15:35 19.05.2025
«Քաղաքացիական պայմանագիր» խմբակցությունը լուրջ չի վերաբերվում պատգամավորներ Հովիկ Աղազարյանի և Հակոբ Ասլանյանի կողմից
վարչապետ Նիկոլ Փաշինյանին անվստահություն հայտնելու գործընթացին։
«Արմենպրես»-ի հաղորդմամբ՝ լրագրողների հետ ճեպազրույցում այս մասին ասաց ԱԺ նախագահ Ալեն Սիմոնյանը։
«2018 թվականից այս կողմ մենք նմանատիպ գործընթացների ականատես ենք լինում և, անկեղծ ասած, լուրջ չենք վերաբերվում, որովհետև լուրջ ենք վերաբերվում միայն Հայաստանի Հանրապետության ժողովրդի ձայնին։ Իսկ ձեր նշած երկու քաղաքացիները որևէ ժողովրդական զանգված չեն ներկայացնում, նրանք «Քաղաքացիական պայմանագիր» կուսակցության և ղեկավարի շնորհիվ հայտնվել են Ազգային ժողովում, և այն մարդիկ, որոնք իրենց ձայն են տվել դրա համար, վստահ եմ՝ հաջորդ անգամ ձայն չեն տալու»,- ասաց Սիմոնյանը։
ԱԺ նախագահը հավելեց, որ իշխող ուժում այդ գործընթացը ոչ միայն չի քննարկվում, այլև որևէ քաղաքական նշանակություն չունի իրենց համար։
«Մեկ-մեկ իրար նյութեր ենք ուղարկում և ժպտում ենք, ասում ենք, որ Աղազարյանի և Ասլանյանի քաղաքական միությունն Էդմոն Մարուքյանին ծնեց որպես քաղաքական գործիչ։ Եվ դրանով սահմանափակվում է մեր քննարկումը»,-եզրափակեց Սիմոնյանը։
Հայաստանի խորհրդարանի պատգամավորներ Հովիկ Աղազարյանը և Հակոբ Ասլանյանը, որոնք ավելի վաղ հեռացվել էին իշխող «Քաղաքացիական պայմանագիր» խմբակցությունից, հայտարարել են վարչապետ Նիկոլ Փաշինյանին անվստահություն հայտնելու գործընթաց սկսելու մասին՝ վարչապետի թեկնածու առաջադրելով «Լուսավոր Հայաստան» կուսակցության նախագահ Էդմոն Մարուքյանին։
Որպեսզի վարչապետին անվստահություն հայտնելու նախաձեռնությունը մտնի Ազգային ժողովի օրակարգ, անհրաժեշտ է 36 պատգամավորի ստորագրություն։ ԱԺ երկու ընդդիմադիր խմբակցությունները՝ «Պատիվ ունեմ»-ն ու «Հայաստան»-ը միասին ունեն 34 ձայն։ Հովիկ Աղազարյանն ու Հակոբ Ասլանյանը հայտարարել են, որ պատրաստ են ստորագրել միայն իմպիչմենտի՝ իրենց առաջարկած նախաձեռնության տակ, որով վարչապետի թեկնածու է առաջադրվում Էդմոն Մարուքյանը, այլ թեկնածու հարց նրանք չեն պատրաստվում քննարկել և չեն միանա որևէ նախաձեռնության, որում վարչապետի թեկնածուն այլ անձ կլինի։ Էդմոն Մարուքյանը ընդդիմադիր խմբակցությունների ղեկավարներին առաջարկել է հանդիպում կազմակերպել՝ հետագա քայլերը քննարկելու համար։
ԱԺ երկու պատգամավորների նախաձեռնությանն անդրադարձել է ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը՝ նշելով, որ չի պատրաստվում մտնել մի գործընթացի մեջ, որի հաջողության հեռանկարը զրոյին մոտ է։
19:55 19.05.2025
ԱԶԲ-ի ֆինանսավորմամբ Երևանում և մարզերում կկառուցվի 46 դպրոցԱսիական Զարգացման Բանկի «Սեյսմիկ անվտանգության բարելավման» ծրագրի շրջանակում Հայաստանի մարզերում և մայրաքաղաքում կառուցվում կամ վերակառուցվում է 46 դպրոց։ Ծրագիրն ուղղված է ոչ միայն շենքերի սեյսմիկ անվտանգության բարձրացմանը, այլև ժամանակակից ու զարգացած կրթական միջավայր ստեղծելուն։ Մանրամասները՝ ռեպորտաժում: ...
