Եթե դատարանն արագ քայլեր չձեռնարկի, ԼՂ բնակչության կյանքը կլինի վտանգված․ ՀՀ-ի իրավախորհրդատուն՝ Հաագայի դատարանում

Այս րոպեներին ՄԱԿ-ի Արդարադատության միջազգային դատարանում ընթանում են Հայաստանի կողմից Ադրբեջանի դեմ ներկայացված գանգատի լսումները: Հայաստանը պահանջել է հրատապ միջոցներ կիրառել Ադրբեջանի դեմ: Մասնավորապես պահանջ է դրվել. դադարեցնել Լաչինի միջանցքով ազատ տեղաշարժը խաթարող բողոքի ցույցերի կազմակերպումն ու օժանդակումը, երախշավորել մարդկանց, տրանսպորտային միջոցների ու բեռների անխափան տեղաշարժը և անհապաղ վերականգնել տեղաշարժը երկու ուղղությամբ: Նաև ձեռնպահ մնալ բնական գազի և կենսական նշանակության ծառայությունների մատուցումը խաթարելուց:

Հիշեցնենք, որ մի քանի որ առաջ Հայաստանը նաև ներկայացրել էր Ադրբեջանի դեմ ամբողջական գանգատը:

«Եկել ենք խնդրենք, որ վերջ դրվի շարունակվող մարդասիրական աղետին: Նախորդ տարվա դեկետմեբրի 12-ից ի վեր ԼՂ հայազգի բնակչությունը գրեթե ամբողջությամբ կտրված է արտաքին աշխարհից: Նրանք շարունակում են զրկված մնալ սննդամթերքի, դեղորայքի և կյանքի համար անհրաժեշտ բոլոր այլ պարագաների հասանելիությունից: Եթե դատարանը արագ քայլեր չձեռնարկի, ապա նրանց կյանքը վտանգված կլինի:
Տասնյակ հազարավոր էթնիկ հայեր տեղահանվեցին:
Դատարանը հիշում է, որ տասնյակ հազարավոր էթնիկ հայեր տեղահանվեցին այն տարածքներից, որոնք Ադրբեջանը նվաճեց 2020-ի 44-օրյա պատերազմի հետևանքով: Մեկ հոգի անգամ չի կարողացել իր տուն վերադառնալ: Եվ այն ավարտվեց ռուս խաղաղապահների՝ տարածաշրջան ուղարկելով, որպեսզի կանխվի ԼՂ քաղաքացիական բնակչության զանգվածային մահը։

Լեռնային Ղարաբաղի իշխանությունները ընդունեցին որոշում, որով թույլ տվեցին, որ Ռուսաստանի և Ադրբեջանի դիտորդները մուտք գործեն, Ադրբեջանը չընդունեց դա, և երկու շաբաթ անց իշխանությունները ընդհանրապես դադարեցրին այդ երկու հանքերի գործունեությունը։ Շրջափակումը, սակայն, շարունակվում է և չի ավարտվում։ Ադրբեջանցիները բնապահպանական շատ ավելի ծանր խնդիրներ ունեն իրենց իսկ տների մոտ, որոնց մասին հարկ է մտածել։ Օրինակ՝ նավթի և գազի արդյունահանումը, շահագործումը, որոնք աղետալի բնապահպանական հետևանքների են հանգեցնում, այդ թվում՝ Կասպից ծովում: Բայց չգիտես ինչու՝ Գորիս-Ստեփանակերտ ճանապարհը միակ տեղն է, որտեղ, այսպես կոչված, էկոակտիվիստները բողոքի ցույց են որոշել անցկացնել։ Ավելին, շրջափակման մեկնարկից կարճ ժամանակ անց ցուցարարները սկսեցին նորանոր պահանջներ ավելացնել, որոնք որևէ կապ չունեին իրենց, այսպես կոչված, «բնապահպանական պահանջների հետ» և ակնհայտորեն ավելի շատ տարածքային ինքնիշխանության հետ էին կապված․․․

Իրականում այստեղ ի՞նչ է տեղի ունենում։ Խաղաղապահ առաքելությունը տեղակայվեց, որ կանխվի Լեռնային Ղարաբաղի քաղաքացիական բնակչության զանգվածային մահը:
Նույնիսկ այդ պարագայում Ադրբեջանը իրենից կախված ամեն ինչ արել է, որպեսզի այնտեղ մնացող էթնիկ հայերի կյանքը դարձնի անտանելի: Հարձակվել է հայկական գյուղերի վրա՝ խախտելով հրադադարի պայմանագիրը, հարկադրաբար տեղահանել է բնակիչներին՝ Փառուխ, Աղավնո և Սուս գյուղերից: Ահաբեկել և սպանել է այն հայերին, ովքեր իրենց առօրյա գործերով զբաղված անցնում էին ադրբեջանական զինուժի մոտակայքով: Պարբերաբար և շարունակաբար ընդհատվում է գազի մատակարարումը, բջջային կապը և ինտերնետը։ Ադրբեջանը միշտ չի թաքցրել իր նպատակը։ Մայիսի 22-ին վետերանների համար Բաքվում նոր բնակհամալիրի բացման արարողության ժամանակ Ադրբեջանի նախագահ Իլհամ Ալիևը ասաց․ «Մեր հիմնական պարտքն էր վտարել հայերին մեր հողերից»։ Սա այն մարդն է, ով սիրում է հայերին անվանել շներ, վայրենիներ, բարբարոսներ»,- ասել է Հայաստանի իրավախորհրդատու Լորենս Մարտինը։