Աշխարհը հիբրիդային արեգակի խավարման է սպասում. Ի՞նչ է դա

Հինգշաբթի օրը հարավային կիսագնդի բնակիչները կկարողանան դիտել Արեգակի ամբողջական խավարումը, մի երևույթ, որը տեղի է ունենում դարում ընդամենը մի քանի անգամ, հայտնում է BBC ին:

Նախորդներից տարբերությունն այն է, որ սպասվող խավարումը հիբրիդային է, որն էլ ավելի հազվադեպ է լինում։ Այն ստացել է Նինգալուի խավարում անունը՝ ի պատիվ ՅՈՒՆԵՍԿՕ-ի Համաշխարհային ժառանգության ցանկում գտնվող Նունգալու ափին, որը գտնվում է արևմտյան Ավստրալիայում:

Որո՞նք են խավարումների տեսակները և ինչո՞վ է հիբրիդը տարբերվում մնացածից:
Արեգակի խավարումները տեղի են ունենում, երբ Արեգակը, Լուսինը և Երկիրը իրար հաջորդում են: Նրանց շարման ձևը, ինչպես նաև Երկրի մակերևույթի կորությունը որոշում է խավարումը ամբողջական կամ մասնակի կլինի, քանի որ Լուսնի ստվերը շարժվում է երկրագնդով մեկ:

Արեգակի հիբրիդային խավարումը ամբողջական և մասնակի համակցություն է, երբ Լուսնի սկավառակն ամբողջությամբ ծածկում է Արեգակը և մուգ շրջանի շուրջ տեսանելի է միայն արևի արտաքին եզրը: Այս երևույթը կոչվում է նաև օղակաձև խավարում։

Երևույթի դիտումը, ինչպես ցանկացած այլ տեսակի խավարում, պետք է անել միայն հատուկ ակնոցներով, զգուշացնում են NASA-ի փորձագետները։

Օղակաձև արևի խավարման ժամանակ Լուսինը գտնվում է Երկրից իր առավելագույն հեռավորության վրա, ուստի այն Արևից փոքր է թվում և այն ամբողջությամբ չի ծածկում:

Խավարման ժամանակ, որը սպասվում է հինգշաբթի, Լուսնի դիրքը երկու անգամ կփոխվի՝ օղակաձևից մինչև ընդհանուր և հակառակը։

Խավարումը կսկսվի Հնդկական օվկիանոսում լուսադեմին և կավարտվի Խաղաղ օվկիանոսում՝ մայրամուտին: Ցիկլի սկզբում և վերջում այն ​​կլինի օղակաձև, մեջտեղում՝ լրիվ։

Տարբեր երկրների դիտորդները կտեսնեն հիբրիդային արևի խավարման տարբեր փուլեր:

Խավարումը կտևի մոտ 60 վայրկյան։ Դրա լավագույն տեսարանը կբացվի Արևմտյան Ավստրալիայի, Արևելյան Թիմորի և Արևմտյան Նոր Գվինեայի բնակիչների համար:
Խավարումը դիտելու լավագույն վայրը Արևմտյան Ավստրալիայում գտնվող Էքսմութ թերակղզին է, որտեղ սպասվում է տասնյակ հազարավոր մարդկանց ժամանումը:

Գիտնականների կարծիքով՝ այս չափազանց հազվադեպ երևույթը 21-րդ դարում տեղի կունենա ընդամենը յոթ անգամ։ Այժմ սպասվում է երկրորդ անգամ։

Քսանմեկերորդ դարի առաջին հիբրիդային արևի խավարումը տեղի է ունեցել 2013 թվականի նոյեմբերին։

Ամբողջական խավարման փուլն այնուհետև դիտվել է Կենտրոնական Աֆրիկայում` Քենիայի հյուսիսում, Ուգանդայում և Կոնգոյի Դեմոկրատական ​​Հանրապետությունում:

Ըստ NASA-ի՝ հաջորդ խավարումը պետք է տեղի ունենա 2031 թվականին։