19:51 19.05.2025
Ամփոփվել է Միրզոյանի անվան պատանի կոմպոզիտորների հանրապետական 12-րդ մրցույթըԿԳՄՍ նախարարության աջակցությամբ և Հայաստանի կոմպոզիտորների միության աջակցության մշակութային հիմնադրամի, Հայաստանի կոմպոզիտորների միության նախաձեռնությամբ իրականացվել է Էդվարդ Միրզոյանի անվան պատանի կոմպոզիտորների հանրապետական 12-րդ մրցույթը: Մրցույթի ամփոփմանը ներկա է եղել և մրցանակներ հանձնել ԿԳՄՍ նախարարի տեղակալ Դանիել Դանիելյանը: Մայիսի 12-17-ը կայացած կոմպոզիտորական ստուգետեսն այս տարի համախմբել էր 20 պատանի կոմպոզիտորի՝ ըստ ավագ և կրտսեր տարիքային խմբերի: […] ...
19:47 19.05.2025
Հեղինակային երգի անվանակարգի հայտերի ընդունման վերջնաժամկետը երկարաձգվել է մինչև հունիսի 10-ը. ԿԳՄՍՆՀՀ կրթության, գիտության, մշակույթի և սպորտի նախարարության ֆինանսական աջակցությամբ «Արտպրոգրես» մշակութային հասարակական կազմակերպությունն անցկացնում է Էջմիածնի «Փոքրիկ քայլ» երաժիշտ-կատարողների մանկապատանեկան միջազգային 6-րդ մրցույթ-փառատոնը։ Փառատոնի նպատակն է բացահայտել տաղանդավոր և շնորհալի երեխաներին ու պատանիներին՝ օժանդակելով և հարթակ տրամադրելով վերջիններիս՝ երաժշտական և ստեղծագործական հմտությունների կատարելագործման նպատակով: Փառատոնին կարող են մասնակցել 8-20 տարեկան երաժիշտ-կատարողները՝ ՀՀ արվեստի և երաժշտական […] ...
19:42 19.05.2025
Արդարադատության նախարարի տեղակալը և Քրեակատարողական ծառայության պետն այցելել են «Արմավիր» ՔԿՀՄայիսի 19-ին ՀՀ արդարադատության նախարարի տեղակալ Գևորգ Քոչարյանը և Քրեակատարողական ծառայության պետ Ծովինար Թադևոսյանն աշխատանքային այց են իրականացրել «Արմավիր» քրեակատարողական հիմնարկ։ Նախարարի տեղակալը և Ծառայության պետը շրջել են հիմնարկի հիմնական տարածքներով, հանդիպել են հացադուլ հայտարարած անձանց հետ, լսել վերջիններիս մտահոգությունները, այնուհետև այցելել են տարբեր խցեր, զրուցել ազատազրկված անձանց հետ։ Աշխատանքային այցի շրջանակներում Գևորգ Քոչարյանը և […] ...
19:39 19.05.2025
Ռոնալդուն կարող է մասնաբաժին ունենալ իսպանական ակումբիցԿրիշտիանու Ռոնալդուն կարող է մասնաբաժին ձեռք բերել իսպանական «Ալմերիա» ֆուտբոլային ակումբից, հաղորդում է Marca-ն: Մոհամեդ Ալ-Խերեիջիի ներդրումային հիմնադրամի կողմից «Ալմերիայի» ձեռքբերումից հետո հավանականությունը մեծացել է, որ Մադրիդի «Ռեալի» նախկին աստղն ակումբից ունենա իր բաժնեմասը: Ռոնալդուն ու Մոհամեդ Ալ-Խերեիջին մտերիմ են: Հենց նա է նպաստել, որ Կրիշտիանուն 2022 թվականին Մադրիդի «Ռեալից» տեղափոխվի «Ալ Նասր»: «Ալմերիան» այժմ […] ...
