14:36 19.03.2019
ՀՀ վարչապետ Նիկոլ Փաշինյանը մարտի 19-ին լրագրողների հետ հանդիպմանն անդրադարձավ հարցին՝ Հայաստանի քաղաքացին, ՀԴՄ կտրոն պահանջելուց բացի, ինչպե՞ս է մասնակցելու տնտեսական հեղափոխությանը:
«Ես շինարարության տվյալներն ինչո՞ւ էի բերում: Դա իր հետևից բերելու է աշխատատեղեր, սպառման նոր մակարդակ, հնարավորությունների նոր մակարդակ: Այսօր ամեն ինչ անում ենք, որ վարկային տոկոսադրույքն իջնի, այդ վարկերը դառնան ավելի հասանելի, մենք նաև քաջալերում ենք, պիտի քաջալերենք, որ մարդիկ փորձեն կազմակերպել իրենց համար տնտեսական գործունեություն: Ես Ռանչպարում տեսա բազմաթիվ չմշակվող հողեր, պետք է այնպես անենք, որ դրանք մշակելը լինի մարդկանց համար ձեռնտու, վերապատրաստվեն, կարողանան աճեցրած բերքն արժանապատիվ և եկամտաբեր գնով հանձնել վերամշակող ընկերություններին, մասնագիտական վերապատրաստում անցնել: Այսօր ՀՀ-ում դա ստատիկ փաստ է, ՏՏ ոլորտում 3000 – 4000 թափուր աշխատատեղ կա, պետք է օգնենք մարդկանց, ովքեր կարող են վերապատրաստվել, այդ կադրային թափուր տեղերը լրացնել: Մենք մինի բիզնեսի շեմ ենք սահմանում, որ մինչև 24 մլն շրջանառություն ունեցող որոշակի գործունեության տեսակներին ազատենք հարկերից, ԵՄ-ի հետ մեր քննարկման գլխավոր հարցերից է, որ վարկային միջոցներ բերվեն Հայաստան՝ միկրոբիզնեսի համար, և դրանք լինեն մատչելի, որ հնարավորություն ունենան դա գործի մեջ դնել»,- ասաց նա:
Մյուս կողմից Փաշինյանը նշեց, որ այդ ՀԴՄ մեքենաները սահմանամերձ գոտու համար անվճար են տալիս, մյուսների համար իջեցրին, անհատ տաքսի վարորդներին ազատում են հարկային պարտավորություններից՝ ամիսը 12 հազար դրամի չափով, այսինքն՝ հենց այսօր, եթե ոչինչ չփոխվի, իրենց եկամուտն ավելանում է այդքանով: Վարչապետը նաև տեղեկացրեց՝ նպաստների համակարգն ուզում են փոխել այնպես, որ եթե քաղաքացին անգամ աշխատում է, եկամուտներն աճում են, նպաստից չզրկվի, այսինքն՝ քաջալերեն այդ մարդկանց աշխատանքը, մեխանիզմ են ստեղծում, որ ով որտեղ ուզում է, մասնավոր պայմաններում ալկոհոլային խմիչքների, օրինակ՝ մրգօղիների արտադրության մասնավոր հատվածում պայմաններն այնպես են կառուցում, որ մարդ հնարավորություն ունենա օրինական դաշտ դուրս գալ, ապրանքը հանի վաճառքի, հնարավորություն ունենա անգամ արտահանել: Կառավարության ղեկավարը նաև հայտնեց՝ բիզնեսին խոչընդոտող կարգավորումները մաքսիմալ հեշտացնելու խնդիր է դրված:
17:30 05.07.2025
45-րդ հանդիպումը. «Կրթվելը նորաձև է» Գյումրիում«Կրթվելը նորաձև է» շարժման 45-րդ հանդիպումը տեղի է ունենում հայրաքաղաքում: Մինչ միջոցառման մեկնարկը, վարչապետն ու իր տիկինը ծաղիկներ են խոնարհում Գյումրու թատերական հրապարակում գտնվող Մհեր Մկրտչյանի հուշարձանին: Մանրամասները՝ ռեպորտաժում: ...
