«Վեոլիա ջրի» թնջուկը. «Վեոլիա ջուր»-ը պարզաբանումներ է ներկայացնում – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
28 03 2024
  • $
    394.46
  • RUBLE
    4.27
  • 425.62
WEATHER
+13.09 oC

«Վեոլիա ջրի» թնջուկը. «Վեոլիա ջուր»-ը պարզաբանումներ է ներկայացնում

19:45 11.04.2018

SHANTNEWS-ն ապրիլի 11-ին հրապարակած «Վեոլիա ջուր» ընկերության դեմ քաղաքացիների կողմից ներկայացված բողոքների մասին նյութի վերաբերյալ պարզաբանումներ է ստացել նաև «Վեոլիա ջուր» ընկերության հանրային կապերի ծառայության պետ Մուրադ Սարգսյանից:

Քաղաքացիների 50-ից ավելի դիմում-բողոքները մեծամասամբ վերաբերում էին ջրաչափերի արտաքին տեսքի ու վնասվածքների պատճառով արված ջրի վերահաշվարկներին և կազմված ակտերին, որոնք, ըստ «Իրավաբանների և հոգեբանների միջազգային ասոցիացիա» ՀԿ հիմնադիր նախագահ Խաչատուր Մարոզյանի ներկայացրած տվյալների, կազմվել են առանց իրենց փորձագիտական եզրակացության, հետևաբար անօրինական են:

«2017թ. ընթացքում Երևանում մոտ 20.000 ջրաչափ ենք փոխարինել C դասի ջրաչափերով և միայն 642-ն են ունեցել արտաքին դեֆեկտներ՝ ապակին է եղել կոտրված, կնիքը չի եղել կամ ջրաչափը ասեղով վնասված է եղել: Այսինքն, միայն 3%-ի դեպքում է խախտում արձանագրվել, նշանակում է` քաղաքացիներn ընդհանուր առմամբ օրինապահ են»,- ասաց Մուրադ Սարգսյանը` նշելով, որ 642-ի մեծ մասն արդեն ընդունել է մեղքն ու կատարել վճարում: 

Ինչ վերաբերում է բողոքող քաղաքացիներին, ապա, ըստ Մուրադ Սարգսյանի, բոլորն էլ ստացել են համապատասխան ծանուցում այն մասին, որ կարող են 10-օրյա ժամկետում ներկայանալ և մասնակից լինել ջրաչափերի ստուգաչափման լաբորատորիայում իրենց հին ջրաչափերի ստուգմանը, սակայն մեծ մասը դրան կարևորություն չի տվել: Բոլոր ջրաչափերն իրենց թերություններով լուսանկարվում և արխիվացվում են: Ցանկության դեպքում քաղաքացիները կարող են համապատասխան դիմումի հիման վրա ստանալ այդ լուսանկարները:

«Հաշվի առնելով գործընթացի հրատապությունը, մեծ ծավալներն ու հազարավոր շինարարների ներգրավվածությունը, այո´, կարող են լինել նաև թերություններ: Մասնավորապես եղել են դեպքեր, որ մեզ հետ աշխատող կապալառու շինարար կազմակերպությունների շինարարները թերություններ են թույլ տվել, ցույց չեն տվել ջրաչափերը, վնասել են և այլն: Նման 12 դեպք է արձանագրվել, երբ շինարարը թերությունով է կատարել աշխատանքը, այդ մարդկանցից ներողություն ենք խնդրել և պարտքը չեղյալ ենք հայտարարել»,- ասաց Սարգսյանը: 

Ինչ վերաբերում է տեղում` բնակիչների ներկայությաmբ ջրաչափի վիճակի մասին արձանագրություն կազմելուն, ապա Մուրադ Սարգսյանը ասաց, որ նախկինում չեն պատկերացրել, որ կարող են նման խնդիրներ ծագել և արդեն վերջին 2-3 ամսվա ընթացքում արձանագրությունը ոչ միայն կազմվում է տեղում, այլև քաղաքացին պարտավորվում է ստորագրել, հակառակ դեպքում, արձանագրության մեջ նշվում է, որ քաղաքացին ինքն է հրաժարվել ստորագրելուց: Արդյունքում բողոքների թիվը կտրուկ նվազել է, իսկ ստուգման գործընթացին մասնակցել ցանկացողների թիվը՝ մեծացել:  

