16:49 09.10.2018
ԱԺ ՀՀԿ խմբակցության անդամ Տաճատ Վարդապետյանը կողմ է վարչապետ Նիկոլ Փաշինյանի` ԱԺ արտահերթ ընտրություններ անցկացնելու դիրքորոշմանը և մի շարք պատգամավորների հետ հանդես է եկել հայտարարությամբ: SHANTNEWS.am-ի հետ զրույցում Վարդապետյանն ընդգծեց` որևէ կուսակցության չի անդամակցում, ղեկավարում է բազմահազարանոց հայրենակցական միություն, ջավախքցիների, վիրահայերի այդ հսկա կազմակերպությունը, իսկ մայիսի 31-ին ներկա է եղել Նիկոլ Փաշինյանի` Ջավախք կատարած այցին:
«Ես ականատեսն եմ այդ ոգևորության, այն բանի, թե իմ հայրենակիցները, համերկրացիներն ինչպիսի ընդգծված ոգևորություն ապրեցին: Ականջալուր լինելով նաև նրանց խնդրանք-հորդորներին, դրան գումարած այն տասնյակ հազարավոր մարդկանց ընդվզումն ու պահանջը հոկտեմբերի 2-ին, դրանից առաջ, երկար ծանրութեթև անելով, իմ հայրենակցական միության խորհրդի հետ խորհրդակցելով, կրկնեմ` ժողովրդի պահանջին ականջալուր լինելով` կայացրել եմ այդ որոշումը»,- ասաց նա:
Վարդապետյանը կարծում է, որ երկրի անցնցում ընթացքը կապված է խորհրդարանական այդ ընտրությունների հետ, իսկ ժամկետի առումով ամենից հարմար է ընտրությունները դեկտեմբերին անցկացնելը, ինչպես նախանշել է ՀՀ վարչապետը: Պատգամավորը նշեց, որ որևէ ճնշում, որևէ ուղղորդում, այլ կարգի հանձնարարություն չի ստացել և չի պատրաստվում ենթարկվել նման ճնշումների:
Հարցին` հնարավո՞ր է դուրս գա խմբակցությունից, նա պատասխանեց.
«Չի բացառվում»:
Հետաքրքրվեցինք` պատրաստվո՞ւմ է որևէ ուժի կազմում մասնակցել արտահերթ ընտրություններին, ինչին Վարդապետյանը արձագանքեց.
«Դեռ չեմ որոշել, դա ժամանակը ցույց կտա»:
Ճշտող հարցին` եթե «Քաղաքացիական պայմանագրից» առաջարկ լինի` իրենց ցուցակով մասնակցել ընտրություններին, կհամաձայնի՞, պատգամավորը պատասխանեց.
«ՔՊ-ից նման առաջարկ չի եղել, առաջարկ լինելու դեպքում կքննարկենք»:
12:34 09.05.2025
Խորհրդային զորքերը վճռեցին Երկրորդ համաշխարհային պատերազմի ելքըԽորհրդային զորքերը խոշոր ճակատամարտերում տարած իրենց հաղթանակներով վճռեցին Երկրորդ համաշխարհային պատերազմի ելքը, ասել է Ռուսաստանի նախագահ Վլադիմիր Պուտինը։ «Խորհրդային Միությունն իր վրա վերցրեց թշնամու ամենադաժան, անողոք հարվածները։ Միլիոնավոր մարդիկ, ովքեր գիտեին միայն խաղաղ աշխատանք, զենք վերցրին։ Նրանք որոշեցին ամբողջ Երկրորդ համաշխարհային պատերազմի ելքը՝ անվերապահ հաղթանակներով», – ասել է պետության ղեկավարը՝ ելույթ ունենալով Հայրենական մեծ պատերազմում […] ...
12:23 09.05.2025
Ադրբեջանի ներկայացրած խախտումների վերաբերյալ հետաքննության արդյունքում պարզվել է՝ հայկական կողմը հրադադարը չի խախտել. ԱԽ քարտուղարՀայաստանը դիվանագիտական ուղիներով տվյալներ է ստացել հրադադարի Ադրբեջանի հայտարարած խախտումների վերաբերյալ և իրականացրել է հետաքննություն, որի արդյունքներով պարզվել է, որ հայկական կողմից այդպիսի խախտումներ չեն արձանագրվել։ «Արմենպրես»-ի հաղորդմամբ՝ այս մասին ճեպազրույցում հայտարարեց ՀՀ անվտանգության խորհրդի քարտուղար Արմեն Գրիգորյանը։ Գրիգորյանը նշեց, որ Հայաստանի Հանրապետությունը Ադրբեջանի բոլոր ներկայացված միջադեպերի վերաբերյալ կատարել է քննություն և համապատասխան տեղեկությունները փոխանցել […] ...
12:14 09.05.2025
Սուրեն Պապիկյանը ծաղիկներ է խոնարհել Անհայտ զինվորի հուշարձանինՀաղթանակի ու խաղաղության օրվա կապակցությամբ պաշտպանության նախարար Սուրեն Պապիկյանը մայիսի 9-ին հանրապետության բարձրագույն ղեկավարության հետ այցելել է «Հաղթանակ» զբոսայգի, ծաղիկներ խոնարհել Անհայտ զինվորի հուշարձանին և հարգանքի տուրք մատուցել Հայրենական մեծ պատերազմում զոհված հերոսների հիշատակին: ...
12:05 09.05.2025
Մեր գերնպատակը պիտի լինի ստեղծել կայուն միջավայր, որտեղ պատերազմը փոխարինված է փոխադարձ հարգանքով, հանդուրժողականությամբ ու անվտանգությամբ․ ԱվինյանՄեր գերնպատակը պիտի լինի ստեղծել կայուն ու ապահով միջավայր, որտեղ պատերազմը փոխարինված է փոխադարձ հարգանքով, հանդուրժողականությամբ ու անվտանգությամբ․ այս մասին նշել է Երևանի քաղաքապետ Տիգրան Ավինյանը Ֆեյսբուքի իր էջում կատարած գրառմամբ։ «Այսօր նշում ենք ֆաշիզմի նկատմամբ հաղթանակի 80-րդ տարեդարձը՝ որպես համամարդկային արժեքների պաշտպանության խորհրդանիշ։ Հայ ժողովուրդը վճռական մասնակցություն է ունեցել այդ պայքարում. ավելի քան կես […] ...
11:55 09.05.2025
Նախատեսվում է Ռուսաստանի և ԱՄՆ-ի միջև հանդիպում՝ դեսպանատների աշխատանքի վերականգնման վերաբերյալՆախատեսվում է Ռուսաստանի և ԱՄՆ պատվիրակությունների նոր հանդիպում՝ երկու երկրների դեսպանատների աշխատանքի վերականգնման վերաբերյալ, ուրբաթ օրը հայտարարել է Ռուսաստանի Դաշնության փոխարտգործնախարար Սերգեյ Ռյաբկովը։ «Այո, կլինի։ Դեռևս ամսաթվեր չկան, բայց կա փոխըմբռնում, որ շփումն անհրաժեշտ է։ Այս ուղղությունը հիմնականում գործում է, կա առաջընթաց, այն պետք է զարգացնել», – ասել է նա Մոսկվայում լրագրողներին։ ...