17:21 05.07.2025
Սփյուռքի գործերի գլխավոր հանձնակատարն աշխատանքային այցով Իսպանիայում էՀուլիսի 3-ին Մադրիդում մեկնարկել է Հայկական բժշկական համաշխարհային 14-րդ կոնգրեսը, որին մասնակցում է նաև ՀՀ սփյուռքի գործերի գլխավոր հանձնակատարը։ Զարեհ Սինանյանը հանդես է եկել ողջույնի խոսքով և որպես մոդերատոր վարել է «Բժշկական կազմակերպությունները գլոբալ մասշտաբով» պանելային նիստը։ «Ավելի քան հիսուն տարվա պատմություն ունեցող այս հեղինակավոր հարթակը բացառիկ հնարավորություն է մասնագիտական երկխոսության, փորձի փոխանակման և համագործակցության […] ...
17:10 05.07.2025
Գյումրիում մեքենաներից գողություն կատարած երիտասարդը ներկայացվել է նախաքննական մարմնինՀունիսի 10-ին Համայնքային ոստիկանության Կումայրիի բաժնում հաղորդում տված 75-ամյա քաղաքացին հայտնել էր, որ որ հունիսի 9-ի ժամը 19-ից հունիսի 10-ի ժամը 10:30-ն ընկած ժամանակահատվածում գողացել են Գյումրիի Սայաթ-Նովայի փողոցի շենքերից մեկի մոտ կայանված՝ իր կողմից շահագործվող ավտոմեքենայի կողային հայելիները։ Նույն օրը նույնատիպ հաղորդում էր ստացվել նաև Գյումրիի մեկ այլ բնակչից. հունիսի 9-ի ժամը 16-ից հունիսի […] ...
16:55 05.07.2025
Արման Մուսիկյանը և Նարեկ Նիկողոսյանը կշարունակեն պայքարը բրոնզե մեդալի համար․ Մ20 ԵԱԻտալիայի Կաորլե քաղաքում մեկնարկած ազատ ոճի ըմբշամարտի մինչև 20 տարեկանների Եվրոպայի առաջնության առաջին մրցումային օրը գորգ դուրս եկած Հայաստանի 5 ներկայացուցիչներից երկուսը կշարունակեն պայքարը: Արման Մուսիկյանը (65 կգ) և Նարեկ Նիկողոսյանը (79 կգ) պարտվել են քառորդ եզրափակչում, իսկ նրանց հաղթած ըմբիշները հասել են եզրափակիչ։ Հայաստանի 2 ներկայացուցիչները այսօր սփոփիչ գոտեմարտեր կանցկացնեն: Սաշա Պետրոսյանը (57 կգ), […] ...
16:42 05.07.2025
Պետություն-եկեղեցի, ո՞վ ո՞ւմ գործերին է միջամտում. Հեռանկար բանավեճՆիկոլ Փաշինյանը շարունակում է պահանջներ ներկայացնել Մայր Աթոռ Սուրբ Էջմիածնին: Ինչպե՞ս պետք է այս ամենը գնահատվի: Պետության անօրինական միջամտություն եկեղեցու գործերի՞ն, թե՞ հայ քրիստոնեայի հիմնավոր մտահոգություն հոգևորականների բարոյական վարքագծի կապակցությամբ: Արդյո՞ք Ամենայն Հայոց Կաթողիկոսի հրաժարականի պահանջը օրինական ու տեղին է: Ի՞նչ կապ ունեն ձերբակալված եպիսկոպոսները հեղաշրջման ենթադրյալ փորձի հետ: Գործարար Սամվել Կարապետյանի հետապնդումը ունի՞ քաղաքական […] ...
16:27 05.07.2025
Ստամբուլում երկրաշարժ է տեղի ունեցելՍտամբուլում 4.2 մագնիտուդով երկրաշարժ է տեղի ունեցել, հաղորդում է Türkiye թերթը։ «Ստամբուլում տեղի է ունեցել 4.2 մագնիտուդով երկրաշարժ», – գրում է հրատարակությունը։ Թուրքիայի աղետների կառավարման վարչության տվյալներով՝ երկրաշարժի ուժգնությունը կազմել է 3.8 մագնիտուդ։ Հնարավոր վնասների մասին տեղեկություններ չեն հաղորդվում: ...
