Կարո՞ղ է դիետան թեթևացնել դեպրեսիայի ախտանիշները

Աշխարհում շատ մարդիկ ապրում են դեպրեսիայով, ինչը կարող է լուրջ ազդեցություն ունենալ նրանց կյանքի որակի վրա։

Թերապիան և դեղորայքը կարող են օգնել որոշ մարդկանց կառավարել դեպրեսիայի ախտանիշները, սակայն որոշ մարդկանց համար դրանք այնքան էլ  լավ տարբերակ չեն: Կարո՞ղ է արդյոք դիետան օգնել բարելավել դեպրեսիայի ախտանիշները, քանի դեռ այլ մոտեցումները ձախողվում են, և եթե այո, ապա ինչո՞ւ :

Ըստ Առողջապահության համաշխարհային կազմակերպության (ԱՀԿ) գնահատականների, դեպրեսիան հոգեկան առողջության տարածված խանգարում է, որը հանդիպում է աշխարհի բոլոր մեծահասակների մոտ 5%-ի շրջանում:

Կան դեպրեսիայի տարբեր տեսակներ, ինչպիսիք են հիմնական դեպրեսիվ խանգարումը և մշտական դեպրեսիվ խանգարումը, որը տևում է առնվազն 2 տարի:

Դեպրեսիայի պատճառները հաճախ բազմազան են, որոնք ներառում են և՛ գենետիկ, և՛ իրավիճակային ռիսկի գործոններ՝ հատուկ սթրեսային գործոններ կամ պայմաններ, որոնք գործում են որպես հրահրող գործոններ, հանգեցնելով կրկնվող խոշոր դեպրեսիվ դրվագների:

Եվ չնայած թիրախային թերապիան և դեղորայքը օգնում են շատերին հաղթահարել կամ կառավարել դեպրեսիայի իրենց ախտանիշները, այս միջամտությունները բոլորի համար հավասարապես չեն աշխատում:

Սա ստիպել է հետազոտողներին ավելի լայնորեն ուսումնասիրել այն գործոնները, որոնք կարող են նպաստել դեպրեսիայի առաջացմանը, ինչպես նաև բացահայտել նոր մոտեցումներ դեպրեսիայի բուժման և ախտանիշների կառավարման մասին:

Սննդակարգը հայտնվել է բժշկական հետազոտությունների առաջին պլանում, որտեղ փորձագետները քննարկում են տարբեր բժշկական խնդիրների բուժման կամ նույնիսկ կանխարգելման համար դիետիկ միջամտությունների օգտագործման դրական և բացասական կողմերը, հայտնում է www.medicalnewstoday.com :

Վերջին մի քանի տարիների ընթացքում մի շարք ուսումնասիրություններ ցույց են տվել, որ բանջարեղենով, մրգերով և ձավարեղենով հարուստ սննդակարգի ընտրությունը կարող է օգնել բարելավել դեպրեսիայի ախտանիշները:

Օրինակ, Սիդնեյի տեխնոլոգիական համալսարանի 2022 թվականի ապրիլի մեկ ուսումնասիրությունը ցույց է տվել, որ 18-25 տարեկան տղամարդկանց մոտ միջերկրածովյան սննդակարգին անցնելուց հետո դեպրեսիայի ախտանիշները բարելավվել են: Թեև անհասկանալի է մնում, թե ինչն է միջնորդում սննդակարգի որակի և հոգեկան առողջության միջև կապը:

2022 թվականի դեկտեմբերին Nature Communications-ում հրապարակված երկու հետազոտություններ  ուսումնասիրեցին աղիների միկրոբիոմի և դեպրեսիայի ախտանիշների միջև կապը: Ուսումնասիրություններից մեկը պարզել է, որ, մասնավորապես, 13 տեսակի բակտերիաներ կապված են դեպրեսիայի ախտանիշների հետ։

Հետազոտողները ենթադրում են, որ դա կարող է լինել այն ճանապարհը, որով այդ բակտերիաները հանգեցնում են ուղեղում տարբեր ազդանշանների ակտիվացմանը, ինչը կարող է բացատրել աղիքների բակտերիալ կազմի և դեպրեսիայի ախտանիշների միջև կապը:

Երևույթներից մեկը, որը կարող է միջնորդել սննդակարգի և աղիքների բակտերիաների ազդեցությունը հոգեկան առողջության վրա, կարող է լինել բորբոքումը: Բորբոքումը կարող է նպաստել բազմաթիվ առողջական խնդիրների, այդ թվում՝ սրտանոթային հիվանդությունների, ճանաչողական գործունեության անկման և նույնիսկ քաղցկեղի:

Դիետան դրականորեն վերահսկելով՝ մարդիկ կարող են մի քայլ առաջ գնալ դեպրեսիայի ախտանիշների դեմ պայքարում, կամ գուցե նույնիսկ այն ընդհանրապես կանխելու համար:

Ինչպես նշում են վերը նշված հետազոտություններ անցկանցող բժիշկները, առողջ սննդակարգը պատճառ չի հանդիսանում կողմնակի ազդեցությունների, ինչը չենք կարող ասել ամենատարածված հակադեպրեսանտ դեղամիջոցների դեպքում: