09:40 20.04.2023
Զորյան Ինստիտուտը իր՝ «Ցեղասպանության դասավանդման միջոցով հավասարության, հանդուրժողականության և հաշտեցման խթանում» խորագիրը կրող ծրագրով մասնակցում է Արիզոնայի պետական համալսարանում անցկացվող «Ցեղասպանության իրազեկման շաբաթ» միջոցառմանը։
Զորյան ինստիտուտի կրթական այս ծրագրի նպատակն է զինել ավագ դպրոցի աշակերտներին մարդկության դեմ հանցագործությունների վերաբերյալ հիմնարար գիտելիքով, որի շնորհիվ աշակերտները հստակ պատկերացում կկազմեն ցեղասպանության բազմաճյուղ, բարդ եւ հաճախ զգացմունքային խնդիրների վերաբերյալ։ Կանադայի Օնտարիո նահանգում շուրջ 600 ավագ դպրոցի աշակերտներին դասավանդելու մեկ հաջողված տարուց հետո Զորյան ինստիտուտը հրավիրվեց մասնակցելու ԱՄՆ-ի Արիզոնա նահանգում անցկացվող «Ցեղասպանության իրազեկման շաբաթ» միջոցառմանը եւ ներկայացնելու ծրագիրը Արիզոնայի երեք ավագ դպրոցներում։
Զորյան ինստիտուտի գիտական խորհրդի անդամ եւ կրթական այս ծրագրի զեկավար դոկտոր Ջենիֆեր Ռիչը Արիզոնայի ավելի քան 80 ուսանողների ծանոթացրեց մարդու իրավունքներ եւ ցեղասպանություն հասկացություններին: Բանախոսը ուսանողներին ներկայացրեց «Արշալույսի լուսաբացը« ֆիլմից մի հատված, որը ստեղծվել է Զորյան ինստիտուտի՝ Հայոց ցեղասպանության բանավոր պատմության նախագծի շրջանակներում 1984 թվականին Հայոց ցեղասպանությունը վերապրած Ավրորա Մարդիգանյանի հետ իրականացրած հարցազրույցի հիման վրա։ Այն հնարավորություն տվեց ուսանողներին ավելի լավ հասկանալ ցեղասպանության գործընթացներն ու փորձառությունները եւ հետաքրքիր քննարկում ծավալել Հայոց ցեղասպանության վերաբերյալ: Յուրաքանչյուր նիստի վերջում դոկտոր Ռիչը պատմական իրադարձությունները կապում էր բռնությունների եւ ցեղասպանության ժամանակակից օրինակների հետ՝ ներառելով եւ ներկայացնելով Բերձորի (Լաչինի) միջանցքի շարունակվող շրջափակման հակիրճ ակնարկը: Դոկտոր Ռիչն առաջարկեց ուսանողներին նաեւ մտածել եւ ներկայացնել իրենց տեսլականը անարդարության, զանգվածային վայրագությունների եւ ցեղասպանության կանխարգելման գործում իրենց դերի, համաշխարհային հանրության եւ ազգային պետությունների պատասխանատվության մասին։
Կրթությունը առանցքային դերակատարում ունի ապագայում ցեղասպանությունների եւ զանգվածային բռնության դեպքերի կանխարգելման գործում։ Զորյան ինստիտուտը պարտավորվում է շարունակել որակյալ կրթական ծրագրեր իրականացնել Հյուսիսային Ամերիկայի համալսարաններում եւ ավագ դպրոցներում՝ ուսանողներին եւ մանկավարժներին զինելով մարդու իրավունքների եւ ցեղասպանության վերաբերյալ հիմնարար գիտելիքով։
15:40 07.08.2025
Մերցը Զելենսկու հետ քննարկել է Պուտին-Ուիթքոֆ հանդիպումը
15:20 07.08.2025
Վահագն Խաչատուրյանը Թուրքմենստանում այցելել է հայկական խոնարհված եկեղեցիԱշխատանքային այցով Թուրքմենստանի Թուրքմենբաշի քաղաքում գտնվող նախագահ Վահագն Խաչատուրյանն այցելել է հայկական խոնարհված եկեղեցի։ Եկեղեցին օծվել է 1905 թվականին, սակայն 1920-ականների սկզբին խորհրդային իշխանությունները քանդել են եկեղեցու գմբեթը, ապա այն վերածել արտադրական տարածքի։ Վերջին տարիներին թուրքմենական իշխանությունները որոշակի քայլեր են ձեռնարկել եկեղեցու պահպանության և տարածքի բարեկարգման ուղղությամբ։ Թուրքմենական իշխանությունները նաև պատրաստակամություն են հայտնել ամբողջությամբ ռեստավրացնել […] ...
