Իրավախախտման 19 դեպքով հաշվարկվել է մոտ 5․9 մլն դրամի չափով շրջակա միջավայրին հասցված վնաս

ՀՀ բնապահպանության և ընդերքի տեսչական մարմինը 2020 թվականի փետրվարի 3-ից 7-ն ընկած ժամանակահատվածում կատարված աշխատանքների վերաբերյալ հայտարարություն է տարածել։

Բնապահպանության և ընդերքի տեսչական մարմնի կողմից իրականացված ստուգումների, շրջայցերի, վարչական վարույթի գործերի քննության ընթացքում արձանագրվել է իրավախախտման 20 դեպք, որից 19 դեպքով հաշվարկվել է 5.891.430 ՀՀ դրամի չափով շրջակա միջավայրին հասցված վնաս, 2 դեպքով նշանակվել է 400.000 ՀՀ դրամի չափով վարչական տուգանք։

Մասնավորապես`
Բուսական աշխարհի պահպանության ոլորտ
Արձանագրվել է 18 դեպք, որից 17-ով հաշվարկվել է 5.863.880 ՀՀ դրամի չափով շրջակա միջավայրին հասցված վնաս, 2-ով նշանակվել է 400.000 ՀՀ դրամի չափով վարչական տուգանք։
Լոռի՝ ապօրինի ծառահատման 4 դեպքով (18 բոխի, 2 բալենի, 2 թխկի, 1 ուռենի, 1 ցցաչոր բարդի, 1 խնձորենի, 1 հողմատապալ հաճարենի) հաշվարկվել է 622.800 ՀՀ դրամի, փայտանյութի ապօրինի տեղափոխման 1 դեպքով (0,25 խմ վառելափայտ)՝ 9.000 ՀՀ դրամի չափով շրջակա միջավայրին հասցված վնաս:
Նախկինում արձանագրված փայտանյութի ապօրինի տեղափոխման 1 դեպքով նշանակվել է 300.000 ՀՀ դրամի չափով վարչական տուգանք։
Տավուշ՝ ապօրինի ծառահատման 2 դեպքով (3 հաճարենի, 1 բոխի) հաշվարկվել է 1.222.500 ՀՀ դրամի, փայտանյութի ապօրինի տեղափոխման 8 դեպքով (32,5 խմ կողահատ տախտակ, 12,28 խմ վառելափայտ, 2,1 խմ թափուկ փայտանյութ)՝ 3.950.080 ՀՀ դրամի չափով շրջակա միջավայրին հասցված վնաս:
Արձանագրված 1 դեպքով (100 հատ՝ 4 կգ պտեր կովկասյան թուփի ապօրինի հավաքում) հաշվարկվել է 10.000 ՀՀ դրամի չափով շրջակա միջավայրին հասցված վնաս:
Կոտայք՝ ապօրինի ծառահատման 1 դեպքով հաշվարկվել է (2 կաղամախի, 1 ցցաչոր կաղամախի) 49.500 ՀՀ դրամի չափով շրջակա միջավայրին հասցված վնաս, նշանակվել՝ 100.000 ՀՀ դրամի չափով վարչական տուգանք:

Կենդանական աշխարհի պահպանության ոլորտ
Արձանագրվել է 2 դեպք, հաշվարկվել է 27.550 ՀՀ դրամի չափով շրջակա միջավայրին հասցված վնաս։
Վայոց ձոր՝ արձանագրված 1 դեպքով (5 հատ՝ 1,7 կգ կողակ տեսակի ձուկ) հաշվարկվել է 1.700 ՀՀ դրամի չափով շրջակա միջավայրին հասցված վնաս:

Կոտայք՝ նախկինում արձանագրված 1 դեպքով (5 հատ՝ 5,17 կգ սիգ տեսակի ձուկ) հաշվարկվել է 25.850 ՀՀ դրամի չափով շրջակա միջավայրին հասցված վնաս։
ՀՀ ԱՆ ՀԿԱԾ է ուղարկվել 6 գործ ( 600.000 ՀՀ դրամի չափով վարչական տուգանք)։
Նշված ժամանակահատվածում ՀՀ պետական բյուջե մուտքագրվել է 441.700 ՀՀ դրամ:

https://www.facebook.com/ecoinspect.am/videos/723721658162308/?__xts__[0]=68.ARCHmG9hkj9p_GTtwcIjq6geB3xEZJUgUctkl_hcLRsFW3VKwRny1Un7rZvyddjjDAgG-HFmqttnYCAc4XleJQGDuO4SpZSlMAz79X9LkgOxptaFY-YnvobYxfjhCWPg9Vcmlj1dh0clOZ82YLaIkPUhakeUlwOaBbi6lFfjW4VxS_Gshr5W16pKBq66aWoaO-LN35JCuyNo2kKVGjXBk8WJeJcIpRxQMiKdf7SyqjT9Y-LrXx9XQD3NODsInbsWA1l3V-2XgIM47s5_-T7vZft31pUdrRXXveqSSI0IJZamQqDgvwjg39slaD9rrAHSM_ULa8S49FKoFHagke8vB3GXTlyxtAlLmRjQNjf3&__tn__=-R