15:22 13.10.2023
ՀՀ ԿԳՄՍ նախարարի տեղակալներ Արթուր Մարտիրոսյանը և Դանիել Դանիելյանը «ArtNexus» ծրագրի համագործակցության շրջանակում հանդիպել են «The Swedish Arts Grants Committee» կազմակերպության պատվիրակության անդամներ Լիվ Վեյսբերգի և Ջուլիա Բենգսթոնի, ինչպես նաև ՀԲԸՄ Հայաստանի «Կատապուլտ» ստեղծարար աքսելերացիոն ծրագրի համակարգող Նարեկ Թովմասյանի հետ: «ArtNexus»-ի հայաստանյան գործընկերն է ՀԲԸՄ գրասենյակը:
Հանդիպման ընթացքում քննարկվել են «ArtNexus» ծրագրի համագործակցությանն առնչվող հարցեր: Ծրագրի համակարգողները ներկայացրել են Հայաստանում իրենց կողմից իրականացվող ընթացիկ նախագծերը և առաջիկա պլանները՝ ընդգծելով, որ կայուն համագործակցություն է իրականացվում «ՀայԱրտ» մշակութային կենտրոնի և Հ. Իգիթյանի անվան գեղագիտության ազգային կենտրոնի հետ: Լիվ Վեյսբերգի տեղեկացմամբ՝ վերջերս Երևանում քննարկում է անցկացվել՝ նվիրված ինքնազբաղ արվեստագետների հեղինակային իրավունքների թեմային, իսկ առաջիկայում արվեստագետների համար կկայանա 2 աշխատարան: Նրա հավելմամբ՝ գործուն համագործակցություն է ընթանում ՀԲԸՄ-ի հետ «Կատապուլտ» ծրագրի շրջանակում:
Լիվ Վեյսբերգը խոսել է նաև «ArtNexus» ծրագրի կողմից ՀՀ ԿԳՄՍ նախարարության ժամանակակից արվեստի վարչության աշխատակիցների համար փորձի փոխանակման առցանց քննարկում անցկացնելու և մեկ ճանաչողական շրջայց կազմակերպելու մասին: Ծրագիրը կմեկնարկի աշնանը և կավարտվի հաջորդ տարի:
Նախարարի տեղակալ Արթուր Մարտիրոսյանը և Դանիել Դանիելյանը վերահաստատել են նախարարության պատրաստակամությունն աջակցելու «ArtNexus» ծրագրի իրականացմանը՝ հայ-շվեդական երկկողմ ձևաչափով մշակութային կապերի զարգացմանը զուգահեռ կարևորելով նաև ՀՀ մշակույթի ոլորտում ինստիտուցոնալ կարողությունների զարգացումը, այդ թվում՝ մշակութային մասնագիտական միությունների առումով: Նրանք նաև խրախուսել են նորաբաց «Ստեղծագործ Եվրոպա» տեղեկատվական գրասենյակի հետ ծրագրի համակարգող թիմի սերտ աշխատանքը։
Կողմերը քննարկել են նաև առաջիկայում ՀՀ կառավարության կողմից ընդունվելիք Մշակույթի պահպանության, զարգացման և հանրահռչակման 2023-2027 թվականների ռազմավարության իրականացման շրջանակում համագործակցությանը վերաբերող մի շարք հարցեր։
Նշենք, որ շվեդական ArtNexus ծրագիրը ֆինանսավորում է Շվեդիայի արվեստի դրամաշնորհների կոմիտեն։ Այն իրականացվում է Հայաստանում և Ալբանիայում։ Ծրագրի իրականացման համար 2022 թվականի ապրիլի 5-ին պաշտոնական առցանց արարողության ժամանակ ստորագրվել է փոխըմբռնման հուշագիր ՀՀ կրթության, գիտության, մշակույթի և սպորտի փոխնախարար Արթուրի Մարտիրոսյանի և Շվեդիայի արվեստի դրամաշնորհների կոմիտեի գլխավոր տնօրեն Աննա Սոդերբեկի միջև։
ArtNexus ծրագիրն ուղղված է Հայաստանում մշակութային համագործակցության զարգացմանը՝ աջակցելով Հայաստանում արվեստի և մշակույթի պետական գործիչներին և խթանելով այդ ոլորտում ՀՀ-ի և Շվեդիայի միջև փոխանակումները:
Ծրագիրը նպատակն է տրամադրել փորձաքննություն, նպաստել կարողությունների զարգացմանը և խթանել երկխոսությունը արվեստի և մշակույթի գործիչների և պետական դերակատարների միջև:
Ծրագրի առաջին տարվա ընթացքում Հայաստանում ArtNexus-ն իրականացրել է կարողությունների զարգացման սեմինարներ ինքնազբաղ արվեստագետների և պետական դերակատարների համար:
14:51 07.08.2025
Մեկնարկել է Վանաշեն-Այգավան-Եղեգնավան մարզային նշանակության ավտոճանապարհի մի հատվածի հիմնանորոգումըՀՀ պետական բյուջեից հատկացված միջոցներով մեկնարկել է Արարատի մարզով անցնող Վանաշեն-Այգավան-Եղեգնավան մարզային նշանակության ավտոճանապարհի 2.5կմ հատվածի հիմնանորոգումը։ Այս պահին տեղադրվում են եզրաքարերը, ջրահեռացման վաքեր։ Ճանապարհը չէր վերանորոգվել խորհրդային տարիներից ի վեր։ Ըստ նախագծի՝ ճանապարհի երթևեկելի մասում նախատեսված է տեղադրել ավազակոպճային շերտ, խճավազային հիմք և երկշերտ ասֆալտբետոնե ծածկ, ճանապարհը կկահավորվի նաև անվտանգության էլեմենտներով։ ...
