Մարդու ազդեցությունը փակ տարածքներում օդի որակի վրա. գիտափորձ

Ավելի ու ավելի լայն տարածում են ստանում ապացույցներն այն մասին, որ փակ միջավայրում մարդու ներկայությունը կարող է ազդել օդի որակի վրա՝ ազդելով որոշակի օդային անկայուն օրգանական միացությունների (VOC) կոնցենտրացիաների վրա: Այս ազդեցությունը զգալիորեն աճում է, երբ մարդիկ օգտագործում են խնամքի պարագաներ, ուղղակի ուտում, ծխում կամ խմում են: Հասկանալու համար վերը նշված գործոնների ազդեցությունն օդային բաղկացուցիչների կոնցենտրացիաների վրա, իրականացվել է գիտափորձ: Փորձին մասնակցող անձինք բաժանվել են երկու մասի, որոնց մի մասը ուղղակի մնացել է տվյալ տարածքում որոշակի ժամանակ, իսկ մնացածը նախապես որոշված գործողություններ է կատարել այնտեղ (գինու ըմպում, սպորտ, խնամքի պարագաների օգտագործում կամ ուտելիքի պատրաստում՝ օգտագործելով հալեցված պանիր):

Այսպիսի գործունեության արդյունքը գնահատվել է՝ օգտագործելով հատուկ վերլուծական հարթակ: Փորձի ավարտին պարզ դարձավ, որ մարդկային երկարատև ներկայությունը բերում է իզոպրենի, ամբողջական օդային անկայուն օրգանական միացությունների, ֆորմալդեհիդների, ինչպես նաև ացետալդեհիդի մակարդակի բարձրացման:

Մասնավորապես՝ ացետալդեհիդների ազդեցությունն ուժեղանում է գինի ըմպելիս կամ պանիր պարունակող ուտեստներ պատրաստելիս: Շատ լավ օրինակ է նաև սովորական մոմը, որը վառելիս տեղի է ունենում այրում, իսկ ինչպես արդեն նշեցինք՝ այրման արդյունքում առաջանում են վնասակար քիմիական միացություններ, որոնք էլ իրենց հերթին բացասաբար են ազդում օդի որակի վրա: Հուսադրող է այն հանգամանքը, որ այժմ ունենք էլեկտրաէներգիա, և մոմ վառելու կարիք հաճախ չի առաջանում։

Ացետալդեհիդների առաջացման մեզ լավ ծանոթ մեկ այլ դեպք է սիգարետի այրումը։ Այդ իսկ պատճառով են առաջացել մեզ հայտնի էլեկտրոնային սիգարետները կամ ծխախոտի տաքացման համակարգերը: Քանի որ նշված սարքերն օգտագործելիս այրում տեղի չի ունենում, դրանք հնարավորինս քիչ ազդեցություն են ունենում միջավայրի օդի որակի վրա, հետևաբար՝ մարդկանց առողջությանը հասցվող վնասն էլ նվազում է:

Ֆորմալդեհիդները շատանում են սպորտով զբաղվելիս, խնամքի պարագաներ օգատագործելիս: Նշենք, որ ֆորմալդեհիդը անգույն, դյուրավառ գազ է՝ ուժեղ հոտով։ Բնականաբար, մեր մարմնում արտադրվում է որոշակի քանակությամբ ֆորմալդեհիդ, բայց ֆորմալդեհիդի մեծ մասը ազատվում է շրջակա միջավայր՝ վառելիքի, կենցաղային թափոնների և այլ իրերի այրման միջոցով:

Նշված տվյալների ճշմարտացիությունն ամրապնդվեց հետագա երկու տարիների ընթացքում իրականացված հետազոտությունների արդյունքում: Սա նշանակում է, որ որևէ փակ տարածքում մարդկանց ներկայությունն ու նրանց գործունեությունն ազդում է տվյալ տարածքի օդի որակի վրա: