13:12 29.11.2019
ԱԺ պետական-իրավական հարցերի մշտական հանձնաժողովի նիստում այսօր բուռն քննարկում է ծավալվել «Բարգավաճ Հայաստան» խմբակցության պատգամավորների ներկայացրած՝ «ՀՀ Քրեական օրենսգրքում լրացում կատարելու մասին» նախագծի շուրջ: Այն միտված է բանակում ինքնասպանությունների դեպքերը կանխելուն. պատգամավորներն առաջարկում են խստացնել պատիժն այն անձանց նկատմամբ, որոնց արարքները զինվորներին կարող են դրդել ինքնասպանության:
Բովանդակային քննարկում է տեղի ունեցել մինչ այն պահը, երբ ելույթ է ունեցել Գևորգ Պետրոսյանը: Նա մի քանի դիտարկում է արել և մասնավորապես նշել.
«Ես համաձայն չեմ կարծիքի հետ, որ վայրը էստեղ կարևոր չէ, հենց վայրն է կարևոր, որ մարդը ազատ գործելու հնարավորություն չունի, որ գնա մորքուրի տղուն ասի՝ ինձ նեղում են, արի թասիբիս կանգնի: Բացի դրանից՝ մեկը, ասենք, իր կողքինին կատակ անի, վերցնի հեռախոսը գրի.
Արի մեկ անգամ գեթ դու ինձ լսիր,
Անիմաստ կյանքիդ վերջ տուր, հեռացիր:
Մի հինգ անգամ տենց նամակ գրի, սա էլ որոշի, որ իրոք ճիշտ է ասում»,- մեջբերումներ է արել նա:
Պատգամավորին ընդհատել է հանձնաժողովի նախագահը՝ ասելով.
«Ես հասկանում եմ, որ հարցը վերաբերում է լավ օրենսդրություն ունենալուն, բայց հաշվի առեք, որ հարցը վերաբերում է այն անձանց, որոնց զավակները նման դեպքերի զոհ են գնացել»:
Գևորգ Պետրոսյանը շարունակել է նույն տոնայնությամբ՝ ասելով.
«Եթե նաև կա էն մտավախությունը, որ եթե դրսից են մարդ բերել, կարանք «զինծառայողի կողմից» բառը հանենք: Այսինքն՝ հիմա էս մի ձևակերպման պատճառով վիժեցնե՞նք նախագիծը»:
Պատգամավորի բարձրացրած հարցը զարմացրել է հանձնաժողովականներին, քանի որ նման մտադրություն նրանք չունեին, հետևաբար հանձնաժողովի նախագահ Վլադիմիր Վարդանյանն արձագանքել է.
«Դուք պաշտպանում եք նախագիծն այն անձանցից, ովքեր պաշտպանում են»:
Գևորգ Պետրոսյանը, շարունակելով ելույթը, անդրադարձել է այլ խնդիրների.
«Այսօր մարդն իր երեխային բանակ է ճանապարհում, ավելի շատ մտածում են ներքին ճնշումների մասին, քան թշնամու գնդակից զոհվելու մասին, ներսում ինչքանով ուզում ես պաշտպանվիր, եթե էնտեղ կան ինքնախաբեության հետ գրկախառնված սուտի գողականներ, ովքեր մոռացել են, որ զինվորական աստիճանի տակ են, մարդկանց ճնշում են, նրանց հետ հարաբերություններ կարգավորելն ավելի հեշտ է, քան թշնամու հետ»,- ասել է նա:
Նրա ելույթին հաջորդել է Նիկոլայ Բաղդասարյանի խոսքը, որը հակադարձել է Պետրոսյանին.
«Պարո´ն Պետրոսյան, ես միշտ մտածում եմ, թե ինչու եք դուք վեճ հրահրում, բոլորն ինչ-որ առաջարկություն են արել, ձեր գործընկերը ընդունել է, դուք տեսեք` ինչ նախադասություն եք օգտագործում՝ այստեղ մարդիկ իրենց ֆանտազիա՜ն են օգտագործում»:
Պետրոսյանը հակադարձել է, թե իր ասածի մեջ որևէ վատ բան չկա, նա միջամտել ու բանավեճի է բռնվել նաև հաջորդ ելույթ ունեցողի հետ, և երբ հանձնաժողովի նախագահը ընդհատել է, թե բանավեճի ընթացակարգ չկա, պատասխանել է.
«Ոչինչ, խորհրդարան է, հո մնջախաղի թատրո՞ն չէ»:
Մանրամասները` տեսանյութում:
23:59 08.06.2025
Ալկարասը և Սիններն անցկացրել են Ռոլան Գարոսի ամենաերկար եզրափակիչըՖրանսիայի բաց առաջնության եզրափակիչը իսպանացի Կառլոս Ալկարասի և իտալացի Յաննիկ Սինների միջև դարձավ մրցաշարի պատմության մեջ ամենաերկարը։ Եզրափակչում Ալկարասը հաղթեց Սիններին 4:6, 6:7 (4:7), 6:4, 7:6 (7:3), 7:6 (10:2) հաշվով։ Խաղը տևեց 5 ժամ 29 րոպե։ Մրցաշարի նախորդ ռեկորդը սահմանվել էր 1982 թվականին, երբ շվեդ Մաթս Վիլանդերի և արգենտինացի Գիլյերմո Վիլասի միջև եզրափակիչ խաղը տևեց […] ...