14:43 07.08.2025
Իսպանիայի բնակչության թիվը ռեկորդային մակարդակի է հասել ներգաղթյալների պատճառովԻսպանիայի բնակչությունը 2025 թվականի հուլիսի 1-ի դրությամբ գերազանցել է 49,3 միլիոնը, ինչը պատմական առավելագույն ցուցանիշ է։ Այս մասին ասվում է Ազգային վիճակագրության ինստիտուտի մամուլի հաղորդագրության մեջ։ Իր տեղեկատվության համաձայն՝ «Իսպանիայում բնակվողների թիվը երկրորդ եռամսյակում աճել է» 119,8 հազարով և «2025 թվականի հուլիսի 1-ի դրությամբ կազմել է 49,315,949»։ Սա դիտարկումների ողջ պատմության ընթացքում ամենաբարձր ցուցանիշն է, […] ...
14:35 07.08.2025
Չվերթի ժամանումից հետո խարդախության մեղադրանքով հետախուզվողը հայտնաբերվեցՕգոստոսի 5-ին Համայնքային ոստիկանության «Զվարթնոց» օդանավակայանի բաժնի ծառայողների կողմից ձեռնարկված միջոցառումների արդյունքում չվերթի ժամանումից հետո հայտնաբերվել և բաժին է տեղափոխվել 47-ամյա մի օտարերկրացի, որը 2024 թվականի օգոստոսի 27-ից խարդախության մեղադրանքով հետախուզվում էր Ռուսաստանի Դաշնության իրավապահների կողմից։ Նրա հայտնաբերման մասին հայտնվել է հետախուզումը նախաձեռնողին և Դատախազությանը։ ...
14:20 07.08.2025
Հաստատվել են կլինիկական օրդինատուրայի և ինտերնատուրայի անվճար տեղերըՀՀ կառավարության որոշմամբ հաստատվել են 2025/2026 ուսումնական տարվա պետության կողմից ուսանողական նպաստների ձևով ուսման վարձի լրիվ փոխհատուցմամբ (անվճար), առկա ուսուցմամբ կլինիկական օրդինատուրայի և ինտերնատուրայի ընդունելության տեղերը։ Կլինիկական օրդինատուրայի ընդունելության համար հատկացվել է 104 անվճար տեղ, որից 10-ը՝ ՀՀ կրթության, գիտության, մշակույթի և սպորտի նախարարությանը, 75-ը՝ ՀՀ առողջապահության նախարարությանը, 19-ը՝ ՀՀ պաշտպանության նախարարությանը։ Որոշման համաձայն՝ պետության […] ...
14:11 07.08.2025
Երևանի Քանաքեռ-Զեյթուն վարչական շրջանում գործարկվելու են էլեկտրական շչակներՕգոստոսի 8-ին՝ ժամը 10:30-ից մինչև 14:30-ն ընկած ժամանակահատվածում, Երևանի Քանաքեռ-Զեյթուն վարչական շրջանի Ռուբինյանց, Արմեն Տիգրանյան, Դավիթ Անհաղթի, Էզրաս Հասրաթյան, Զաքարիա Քանաքեռցու, Դրոյի փողոցների մի շարք հասցեներում գործարկվելու են էլեկտրական շչակներ։ ...
14:05 07.08.2025
64-ամյա տղամարդու բակում հայտնաբերվել է կանեփի 402 թուփ․ Սպիտակի համայնքային ոստիկանների բացահայտումըՀամայնքային ոստիկանության Սպիտակի բաժնի ծառայողները տեղեկություններ էին ստացել, որ Սպիտակ համայնքի բնակիչ 64-ամյա տղամարդը տան բակում ցանում և աճեցնում է կանեփ։ Նախաձեռնվել է քրեական վարույթ, որի շրջանակում տղամարդու տան բակում կատարված զննությամբ հայտնաբերվել է կանեփի 402 թուփ։ Կազմված փաստաթղթերն ուղարկվել են նախաքննական մարմին։ Հանգամանքները պարզվում են։ ...