15:11 07.08.2025
Ֆինանսական հատկացումներ՝ «Ֆեստիվառ» զբոսաշրջային-երաժշտական փառատոնի անցկացման նպատակովՀՀ մարզերում «Ֆեստիվառ» զբոսաշրջային-երաժշտական փառատոնի պատշաճ անցկացման նպատակով ՀՀ կառավարությունն ավելի քան 211 մլն դրամ կհատկացնի: Միջոցները կտրամադրվեն ՀՀ կրթության, գիտության, մշակույթի և սպորտի նախարարության՝ 2025 թվականի պետական բյուջեի ընդհանուր հատկացումներից կատարված վերաբաշխման արդյունքում: «Ֆեստիվառ» փառատոնը կազմակերպվում է ԿԳՄՍ նախարարության աջակցությամբ և իրականացվում է Հանրային հեռուստաընկերության կողմից։ Այն իրականացվում է արդեն երրորդ տարին անընդմեջ՝ նպատակ […] ...
14:51 07.08.2025
Մեկնարկել է Վանաշեն-Այգավան-Եղեգնավան մարզային նշանակության ավտոճանապարհի մի հատվածի հիմնանորոգումըՀՀ պետական բյուջեից հատկացված միջոցներով մեկնարկել է Արարատի մարզով անցնող Վանաշեն-Այգավան-Եղեգնավան մարզային նշանակության ավտոճանապարհի 2.5կմ հատվածի հիմնանորոգումը։ Այս պահին տեղադրվում են եզրաքարերը, ջրահեռացման վաքեր։ Ճանապարհը չէր վերանորոգվել խորհրդային տարիներից ի վեր։ Ըստ նախագծի՝ ճանապարհի երթևեկելի մասում նախատեսված է տեղադրել ավազակոպճային շերտ, խճավազային հիմք և երկշերտ ասֆալտբետոնե ծածկ, ճանապարհը կկահավորվի նաև անվտանգության էլեմենտներով։ ...
14:43 07.08.2025
Իսպանիայի բնակչության թիվը ռեկորդային մակարդակի է հասել ներգաղթյալների պատճառովԻսպանիայի բնակչությունը 2025 թվականի հուլիսի 1-ի դրությամբ գերազանցել է 49,3 միլիոնը, ինչը պատմական առավելագույն ցուցանիշ է։ Այս մասին ասվում է Ազգային վիճակագրության ինստիտուտի մամուլի հաղորդագրության մեջ։ Իր տեղեկատվության համաձայն՝ «Իսպանիայում բնակվողների թիվը երկրորդ եռամսյակում աճել է» 119,8 հազարով և «2025 թվականի հուլիսի 1-ի դրությամբ կազմել է 49,315,949»։ Սա դիտարկումների ողջ պատմության ընթացքում ամենաբարձր ցուցանիշն է, […] ...
14:35 07.08.2025
Չվերթի ժամանումից հետո խարդախության մեղադրանքով հետախուզվողը հայտնաբերվեցՕգոստոսի 5-ին Համայնքային ոստիկանության «Զվարթնոց» օդանավակայանի բաժնի ծառայողների կողմից ձեռնարկված միջոցառումների արդյունքում չվերթի ժամանումից հետո հայտնաբերվել և բաժին է տեղափոխվել 47-ամյա մի օտարերկրացի, որը 2024 թվականի օգոստոսի 27-ից խարդախության մեղադրանքով հետախուզվում էր Ռուսաստանի Դաշնության իրավապահների կողմից։ Նրա հայտնաբերման մասին հայտնվել է հետախուզումը նախաձեռնողին և Դատախազությանը։ ...
