13:36 05.10.2018
Ֆրանսիայի նախագահ Էմանուել Մակրոնը ֆրանսահայ շանսոնյե Շառլ Ազնավուրի հրաժեշտի արարողության ժամանակ հանդես եկավ հրաժեշտի խոսքով՝ իր սերն ու հարգանքն արտահայտելով շանսոնյեի հանդեպ:
Մակրոնի խոսքերով՝ տարիքը երբեք Շառլ Ազնավուրին չէր խոչընդոտում երգելու և ժպտալու համար:
«Գրեթե մեկ դար նա էր, որ մեզ տվեց կյանք, մեր զգացմունքներին ուժ տվեց, տասնամյակներով մեր կյանքն ավելի քաղցր, մեր ուրախությունն ավելի վառ դարձրեց: Հազարավոր մարդկանց համար նա ամոքիչ դեր ունեցավ, նա այն ուղեկիցն էր, որը մեզ լքեց: Ազնավուրի երգերը, նախ՝ խոսքեր են, որ մտան մեր սրտերը: Նրա երգերը դարձան մեզ համար ժառանգություն:
Առանց երբևէ մտածելու, որ կարող է դառնալ կատակերգու, նկարահանվեց ավելի քան 80 ֆիլում և հավերժացավ: Նա ունի հրաշալի խոսք, որը կարճ է, հասկանալի, առանց ավելորդությունների: Նա նաև մեծագույն դերասան էր …
Նա իր մաշկի վրա էր զգացել, որ Ֆրանսիան իսկապես ընդունել է իրեն: Նա գերադասում էր հավատարմությունը՝ իր երկրին, ընտանիքին, նաև հավատարմությունը Հայաստանին: Ազնավուրը Հայաստանի զավակն էր, դեսպանը, նաև երեխան, որը վերադարձավ իր ծնողների գիրկը, երբ տեղի ունեցավ 1988թ. երկրաշարժը…
Մենք պարտական ենք բոլոր հայերին, ովքեր փախչելով իրենց հայրենիքից՝ եկել են մեր երկիրն ավելի ծաղկեցնելու:
Նա հիմնեց «Ազնավուր» հիմնադրամը, որը ղեկավարում է նրա որդին՝ Նիկոլան: Հայաստանի ու հայերի բարեկեցությունը, հայ-ֆրանսիական բարեկամությունը նրա համար կարևոր էին: Նա գիտեր պատմական ողբերգությունը, գիտեր նաև, թե ինչ է հույսը: Ոչինչ նրան չէր կարող կոտրել: Արմատների նկատմամբ նրա հավատարմությունը մեզ զգացնել տվեց այն նվիրումը, որ կա Ֆրանսիայում ապրող օտարերկրացու մեջ։
Ասում են, որ կարիերայի սկզբին Ազնավուրը շատ փոքրամարմին էր, ոչ այնքան գեղեցիկ, չէին սիրում նրա ձայնը, նրա տեքստերն ու երաժշտությունը մերժված էին մեծ արտիստների կողմից, սակայն աշխատանքով ու կամքի ուժով նա բոլորին ցույց տվեց իր անսահման տաղանդը: Այսօր նա բոլորին օրինակ է ծառայում»,- հրաժեշտի խոսքում ասաց Ֆրանսիայի նախագահը:
Ավելի վաղ հայտնել էինք, որ Ֆրանսիան այսօր ազգային հարգանքի տուրք է մատուցում Շառլ Ազնավուրի հիշատակին: Արարողությունը տեղի է ունենում Փարիզի Ռազմական թանգարանում, որը հայտնի է նաև «Հաշմանդամների պալատ» անվանումով:
00:00 07.05.2025
Ստեփանծմինդա-Լարս ավտոճանապարհը բաց է
00:00 07.05.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:59 06.05.2025
Ասթմայի և օդի աղտոտվածության փոխադարձ կապի մասինԱմեն տարի՝ մայիսի առաջին երեքշաբթին (այս տարի՝ մայիսի 6-ին), համաշխարհային օրացույցում Ասթմայի միջազգային օրն է։ Ասթմայի համաշխարհային օրը մեզ հիշեցնում է, որ օդի աղտոտվածության և ասթմայի միջև կապը փոխադարձ է։ Օդի աղտոտվածությունը նպաստում է ասթմայի զարգացմանը, հատկապես երեխաների մոտ։ Իսկ նրանց համար, ովքեր արդեն ապրում են ասթմայով, վատ օդի որակը խորացնում է ախտանիշերը և սահմանափակում […] ...
23:57 06.05.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:51 06.05.2025
Տեղի է ունեցել «Քաղաքացիական պայմանագիր» կուսակցության Վարչության նիստՄայիսի 6-ին տեղի է ունեցել «Քաղաքացիական պայմանագիր» կուսակցության Վարչության նիստ, որը վարել է Վարչության նախագահ, ՀՀ վարչապետ Նիկոլ Փաշինյանը։ Վանաձորի Տարածքային կազմակերպության խորհրդի նախագահի պաշտոնում հաստատվել է Արամ Ղազարյանի թեկնածությունը։ Քննարկվել են Երևան և Վաղարշապատ համայնքների ավագանիների «Քաղաքացիական պայմանագիր» խմբակցությունների աշխատանքին առնչվող, ինչպես նաև այլ կուսակցական հարցեր։ ...
23:49 06.05.2025
Ուրախ եմ, որ ձեր օրակարգում Շիրակը պակաս առանցքային տեղ չունի․ մարզպետը՝ ԵՄ դեսպանինԱմեն տարի մայիսին Եվրոպան նշում է Եվրոպայի օրը։ Խաղաղություն ու միասնություն խորհրդանշող տոնական միջոցառումների մեկնարկն այսօր տրվել է Գյումրուց։ Միջոցառմանը ներկա է գտնվել Շիրակի մարզպետ Դավիթ Առուշանյանը կնոջ հետ։ Այս մասին հայտնել են Շիրակի մարզպետի աշխատակազմից: Ողջունելով միջոցառման մասնակիցներին՝ Շիրակի մարզպետը կարևորել է նմանօրինակ միջոցառումների անցկացումը՝ ընդգծելով դիվանագիտական ճակատում կանգնած մարդկանց աշխատանքի կարևորությունն ու դրական, […] ...
23:44 06.05.2025
ԲՏԱ նախարարն այցելել է Իջևան՝ տեղում ծանոթանալու տեխնոլոգիական առաջընթացին ու զարգացման հնարավորություններինՀՀ ԲՏԱ նախարար Մխիթար Հայրապետյանը Ֆեյսբուքի իր էջում տեղեկացրել է, որ այսօր ԱՏՁՄ հրավերով այցելել է Իջևան՝ տեղում ծանոթանալու տեխնոլոգիական առաջընթացին ու զարգացման հնարավորություններին։ ««ԻննոԻջևան»-ի «Իրական դպրոցում» ծանոթացա, թե ինչպես է կրթական ծրագիրը կապում դպրոցական ուսուցումը գործնական հմտություններին՝ ձևավորելով ոլորտի պահանջներին համապատասխան երիտասարդ մասնագետներ։ Կարևոր կանգառ էր նաև Իջևանի թիվ 1 դպրոցի «Արմաթ» աշխատանոցը, որտեղ […] ...
