Երևանի երկնքում ինքնաթիռներով բարձրագույն պիլոտաժի հնարքներ ցուցադրեցին ռուս հայտնի օդաչուները – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
20 05 2024
  • $
    387.60
  • RUBLE
    4.26
  • 420.12
WEATHER
+19.09 oC

Երևանի երկնքում ինքնաթիռներով բարձրագույն պիլոտաժի հնարքներ ցուցադրեցին ռուս հայտնի օդաչուները

16:38 13.10.2018

Էրեբունու օդանավակայանում այսօր բաց դռների օր էր: Մարդիկ ուսումնասիրում էին այնտեղ գործող ռուսական բազայի ինքնաթիռները, ուղղաթիռներն ու առկա զինամթերքը: Երեխաները բարձրանում էին զինտեխնիկայի վրա ու լուսանկարվում։ Բայց միջոցառման «մեխը» Ռուսաստանից ժամանած վարպետ օդաչուների թռիչքներն էին: Նրանք եկել էին ավիաբազային ու Երևանի 2800-ամյակը շնորհավորելու։

Ավիաբազայի հրամանատարը ողջունում է հյուրերին ու կեսկատակ խնդրում՝ տեխնիկայի վրայից ոչինչ չպոկել, չտանել. այդ տեխնիկան դեռ պետք է մարտական հերթապահություն իրականացնի։

«Հյուրերի մեջ են մեր կանայք, մեր երեխաները, որոնց հետաքրքիր է՝ իրենց հայրերն ինչով են այստեղ զբաղված առավոտից երեկո։ Հավատացեք՝ այստեղ միայն տոներ չեն, այստեղ նաև մարտական պատրաստության խիստ օրեր են լինում, նորոգման ու սպասարկման աշխատանքներ», – հավաքվածներին ուղղված իր խոսքում ասաց ռուսական ավիաբազայի հրամանատար Ալեքսանդր Պետրովը։

20 տարի առաջ այս ինքնաթիռները տեղափոխվել են Երևան՝ Հայաստանի օդային տարածքը պաշտպանելու համար։ Այսօր Ռուսաստանից ժամանած վարպետ օդաչուները հենց սրանցով կատարեցին բարձրագույն պիլոտաժի հնարքները։

Այս հնարքները միայն ցուցադրության համար չեն։ Մարտական պայմաններում այսպիսի հնարքներով կարելի է փախչել հակառակորդի հետապնդումից կամ ընկնել նրա հետևից։ Իսկ հիմա օդաչուները ծայրահեղ արագ ու ծայրահեղ դանդաղ, գերցածր ու խմբային թռիչքներով տանջում են ինքնաթիռները՝ դրանց հնարավորությունները առավելագույնս ներկայացնելու համար։

Երևանի բազան ոչ այնքան հեռու է Թուրքիայի սահմանից, ու դա իր դժվարությունն է առաջացնում։ Բայց բազայի հրամանատարությունը գոհ է այստեղից, այստեղ թռչելու հնարավորությունից։

«Ե՛վ շատ պատվաբեր է, և՛ բավական դժվար է, որովհետև հասկանում եք՝ մենք թռիչքներ ենք կատարում ժամանակակից կործանիչներով, բարձր արագություններով, մեծ աղմուկով, և մենք ի վերջո զինծառայողներ ենք ուրիշ երկրում։ Եվ մենք հնարավորինս ապահովում ենք անվտանգությունը, փորձում ենք չաղմկել վաղ առավոտյան և չթռչել ուշ երեկոյան։ Երբեմն ստիպված ենք, բայց փորձում ենք նվազեցնել դա։ Այստեղ թռչելը հարմար է, պատվաբեր է ու հաճելի», – արդեն թռիչքներից հետո ShantNews.am-ի լրագրողին հայտնեց բազայի հրամանատարը։

Հարցին, թե արդյո՞ք չի խանգարում բազայի՝ թուրքական սահմանին մոտ լինելը, բազայի հրամանատարը պատասխանեց, որ իրենց օդաչուների վարպետությունն ու ինքնաթիռների հնարավորությունը թույլ են տալիս խուսափել արգելված սահմանն անցնելուց։

Վերջապես թռիչքների ավարտից հետո մոտենում է նաև Երևանի օդում հնարքներ արած օդաչուներից մեկը։

«Ինքնաթիռները հիանալի վիճակում են։ Հզոր են ու լավագույն վիճակում։ Ոչինչով չեն տարբերվում մեր ինքնաթիռներից, մերն էլ նույն մարտական ինքնաթիռներից են», – ասաց բարձրագույն պիլոտաժի «Ստրիժի» խմբի օդաչու Դմիտրի Կոսոռուկովը։

Թռիչքներից հետո անմիջապես սկսում են սպասարկել ինքնաթիռները, լրացնել վառելիքը։ Ցուցադրությունը ցուցադրություն, բայց անհրաժեշտության դեպքում դրանք պետք է պատրաստ լինեն մարտական խնդիրներ կատարելուն։

Բոլոր լուրերը

Կապակցված լուրեր

Գիտնականները պարզել են, որ 2023 թվականի ամառը եղել է ամենաթեժը վերջին 2000 տարվա ընթացքում

20:54 14.05.2024

Գիտնականները պարզել են, որ 2023 թվականի ամառը եղել է ամենաթեժը վերջին 2000 տարվա ընթացքում

Յոհաննես Գուտենբերգի համալսարանի գերմանացի կլիմայագետները պարզել են, որ 2023 թվականի ամառը Երկրի վրա ամենաշոգն է եղել վերջին 2000 տարվա ընթացքում։ Պարզվել է նաև, որ նախկին կլիմայական հաշվարկները, հավանաբար, հիմնված են եղել ոչ ճշգրիտ ցուցանիշների վրա: Հետազոտությունը հրապարակվել է Nature գիտական ​​ամսագրում։ Փորձագետներն ասում են, որ իրենց բացահայտումները հիմնված են ծառերի օղակների լայնության ուսումնասիրության և 1850-1900 […] ...

