10:37 18.12.2020
COVID-19-ի տարածումը զսպելու համար ԱՄՆ-ի Սննդի և դեղորայքի վարչությունը մտադիր է Moderna ընկերության պատվաստանյութի օգտագործման արտակարգ թույլտվություն տալ։ Դա ընկերությանը թույլ կտա սկսել միլիոնավոր դեղաչափերի մատակարարումը։ BBC-ի փոխանցմամբ՝ վարչության խորհրդատվական հանձնաժողովը դեկտեմբերի 17-ին 20 կողմ, 0 դեմ և 1 ձեռնպահ ձայների հարաբերակցությամբ քվեարկության արդյունքում որոշել է, որ Moderna-ի պատվաստանյութի օգուտները գերազանցում են ռիսկերը 18 և բարձր տարիքի անձանց համար:
Անցյալ շաբաթ նույն հանձնաժողովը հավանություն էր տվել Pfizer և BioNTech ընկերությունների ստեղծած պատվաստանյութին, որից հետո հենց հաջորդ օրն այն արտակարգ օգտագործման թույլտվություն ստացավ:
Moderna-ի պատվաստանյութը, ինչպես Pfizer և BioNTech ընկերությունների պատվաստանյութը, գործում է երկու ներարկմամբ։ Moderna-ի երկրորդ ներարկումը կատարվում է առաջինից 28 օր հետո։ Moderna-ի պատվաստանյութը հարկավոր է տեղափոխել -20C ջերմաստիճանում, ինչի սովորական սառցարանի ջերմաստիճանն է։ Այնինչ Pfizer և BioNTech-ի պատվաստանյութը հարկավոր է տեղափոխել -75C-ում, ինչը մատակարարման գործընթացը շատ ավելի դժվար է դարձնում։
ԱՄՆ-ն արձանագրել է կորոնավիրուսով հիվանդների և վիրուսից մահացածների ամենամեծ թիվն աշխարհում։ Այնտեղ մինչև օրս հիվանդացածների թիվը գերազանցել է 17,6 միլիոնը։ 10 միլիոն մարդ բուժվել է, 317-հազարից ավելին՝ մահացել։ Այս մասին վկայում են Worldometers կայքի տվյալները։
Իսկ ընդհանուր առմամբ, աշխարհում մինչև օրս հաստատված կորոնավիրուսի դեպքերի թիվը գերազանցել է 75 միլիոնը։ Հիվանդությունը 1 միլիոն 668 հազար մարդու կյանք է խլել։ 52 միլիոն 800 հազարից ավելի մարդ բուժվել է։
21:34 30.06.2025
Ինչո՞ւ Մարուքյանը առաջարկեց Աջապահյանի, այլ ոչ թե Բագրատ Գալստանյանի թեկնածությունը«Լուսավոր Հայաստան» կուսակցության նախագահ Էդմոն Մարուքյանն առաջարկում է վարչապետին իմպիչմենտ հայտնել և իր փոխարեն վարչապետի թեկնածու ներկայացնել Միքայել արքեպիսկոպոս Աջապահյանին: Հիշեցնենք, Շիրակի թեմի առաջնորդը կալանավորվեց ռազմական հեղաշրջում իրականացնելու կոչեր հնչեցնելու մեղադրանքով: Թեմային «Հեռանկար»-ի տաղավարում անդրադարձել է Էդմոն Մարուքյանը: ...
21:29 30.06.2025
Արզական-Բջնի ավտոճանապարհին վթար է տեղի ունեցել, 6 մարդ տեղափոխվել է հիվանդանԿոտայքի մարզային փրկարարական վարչության ճգնաժամային կառավարման կենտրոն հունիսի 30-ին ժամը 13:48-ին ահազանգ է ստացվել, որ Արզական-Բջնի ավտոճանապարհին տեղի է ունեցել ՃՏՊ, կան տուժածներ: Ըստ Փրկարար ծառայության տարածած հաղորդագրության, դեպքի վայր մեկնած փրկարարները պարզել են, որ Արզական-Բջնի ավտոճանապարհի 2-րդ կմ-ի մոտակայքում բախվել է երկու «Opel» մակնիշի ավտոմեքենա:Մինչ փրկարարների կանչի վայր հասնելը՝ վարորդները և չորս ուղևոր հոսպիտալացվել […] ...
21:22 30.06.2025
Հայաստանի և Ֆրանսիայի նախագահները զրուցել են տարածաշրջանային զարգացումների շուրջՄԱԿ-ի Զարգացման ֆինանսավորման չորրորդ միջազգային համաժողովի շրջանակում Հանրապետության նախագահ Վահագն Խաչատուրյանը զրույց է ունեցել Ֆրանսիայի նախագահ Էմանուել Մակրոնի հետ։ Նախագահներն անդրադարձել են տարածաշրջանային ընդհանուր իրավիճակին և զարգացումներին։ Մտքեր են փոխանակվել երկկողմ համագործակցության օրակարգային հարցերի շուրջ։ ...
21:13 30.06.2025
Կանադան վերսկսում է առևտրային բանակցությունները ԱՄՆ-ի հետԿանադան և Միացյալ Նահանգները վերսկսում են առևտրային բանակցությունները, կողմերին հաջողվում է ժամանակավորապես լուծել իրենց տարաձայնությունները։ Նախկինում Կանադան, ի պատասխան Թրամփի 25% մաքսատուրքերի, նախատեսում էր թվային ծառայությունների հարկ սահմանել ամերիկյան ընկերությունների վրա. ծրագիրը նախատեսում էր Amazon-ի, Google-ի և Meta-ի նման ընկերությունների կանադական շահույթի 3%-ը գանձել։ Հարկերը կկիրառվեին հետադարձ ուժով, այնպես որ ընկերությունները ստիպված կլինեին անմիջապես վճարել […] ...
21:06 30.06.2025
ՀՀ ժողովրդավարական արժեքները պետք է պաշտպանվեն՝ հիբրիդային սպառնալիքների և երկրի ներքին գործերին միջամտելու փորձերի պայմաններում. Կալասը՝ ՓաշինյանինՎարչապետ Նիկոլ Փաշինյանն ընդունել է Եվրոպական միության արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասին:Ինչպես «Արմենպրես»-ին տեղեկացրին ՀՀ վարչապետի աշխատակազմից, hանդիպման ընթացքում քննարկվել են Հայաստան-Եվրոպական միություն հարաբերությունների օրակարգին, ժողովրդավարական ինստիտուտների ամրապնդմանը, իրավունքի գերակայության և կառավարման բարեփոխումների ուղղությամբ համագործակցության խորացման հնարավորություններին վերաբերող հարցեր:Վարչապետ Փաշինյանը շնորհակալություն է հայտնել ԵՄ-ին՝ Հայաստանին ցուցաբերվող շարունակական աջակցության համար և […] ...
