Այս ամենի մասին «Հեռանկարը» զրուցել է ՀՀ Սփյուռքի գործերով գլխավոր […] ...
22:10 12.08.2025
Գազայի հատվածում սովից մահացածների թիվը հասել է 227-իԳազայի հատվածում պարենամթերքի մատակարարման ճգնաժամի ֆոնին թերսնման հետևանքով մահացածների թիվը հասել է 227-ի, այդ թվում՝ 103 երեխա, երեքշաբթի օրը հայտնել է պաղեստինյան կիսանկլավի առողջապահության նախարարությունը։ «Գազայի առողջապահության նախարարությունը վերջին 24 ժամվա ընթացքում գրանցել է սովից և թերսնումից մահացած հինգ մարդու, այդ թվում՝ երկու երեխայի։ Այսպիսով, սովից մահացածների ընդհանուր թիվը հասցվել է 227-ի», – ասվում է […] ...
21:54 12.08.2025
Մոտ էի երազանքիս ակումբ տեղափոխվելուն․ Լևանդովսկի«Բարսելոնայի» հարձակվող Ռոբերտ Լևանդովսկին BBC-ի հետ զրույցում նշել է, որ ժամանակին մոտ է եղել «Մանչեսթեր Յունայթեդ» տեղափոխվելուն: «2012 թվականին «Բորուսիայում» երկրորդ մրցաշրջանն անցկացնելուց հետո մոտ էի «Մանչեսթեր Յունայթեդ» տեղափոխվելուն։ Ես այո էի ասել, բայց ակումբը բարդացրեց գործընթացը: Ցանկանում էի պայմանագիր ստորագրել և աշխատել Ֆերգյուսոնի հետ, բայց «Բորուսիան» չցանկացավ վաճառել տրանսֆերս, որպեսզի հետագայում ավելի մեծ գումար […] ...
21:45 12.08.2025
Պուտինը հեռախոսազրույց է ունեցել Կիմ Չեն Ընի հետՌուսաստանի նախագահ Վլադիմիր Պուտինը և Հյուսիսային Կորեայի առաջնորդ Կիմ Չեն Ընը հեռախոսազրույց են ունեցել։ Այս մասին հայտնել է Կրեմլի մամուլի ծառայությունը։ «Երկու կողմերն էլ վերահաստատել են իրենց հանձնառությունը՝ բոլոր ոլորտներում բարեկամության, բարիդրացիության և համագործակցության հետագա զարգացմանը՝ համաձայն Ռուսաստանի և ԿԺԴՀ-ի միջև 2024 թվականի հունիսի 19-ին Փհենյանում ստորագրված «Համապարփակ ռազմավարական գործընկերության մասին» պայմանագրի», – ասվում է […] ...
21:29 12.08.2025
Առավել քան կարևոր է երիտասարդների ձայնը լսելի դարձնել տարբեր բարեփոխումների իրականացման ճանապարհին ոչ թե վաղը, այլ հենց այսօր. ՆԳ նախարարԱռավել քան կարևոր է երիտասարդների ձայնը լսելի դարձնել տարբեր բարեփոխումների իրականացման ճանապարհին ոչ թե վաղը, այլ հենց այսօր․ ՆԳ նախարարը հանդիպել է Երիտասարդական խորհրդի անդամներին: Այս մասին հայտնել են ՆԳՆ-ից: Մանրամասները՝ տեսանյութում: ...