«Մենք ստուգում ենք միայն արտաքին տեսքը: Լիարժեք ստուգման դեպքում մոտ 90%-ի մոտ խախտում հաստատ կարձանագրվի, քանի որ 5 տարվա աշխատանքի համար նախատեսված ջրաչափերը ծառայել են 10-12 տարի: Եթե բնակիչները համաձայն չեն ակտի հետ, կարող են դիմում ներկայացնել: Մենք ունենք հանձնաժողով, որտեղ բոլոր դիմումները քննարկում ենք: Լինում են դեպքեր, որ մենք ենք սխալ լինում, մեր աշխատակիցն է թերացած լինում»,- պարզաբանում է Մուրադ Սարգսյանը:

«Վեոլիա ջուր» ընկերությանը պատկանող ջրաչափերի ստուգաչափման լաբորատորիայում արված փորձաքննությունից հետո վերջնական խոսքը Չափագրման ազգային ինստիտուտին (ՉԱԻ) է պատկանում, որի ստորագրությամբ էլ հաստատվում է ակտը: Մուրադ Սարգսյանը վստահեցրեց, բոլոր՝ 642 ակտերն էլ հաստատված են եղել ՉԱԻ-ի կողմից, ինչն ի սկզբանե հերքում էր «Իրավաբանների և հոգեբանների միջազգային ասոցիացիա» ՀԿ հիմնադիր նախագահ Խաչատուր Մարոզյանը:

Մուրադ Սարգսյանը տեղում զանգեց և ևս մեկ անգամ ճշտեց ստուգաչափման լաբորատորիայի տնօրենից ու կրկին վստահեցրեց՝ ՉԱԻ-ի ներկայացուցչի կողմից ակտերը ստորագրված են եղել:

Մենք էլ զանգեցինք Խաչատուր Մարոզյանին, ո8n ընթերցեց ՉԱԻ-ի որոշումը, սակայն Մուրադ Սարգսյանը ասաց, որ եթե կարծում են` օրենք է խախտվել, թող պաշտոնապես դիմեն, իրենք կպարզաբանեն: Խոսքը ոչ թե ներկայացուցչի բացակայության, այլ կարգի հետ անհամաձայնության մասին է, որը այլ հարթության վրա քննարկվող հարց է:

Երբ Խաչատուր Մարոզյանը ուղարկեց ՉԱԻ-ի պատասխանի լուսանկարը, Մուրադ Սարգսյանը ավելացրեց.

«Մենք որևէ խախտում թույլ չենք տվել: Կա օրենք, որով առաջնորդվում ենք, և այս հարցի վերաբերյալ Հանրային ծառայությունները կարգավոող հանձնաժողովում վարչական վարույթ է հարուցվել: Մեկ ամսվա ընթացքում պարզ կլինի՝ կա՞ արդյոք խախտում մեր կողմից, թե՞ ոչ: Իսկ Մարոզյանը ընդամենը իր մեկնաբանություններն է շարադրում և ՉԱԻ-ի պատասխանի մեջ նշված չէ մեր կողմից թույլ տված խախտման մասին»,- եզրափակեց խոսքը Մուրադ Սարգսյանը: 

 

Բոլոր լուրերը

Կապակցված լուրեր

ԿԳՄՍ նախարարը ներկայացրել է կրթության իրավունքի բարելավման աշխատանքները

18:50 28.03.2024

ԿԳՄՍ նախարարը ներկայացրել է կրթության իրավունքի բարելավման աշխատանքները

ԱԺ մարդու իրավունքների պաշտպանության և հանրային հարցերի մշտական հանձնաժողովը մարտի 28-ի արտահերթ նիստում քննարկել և ի գիտություն է ընդունել ՀՀ կառավարության ծրագրի (2021-2026 թթ.) 2023 թվականի կատարման ընթացքի և արդյունքների մասին զեկույցը: Կրթության, գիտության, մշակույթի, սպորտի և երիտասարդության ոլորտներում իրականացված գործողությունները ներկայացրել է ԿԳՄՍ նախարար Ժաննա Անդրեասյանը: Ընդգծելով, որ ՀՀ կրթության՝ մինչև 2030 թվականը զարգացման […] ...

