22:15 28.04.2019
Այսօր կայացել է ՇՊՀ հոգաբարձուների խորհրդի նիստը, որի ընթացքում քննարկվել է ՇՊՀ ռեկտորի թափուր պաշտոնի համար հայտարարված մրցույթին հայտ ներկայացրած հավակնորդների փաստաթղթերի զննության ու պաշտոնապես թեկնածուներ գրանցելու հարցը: Նիստին հոգաբարձուների խորհրդի 24 անդամներից ներկա են եղել 16-ը:
ՇՊՀ ռեկտորի պաշտոնի համար սահմանված ժամկետում հայտ է ներկայացրել 6 հավակնորդ: Ինչպես նախորդ անգամ, այս դեպքում ևս դիմումները հավակնորդները ներկայացրել են միայն վերջին երկու օրերին: Հոգաբարձուների խորհուրդ դիմել են վեց քաղաքացիներ՝
Սամվել Սերգեյի Ալեքսանյան,
Սուրեն Սանասարի Ավդալյան,
Արամ Վարուժանի Կարապետյան,
Վարդան Սենեքերիմի Մելքոնյան,
Անդրանիկ Նորիկի Սարգսյան,
Լուսինե Հրանտի Ֆլջյան:
6 հավակնորդից 5-ն ինքնառաջադրվել էին, իսկ ՇՊՀ Մաթեմատիկայի, ֆիզիկայի և տեղեկատվական տեխնոլոգիաների ամբիոնի դասախոս, տեխնիկական գիտությունների թեկնածու, դոցենտ Անդրանիկ Սարգսյանին առաջադրել էր ՇՊՀ-ի Բնագիտամաթեմատիկական ֆակուլտետը, որը համարվել է անվավեր, քանի որ, ըստ գործող կարգի, անհրաժեշտ է եղել ֆակուլտետի խորհրդի կազմում ընդգրկված դասախոսներից առնվազն 17 -ի քվեն, իսկ այս դեպքում ներկայացված է եղել 16-ի համաձայնությունը:
Խորհուրդը հայտատուների փաթեթները բացել է այբբենական հերթականությամբ: Փաստաթղթերի ուսումնասիրությունից և քննարկումից հետո խորհուրդը հավակնորդներ Սուրեն Ավդալյանի և Վարդան Մելքոնյանի թեկնածությունները չի հաստատել, քանի որ երկու հավակնորդներն էլ վերջին 15 տարվա ընթացքում առնվազն 5 տարվա հանրային կառավարման կամ բարձրագույն կրթության համակարգում առնվազն 5 տարվա վարչական աշխատանքի ստաժի պահանջներին չեն բավարարել:
Հոգաբարձուների խորհուրդը միաձայն քվեարկությամբ հաստատել է Սամվել Ալեքսանյանի, Արամ Կարապետյանի, Լուսինե Ֆլջյանի թեկնածությունները:
Ս.Ալեքսանյանը Շիրակի պետական համալսարանի նախկին պրոռեկտորն է, Արամ Կարապետյանը Հայաստանի պետական տնտեսագիտական համալսարանի Գյումրու մասնաճյուղի, ԳԱԱ գիտակրթական միջազգային կենտրոնի դասախոս է, իսկ բանասիրական գիտությունների դոկտոր, պրոֆեսոր Լուսինե Ֆլջյանը վերջերս նշանակվել է Հյուսիսային համալսարանի պրոռեկտոր, վերջինս միակ կին թեկնածուն է, որը նաև մասնակցել էր մարտի երկուսին կայացած մրցույթին, բայց բավարար թվով քվեներ չէր ստացել:
Նախորդ մրցույթի թեկնածուներից էր նաև Անդրանիկ Սարգսյանը, որի մասնակցությունն այս անգամ դեռ խորհուրդը չհաստատեց: Վիճահարույց հարցերի պատասխանը ստանալու համար հավակնորդի փաստաթղթերն ուղարկվելու են ԿԳՆ, որից հետո կորոշվի նրա թեկնածությունը հաստատելու կամ մերժելու հարցը:
ՇՊՀ ռեկտորի թափուր պաշտոնի համար մրցույթը կկայանա մայիսի 11-ին:
14:57 12.08.2025
Յամալի և Լոպեսի դուբլները․ «Բարսելոնան» 47-րդ անգամ է նվաճել Գամպերի գավաթըԺոան Գամպերի գավաթի խաղում «Բարսելոնան» 5-0 հաշվով հաղթել է իտալական «Կոմոյին»։ «Բարսելոնայից» դուբլ են գրանցել Ֆերմին Լոպեսն ու Լամին Յամալը, դարպասի մեկ գրավմամբ էլ աչքի է ընկել Ռաֆինյան։ Կատալոնական թիմը 47-րդ անգամ է նվաճել Գամպերի գավաթը։ ...
