ՆԳՆ փրկարար ծառայությունը «Արարատ» մոր և մանկան առողջարանում անցկացրել է ցուցադրական հատուկ տակտիկական ուսումնավարժություն

Հունիսի 30-ին Վայոց ձորի մարզի Ջերմուկ քաղաքի «Արարատ» մոր և մանկան առողջարանում ՆԳՆ Փրկարար ծառայությունն անցկացրեց «Հրդեհաշիջման և փրկարարական աշխատանքների կազմակերպումը առողջարաններում» ցուցադրական հատուկ տակտիկական ուսումնավարժություն։
Ուսումնավարժությանը տեղում հետևում էին ՆԳՆ ՓԾ տնօրենի տեղակալ, փրկարարական ծառայության գնդապետ Տիգրան Պետրոսյանը, Վայոց ձորի մարզպետ Արարատ Գրիգորյանը, ոստիկանության Վայոց ձորի մարզային վարչության պետ, գնդապետ Տիգրան Կարապետյանը, Ջերմուկի քաղաքապետ Վահագն Արսենյանը և այլ պաշտոնատար անձինք։
Ուսումնավարժության նպատակն էր կատարելագործել արձագանքող ուժերի գործնական հմտությունները, ինչպես նաև ապահովել վերջիններիս ներդաշնակ աշխատանքը և արդյունավետ փոխհամագործակցությունը այլ ծառայությունների հետ:
Ուսումնավարժությանը ներգրավված էին են ՆԳՆ ՓԾ Վայոց ձորի մարզային փրկարարական վարչության և ենթակա ստորաբաժանումների փրկարարական, ոստիկանության Ջերմուկի բաժնի ծառայողները, «Գազպրոմ Արմենիա» ՓԲԸ «Վայոց ձոր» ԳԳՄ և «ՀԷՑ» ՓԲԸ Ջերմուկի տարածքային տեղամասերի անձնակազմերը, «Ջերմուկի առողջության կենտրոն» ՓԲԸ-ի և Հայկական Կարմիր խաչի ընկերության Վայոց ձորի մասնաճյուղի արագ արձագանքման թիմերը։
Ուսումնավարժության ղեկավար Վայոց ձորի մարզային փրկարարական վարչության պետ, փ/ծ գնդապետ Հ. Սարգսյանը հյուրերին համառոտ ներկայացրեց ուսումնավարժության ընթացքը:
Սցենարի համաձայն՝ Վայոց ձորի ՄՓՎ ՃԿԿ 911 ահազանգ է ստացվել այն մասին, որ տեղի ունեցած գազի պայթյունի հետևանքով Ջերմուկ քաղաքի «Արարատ» մոր և մանկան առողջարանում տեղի է ունեցել մասնակի փլուզում, հրդեհ է բռնկվել հյուրանոցի 3-րդ հարկում, կան տուժածներ: Մինչ հրշեջ-փրկարարների կանչի վայր հասնելը՝ առողջարանի աշխատակիցների կողմից իրականացվել է հանգստացողների տարահանում:
Հրշեջ- փրկարարների ուժերով իրականացվեցին`
☑️բացազատում, հետախուզություն և իրավիճակի գնահատում,
☑️փրկարարական աշխատանքներ,
☑️հրդեհաշիջում:
Միաժամանակ, հրդեհաշիջման աշխատանքներին զուգահեռ, իրականացվեցին նաև որոնողափրկարարական աշխատանքներ, հայտնաբերվեցին տուժածներ։ Հրշեջ-փրկարարների և կամավորների կողմից տուժածները դուրս բերվեցին փլատակներից, ցուցվաբերվեց առաջին բուժօգնություն և տեղափոխվեցին հիվանդանոց։
Մեկ այլ տեղամասում տեղի էր ունեցել ինքնավթար, որին հրշեջ-փրկարարները օպերատիվորեն արձագանքեցին մեկ մարտական հաշվարկի ուժերով, իրականացրեցին տուժածին ավտոմեքենայից դուրսբերման, սահմանազատման, գազի արտահոսքի դադարեցման, հոսանքազրկման աշխատանքներ։
Ամփոփելով արդյունքները, փ/ծ գնդապետ Տ. Պետրոսյանը ուսումնավարժության ողջ ընթացքը գնահատեց լավ, հույս հայտնելով, որ ձեռքբերված գիտելիքներն ու հմտությունները, նպատակային կկիրառվեն հնարավոր արտակարգ դեպքերի ժամանակ՝ ակտիվ փոխհամագործակցելով նաև վարժանքին ներգրավված այլ ծառայությունների հետ։