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

18:43 28.03.2024

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Եվրոպական խորհրդի անվտանգության և քաղաքական հարցերով կոմիտեի անդամներն ապրիլի 8-9-ը աշխատանքային այցով կլինեն Հայաստանում։ Բրյուսելում «Արմենպրես»-ի թղթակցի փոխանցմամբ՝ նախատեսվում են հանդիպումներ Երևանում և ԵՄ դիտորդական առաքելության գրասենյակում։ Այցի նպատակն է պատկերացում կազմել տարածաշրջանում տեղի ունեցող զարգացումների և Հայաստան-Ադրբեջան խաղաղության գործընթացի վերաբերյալ։ Պատվիրակությունը կայցելի նաև Վրաստան և Ադրբեջան։ Եվրոպական խորհրդի անվտանգության և քաղաքական հարցերով կոմիտեն բաղկացած […] ...

Հայաստանը Գազայից տեղահանված 1,5 մլն անձի մթերք և դեղեր կտրամադրվի. գործադիրի որոշումները

18:37 28.03.2024

Հայաստանը Գազայից տեղահանված 1,5 մլն անձի մթերք և դեղեր կտրամադրվի. գործադիրի որոշումները

Կերկարաձգվի Արցախից տեղահանված մեր հայրենակիցների՝ «40+10 հազար» աջակցության ծրագիրը, կընդլայնվի նաև շահառուների շրջանակը: Հայաստանը Գազայից տեղահանված 1,5 մլն անձի կտրամադրի մթերք և դեղեր: Սյունիքի, Լոռու, Կոտայքի, Գեղարքունիքի մարզերի 33 ազդակիր բնակավայրերին կհատկացվի ռոյալթիների 2 տոկոսը: Որոշումներն ընդունվել են գործադիրի այսօրվա նիստում: Մանրամասները՝ ռեպորտաժում: ...

Հանձնաժողովում քննարկվել է ՀՀ կառավարության ծրագրի նախորդ տարվա կատարողականը

18:30 28.03.2024

Հանձնաժողովում քննարկվել է ՀՀ կառավարության ծրագրի նախորդ տարվա կատարողականը

ԱԺ աշխատանքի եւ սոցիալական հարցերի մշտական հանձնաժողովը մարտի 28-ի արտահերթ նիստում քննարկել եւ ի գիտություն է ընդունել Հայաստանի Հանրապետության կառավարության ծրագրի (2021-2026 թթ.) 2023 թվականի կատարման ընթացքի եւ արդյունքների մասին զեկույցի` համապատասխան ոլորտներին վերաբերող մասերը: ՀՀ աշխատանքի եւ սոցիալական հարցերի նախարար Նարեկ Մկրտչյանը մանրամասն ներկայացրել է 2023 թվականին աշխատանքի եւ սոցիալական պաշտպանության ոլորտներում իրականացված աշխատանքները` […] ...

Երևանում մթնոլորտային օդի որակը մարտի 21-27-ը

18:14 28.03.2024

Երևանում մթնոլորտային օդի որակը մարտի 21-27-ը

Հիդրոօդերևութաբանության և մոնիթորինգի կենտրոնը ներկայացրել է Երևանում մթնոլորտային օդի որակը մարտի 21-27-ը: Փոշու պարունակությունը գերազանցել է սահմանային թույլատրելի կոնցենտրացիան Կենտրոն վարչական շրջանում մարտի 22-ին, 26-ին և 27-ին, Նոր Նորքում՝ մարտի 22-ին և 25-ին։ Ազոտի և ծծմբի երկօքսիդների պարունակությունները չեն գերազանցել սահմանային թույլատրելի կոնցենտրացիան։ ...

Փրկարար ծառայության տարածքային ստորաբաժանումները շարունակում են ուսուցողական միջոցառումներն Արագածոտնի, Գեղարքունիքի և Լոռու մարզերում

18:07 28.03.2024

Փրկարար ծառայության տարածքային ստորաբաժանումները շարունակում են ուսուցողական միջոցառումներն Արագածոտնի, Գեղարքունիքի և Լոռու մարզերում

Արտակարգ իրավիճակներում գործելու հմտությունների զարգացման, կարողությունների բարելավման նպատակով այս տարվա փետրվար-մարտ ամիսներին ՆԳՆ ՓԾ Արարագծոտնի, Լոռու, Գեղարքունիքի մարզային փրկարարական վարչությունների ծառայողները կազմակերպել և անց են կացրել տարաբնույթ միջոցառումներ՝ ուղղված աղետների ռիսկի նվազեցմանը, աղետների կանխարգելմանը և պատրաստվածության բարձրացմանը։ Արագածոտնի մարզային փրկարարական վարչության ծառայողները մարզի մի շարք ուսումնական հաստատություններում կազմակերպել և անց են կացրել սեմինարներ, գործնական պարապմունքներ՝ […] ...

BACK_TO_TOP