14:48 12.08.2025
Օդի աղտոտվածությունը նվազեցնում է առօրյա խնդիրների վրա կենտրոնանալու մարդկանց ունակությունը. պարզել է ուսումնասիրությունըՄարդու՝ առօրյա խնդիրների վրա կենտրոնանալու ունակությունը տուժում է օդի աղտոտվածության կարճաժամկետ ազդեցությունից։ Այս մասին է վկայում նոր ուսումնասիրությունը։ Հետազոտողները վերլուծել են 26 մասնակցի կողմից կատարված ճանաչողական թեստերի տվյալները, որոնք ստացվել են այն բանից հետո, երբ նրանք 1 ժամ շարունակ ենթարկվել են կա՛մ մոմի ծխից առաջացած մանր մասնիկների (PM) բարձր մակարդակին, կա՛մ 1 ժամ գտնվել են […] ...
14:33 12.08.2025
Եվրամիությունը հայտարարել է Ուկրաինայի հարցով կառուցողական բանակցությունների պայմանի մասինԱՄՆ-ի և Ռուսաստանի նախագահներ Դոնալդ Թրամփի և Վլադիմիր Պուտինի միջև սպասվող բանակցությունների ֆոնին Ուկրաինայի վերաբերյալ հայտարարության մեջ ԵՄ երկրների ղեկավարները նշել են, որ կառուցողական խաղաղ բանակցությունները կարող են տեղի ունենալ միայն ռազմական գործողությունների առնվազն նվազեցման պայմաններում։ «Կառուցողական բանակցություններ կարող են տեղի ունենալ միայն հրադադարի կամ ռազմական գործողությունների կրճատման պայմաններում», – նշվում է փաստաթղթում։ Այնտեղ նաև […] ...
14:25 12.08.2025
Խաչանովի հոբելյանական նվաճումըՌուսաստանը ներկայացնող հայազգի թենիսիստ Կարեն Խաչանովը հարդ տեսակի կորտի վրա տարել է 200-րդ հաղթանակը կարիերայում։ Այս մասին հայտնում է Tennis.com-ը։ Աշխարհի 12-րդ ռակետը հոբելյանական ցուցանիշին հասել է Վալենտին Ռուայեի (Ֆրանսիա, 104-րդ ռակետ) դեմ Ցինցինատիի «Մասթերսի» երկրորդ փուլի մրցախաղում տարած հաղթանակով (6-4, 7-6)։ Խաչանովը 1990-ականներին ծնված 9-րդ թենիսիստն է, որը հարդի վրա ունի 200 կամ ավելի […] ...
14:16 12.08.2025
Ասպիրանտների փոխանակման ծրագիր՝ Բրազիլի Դաշնային Հանրապետության բուհերումՄեկնարկում է Բրազիլի Դաշնային Հանրապետության բուհերում ասպիրանտների փոխանակման ծրագրի (PEC-PG) 2026 թ․ ընդունելությունը։ Դասընթացների վարման լեզուն պորտուգալերենն է, հետևաբար ծրագրին մասնակցելու համար դիմած թեկնածուները պետք է ներկայացնեն պորտուգալերենի իմացության վկայական, օրինակ՝ Celpe-Bras (բրազիլական պորտուգալերենի պաշտոնական որակավորման քննություն)։ Celpe-Bras վկայականը ստանալու համար թեկնածուն պետք է առաջին տարին անցկացնի Բրազիլում՝ մասնակցելով պորտուգալերենի և բրազիլական մշակույթի անվճար դասընթացներին։ […] ...
