20:23 29.04.2023
«Տոների և հիշատակի օրերի մասին» օրենքում կատարված փոփոխությամբ 2019 թվականից ապրիլի վերջին շաբաթ օրը նշվում է որպես Հայաստանի Հանրապետության քաղաքացու օր:
Քաղաքացու օրը քաղաքացիական երկխոսության օր է, երբ տարբեր սերունդներ մեկտեղվում են՝ հանրությանը հուզող հարցերը քննարկելու, քաղաքացիների և պետության անելիքները վերհանելու և կանխորոշելու համար։
Այդ նպատակով այսօր ՀՀ բոլոր մարզերում և Երևան քաղաքի տարբեր վարչական շրջաններում՝ ընդհանուր առմամբ 66 համայնքում, կազմակերպվել են միջոցառումներ, որոնք բաղկացած են եղել 2 մասից՝ բանախոսություն և մշակութային միջոցառում, հայտնում է ՀՀ ԿԳՄՍ նախարարության մամուլի ծառայությունը:
Տավուշի և Կոտայքի մարզերի համայնքներում կազմակերպված բանախոսություններին ներկա են եղել նաև ՀՀ կրթության, գիտության, մշակույթի և սպորտի նախարարի տեղակալներ Արաքսիա Սվաջյանը և Արթուր Մարտիրոսյանը։
Նախարարի տեղակալ Արաքսիա Սվաջյանը մասնակցել է ՀՀ Տավուշի մարզի Իջևանի երաժշտական դպրոցում տեղի ունեցող բանախոսության մեկնարկին։ Նա ողջունել է երիտասարդներին և միջոցառման մասնակիցներին մաղթել բարի ընթացք։ Նախարարի տեղակալն ընդգծել է, որ քաղաքացու օրը երկխոսության ձևաչափով անցկացնելու առանցքում կարևոր խնդիրների շուրջ մոտեցումների հստակեցումն է, որը դրվելու է քաղաքացու արժեքային համակարգի ձևավորման հիմքում։
«Մեզ համար կարևոր է հատկապես պատանիների և երիտասարդների կարծիքը, որովհետև նրանք են որոշելու պետության զարգացման հետագա ընթացքը»,- ասել է Արաքսիա Սվաջյանը։
Նախարարի տեղակալ Արթուր Մարտիրոսյանը մասնակցել է ՀՀ Կոտայքի մարզի Արզնի համայնքում տեղի ունեցած բանախոսությանը, որի ընթացքում փոխնախարարն անդրադարձել է պետության կայացման գործում քաղաքացիների դերին։ Արթուր Մարտիրոսյանը մի շարք խորհուրդներ է հղել երիտասարդներին՝ մասնագիտական ճիշտ կողմնորոշման, գիտելիքի և հմտությունների կարևորության, ինչպես նաև տեղեկատվական տեխնոլոգիաների կիրառության վերաբերյալ։
Միջոցառման մասնակիցները մեկական հարց են ուղղել Արթուր Մարտիրոսյանին, որոնք, մասնավորապես, վերաբերել են իրավագիտակից քաղաքացու բնորոշմանը, հանրության համար կարևոր որոշումների կայացման գործում երիտասարդների ներգրավմանը և այլն։ Նախարարի տեղակալը ևս իր հերթին հնարավորություն է ունեցել հարցեր ուղղելու երիտասարդներին։
Բանախոսությունից հետո Արթուր Մարտիրոսյանը մասնակցել է Արզնիի Սերգեյ Սարխոշևի անվան միջնակարգ դպրոցի բակում կազմակերպված ծառատունկին և մշակութային միջոցառմանը։
Նշվում է, որ տարբեր համայնքներում բանախոսություններին մասնակցել են 14-21 տարեկան պատանիներ և երիտասարդներ, որոնք հնարավորություն են ունեցել ոչ միայն լսելու հրավիրված բանախոսին քաղաքացու ակտիվ դիրքորոշման, պետության զարգացման տեսլականի և երկրի զարգացման հարցում սեփական դերակատարումը գիտակցելու թեմաներով, այլև ծավալելու հետաքրքիր քննարկումներ:
Հրավիրված բանախոսները եղել են կրթության, գիտության, մշակույթի և սպորտի ոլորտների ներկայացուցիչներ։
20:58 14.05.2025
Ժամանակավորապես կդադարեցվի Երևանի և մարզերի որոշ հասցեների էլեկտրամատակարարումը«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ մայիսի 15-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Արաբկիր վարչական շրջան՝ 11։00-17։00 Մանուշյան փ. 36-69 առանձնատներ, Էմինի փ. 58-93 առանձնատներ, Գրիգոր Արծրունի փ. 6-22 առանձնատներ, Հր.Քոչարի փ. 9-11 շենքեր, թիվ 56 դպրոց և Գյուլբենկյան փ. 34Ա շենք, Երևանի Նոր Նորք վարչական […] ...