23:51 08.06.2025
Գրենլանդիայի սառցադաշտային ակոսները և Ատլատյան օվկիանոսի ջրի շրջանառությունը«Հիդրոօդերևութաբանության և մոնիթորինգի կենտրոն» ՊՈԱԿ-ը հոդված է հրապարակել Գրենլանդիայի սառցադաշտային ակոսների և Ատլատյան օվկիանոսի ջրի շրջանառության մասին: Ատլանտյան օվկիանոսի ջրի շրջանառության շնորհիվ տաք ջրերը տեղափոխվում են դեպի Հյուսիսային բևեռային շրջաններ, իսկ սառը և խիտ ջրերը՝ դեպի արևադարձային լայնություններ: Գրենլանդիայի ափամերձ տարածքները կարևորագույն վայրեր են, որոնք ազդում են ջրի և սննդանյութերի շրջանառության վրա: Գրենլանդիայի ափի մայրցամաքային […] ...
23:40 08.06.2025
Հեծանվի սիրահարները Հանրապետության հրապարակից իրականացրել են հեծանվաշքերթ դեպի ԷջմիածինՀեծանվի համաշխարհային օրվա շրջանակում հեծանվի սիրահարներն այսօր Հանրապետության հրապարակից իրականացրել են հեծանվաշքերթ դեպի Էջմիածին։ Այս մասին հայտնել են ԿԳՄՍ նախարարությունից: Նպատակն էր խթանել առողջ կենսակերպի տարածումը, ինչպես նաև ընդգծել հեծանվի՝ որպես էկոլոգիապես մաքուր և ժամանակակից փոխադրամիջոցի դերը։ Միջոցառումը կազմակերպվել է ՀՀ կրթության, գիտության, մշակույթի և սպորտի նախարարության, Վաղարշապատի համայնքապետարանի, ինչպես նաև Հեծանվորդների և սիրողական հեծանվասպորտի […] ...
23:27 08.06.2025
Կրակոցներ՝ Կոտայքի մարզում․ հրազենային վնասվածքներով հիվանդանոց է տեղափոխվել մի քաղաքացի․ կա ևս 2 վիրավորՀունիսի 8-ին, վիճաբանություն, ծեծկռտուք և կրակոցներ են տեղի ունեցել Կոտայքի մարզում։ Ժամը 21։30-ի սահմաններում ՀՀ ներքին գործերի նախարարության ոստիկանության քրեական ոստիկանության գլխավոր վարչությունում, նույն վարչության Կոտայքի մարզային քրեական վարչությունում օպերատիվ տեղեկություններ են ստացվել, որ «Աբովյան» բժշկական կենտրոն հրազենային վնասվածքներով ծայրահեղ ծանր ախտորոշմամբ քաղաքացի է տեղափոխվել։ Ինչպես հայտնում է shamsyan.com-ը, հիվանդանոց են ժամանել քրեական ոստիկանության ծառայողները, […] ...
23:13 08.06.2025
Կառլոս Ալկարասը՝ Ռոլան Գարոսի կրկնակի չեմպիոնԻսպանացի թենիսիստ Կառլոս Ալկարասը հաղթել է Ֆրանսիայի բաց առաջնությունում («Ռոլան Գարոս»): Մրցաշարն անցկացվել է Փարիզում։ Եզրափակիչ խաղում նա հաղթել աշխարհի առաջին ռակետ Յաննիկ Սիններին, որը ներկայացնում է Իտալիան: Խաղն ավարտվել է 4:6, 6:7 (4:7), 6:4, 7:6 (7:3), 6:7 (10:2) հաշվով: Ալկարասը արդեն հինգ Մեծ սաղավարտի մրցաշարերի հաղթող է: Իսպանացին նախկինում հաղթել է ԱՄՆ բաց առաջնությունում […] ...
22:59 08.06.2025
Բարնաուլի մի շարք ճանապարհներին երթևեկությունը սահմանափակվել է հեղեղների պատճառովԲարնաուլում ուժեղ անձրևների պատճառով մի քանի մայրուղիներ հեղեղվել են, իսկ մի շարք հատվածներում երթևեկությունը ժամանակավորապես սահմանափակվել է։ Այս մասին հաղորդվել է քաղաքապետարանի պաշտոնական Telegram ալիքում։ Նշվում է, որ ուժեղ անձրևը ուղեկցվել է մեծ թվով կայծակներով և որոտներով։ Քաղաքի բնակիչները սոցիալական ցանցերում տեսանյութեր են հրապարակում, որոնցում երևում է, թե ինչպես են մեքենաներն անցնում ջրի միջով: Ջուրը […] ...