Եկեղեցու այգում լքված նորածին երեխայի մայրը հայտնաբերվել է

20:17 14.05.2024

Եկեղեցու այգում լքված նորածին երեխայի մայրը հայտնաբերվել է

Մայիսի 8-ին, ժամը 19.39-ին, ՆԳՆ ոստիկանության Մալաթիայի բաժնում հաղորդում էր ստացվել, որ Ռոմանոս Մելիքյան փողոցում գտնվող «Սուրբ Աստվածածին» եկեղեցու այգեպանը եկեղեցու այգում նորածին երեխա է հայտնաբերել։ Մեկնած օպերատիվ խումբը նշված երեխային տեղափոխել էր հիվանդանոց: Կազմված փաստաթղթերը փոխանցվել էր քննչական բաժին։ Ոստիկանության Մալաթիայի բաժնի ԱԳ և ԸԲԿ բաժանմունքի ծառայողների ձեռնարկած միջոցառումների արդյունքում ճշտվել է նորածնի մոր […] ...

Ամենահարուստների ցուցակում ընդգրկված ավստրալացի 81-ամյա միլիարդատերը գաղտնի նշանվել է իրենից 43 տարով փոքր կնոջ հետ

08:56 14.05.2024

Ամենահարուստների ցուցակում ընդգրկված ավստրալացի 81-ամյա միլիարդատերը գաղտնի նշանվել է իրենից 43 տարով փոքր կնոջ հետ

Ավստրալացի միլիարդատեր Ռոբերտ Ուայթը, ով իր ունեցվածքով երկրում զբաղեցնում է 141-րդ տեղը, գաղտնի նշանադրվել է 38-ամյա Ալեսանդրա Էդդիի հետ։ Այս մասին հայտնում է Daily Mail-ը։ Ե՛վ Ուայթը, և՛ Էդդին գաղտնի են պահել նշանադրությունը, սակայն այդ մասին իմացել է ավստրալական The Sunday Telegraph տաբլոիդը։ Միաժամանակ Daily Mail-ի աղբյուրները պնդում են, որ միլիարդատերը դեռ ամուսնության առաջարկ չի […] ...

Դիետոլոգը ջուրն անվանել է ամենաարդյունավետ դետոքսը

08:11 14.05.2024

Դիետոլոգը ջուրն անվանել է ամենաարդյունավետ դետոքսը

Սննդաբան և թերապևտ Նատալյա Լազուրենկոն ջուրն անվանել է ամենաարդյունավետ դետոքսը: NewsInfo.Ru-ի հետ զրույցում մասնագետը նշել է, որ ջուրը կարևոր է, եթե մարդ որոշի սկսել ճիշտ սնվել և ազատվել ավելորդ քաշից։ Մասնավորապես, այն օգնում է օրգանիզմից հեռացնել տոքսիններն ու մետաբոլիտները։ Ինչպես բացատրել է Լազուրենկոն, նիհարելիս մարդն այրում է ճարպային պաշարները, ինչպես նաև ազատվում ավելորդ հեղուկից, և […] ...

Բժիշկը խորհուրդ է տվել, թե արագ սննդի որ տեսակներին նախապատվություն տալ առողջությանը վնաս չհասցնելու համար

11:33 12.05.2024

Բժիշկը խորհուրդ է տվել, թե արագ սննդի որ տեսակներին նախապատվություն տալ առողջությանը վնաս չհասցնելու համար

Արագ սննդի ռեստորանների ուտեստները կարող են օգտակար լինել նաև օրգանիզմի համար, արագ սննդի ցանցերում նախապատվությունը պետք է տալ թարմ հացով աղցաններին, հավին և ռուլետներին, ասել է թերապևտ Թիմուր Ասանովը: Նրա խոսքերով՝ մսի տարբեր տեսակների միջեւ ընտրություն կատարելիս պետք է նախապատվությունը տալ հավի մսին, այլ ոչ թե խոզի կամ տավարի։ Կարտոֆիլը նույնպես կարելի է ուտել, բայց […] ...

Նշվել են տեղեկատվական անվտանգության ու ֆինանսական գրագիտության վերաբերյալ ամենավնասակար խորհուրդները

23:23 11.05.2024

Նշվել են տեղեկատվական անվտանգության ու ֆինանսական գրագիտության վերաբերյալ ամենավնասակար խորհուրդները

Շատերը սոցցանցերում հետևում են կեղծ փորձագետների խորհուրդներին և գումար կորցնում: Ֆինանսական փորձագետ Նիկիտա Կոնևը Газета.Ru-ին պատմել է, թե ինչ առաջարկություններ են խանգարում ձեզ խուսափել խաբեբայություններից ու խնայել: Նա թվարկել է սխալ խորհուրդները: «Առաջին խորհուրդն է՝ շատ ծախսեք, և ավելին կվերադարձնեք: Նման համոզմունքները հանգեցնում են նրան, որ մարդը սկսում է ապրել իր հնարավորություններից վեր և չի […] ...

BACK_TO_TOP