20:45 14.05.2025
Հայաստանի դատական համակարգի պատվիրակությունը ճանաչողական այցով Լատվիայում էրՄայիսի 6-ին ԵՄ ֆինանսավորմամբ իրականացվող «Աջակցություն Հայաստանի արդարադատության ոլորտի բարեփոխումներին – Փուլ II» ծրագրի շրջանակում Հայաստանի դատական համակարգի պատվիրակությունը երկօրյա այցով Լատվիայի Հանրապետությունում էր՝ ուսումնասիրելու դատարանների կառավարման և արդիականացման լավագույն փորձը։ Ճանաչողական այցի հիմքում լավագույն փորձի փոխանակումն էր, նպատակը՝ դատական համակարգի կարողությունների կատարելագործումը դատարանների արդյունավետ կառավարման և դատական համակարգի բարեփոխումների իրականացման համատեքստում։ Այս մասին հայտնել […] ...
20:29 14.05.2025
Երևանում ուժեղ քամու հետևանքով ծառի ճյուղը պոկվել և ընկել է կայանված «Toyota Camry»-ի վրաՄայիսի 14-ին, արտակարգ դեպք է տեղի ունեցել Երևանում։ Ժամը 16։30-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Կողբացի 2Ա շենքի դիմաց ծառի ճյուղը պոկվել և ընկել է ավտոմեքենայի վրա։ Ինչպես հայտնում է shamshyan.com-ը, տեղում պարզվել է, որ ուժեղ քամու հետևանքով ծառի ճյուղը պոկվել և ընկել է […] ...
20:12 14.05.2025
Միրզոյանն ու Կալասը քննարկել են ՀՀ-ԵՄ գործընկերության խորացման հարցում ձևավորված տեսլականն ու հեռանկարներըՄայիսի 14-ին ՀՀ արտաքին գործերի նախարար Արարատ Միրզոյանն աշխատանքային այց է կատարել նաև Բրյուսել: Նախարար Միրզոյանը հանդիպում է ունեցել Եվրոպական հանձնաժողովի փոխնախագահ, ԵՄ արտաքին գործերի ու անվտանգության քաղաքականության հարցերով բարձր ներկայացուցիչ Կայա Կալասի հետ։ Այս մասին հայտնել են ԱԳՆ-ից: Զրուցակիցները քննարկել են ՀՀ-ԵՄ գործընկերության խորացման հարցում ձևավորված տեսլականն ու հեռանկարները, ինչպես նաև համատեղ աշխատանքներն՝ ուղղված […] ...
19:54 14.05.2025
Անչելոտին ցանկանում է Ոսկե գնդակի դափնեկրին տեսնել Բրազիլիայի հավաքականի իր մարզչական շտաբումԲրազիլիայի հավաքականի նորանշանակ գլխավոր մարզիչ Կառլո Անչելոտին մի քանի բրազիլացի աստղերի առաջարկել է միանալ իր մարզչական շտաբին, հաղորդում է CNN Brazil-ը։ Նշվում է, որ այդ աստղերից մեկը Կական է, որն իտալացի մասնագետի ղեկավարությամբ 2007 թվականին նվաճել է «Ոսկե գնդակը»։ Անչելոտին արդեն կապ է հաստատել Կակայի հետ այս հարցի շուրջ։ Նրա վերջնական պատասխանը մնում է անհայտ, […] ...
