17:16 24.04.2021
Հայոց ցեղասպանության ճանաչումը Հայ դատի արդարացի լուծման ճանապարհի վերջնակետը չէ ցեղասպանության զոհերի ժառանգների համար, նրանց պահանջը նախնիներին պատկանող ունեցվածքի նկատմամբ իրավունքների ճանաչումն է:86- ամյա Արաքսյա Դեմիրճյանը, որպես թանկ մասունք, պահում է մայրիկի 106 տարվա վաղեմության կտակը, որով նրան է փոխանցվել Արևմտյան Հայաստանի Հացիկ գյուղում եղած հարստությունը:
Փոքրիկ ու ժանգոտված թիթեղյա տուփի մեջ 106 տարվա վաղեմության փաստաթղթերը Արաքսյա Դեմիրճյանի տատի ու մայրիկի կտակն են:Մոր մահից հետո է գտել հագուստի գրպանից։Խունացած թղթերի վրա թուրքերենով ու ֆրանսերենով գրություններ են, որոնք Արևմտյան Հայաստանում թողած ժառանգության փաստացի վկայությունն են ։
«Պահում եմ ծնողներիս ժառանգությունը։ Էս թղթերը մերոնք են 100 տարի պահել, հիմա էլ ես եմ պահում։ Թղթերը եղել են այս տուփի մեջ, մամաս էր պահում ու միշտ ասում էր՝ Արաքս, էս տուփը չկորցնես,կգա ժամանակ, քեզ պետք կգա»,- պատմում է Արաքսյա տատը։
Տիկին Արաքսյան փաստաթղթերի թարգմանությամբ հետո է միայն պարզել, թե գերդաստանից մնացած ինչ ժառանգություն է թողնվել իրեն։ Կտակում նշված են սեփական տներ, խաղողի այգի, հողամասեր, գույք,կահ-կարասի: Ունեցվածքը մնացել է Արևմտյան Հայաստանի Հացիկ գյուղում:
Տատին ու մորը 1915 թվականի եղեռնագործությունից փրկել է քուրդ հարևաններից մեկը՝ մի կոտ ոսկու դիմաց: Գիշերով դուրս են եկել գյուղից և հասել Սիրիայի սահման: Ողջ են մնացել միայն գերդաստանի կանայք, տղամարդկանց թուրքերը սպանել են ։
Գյուղի քյոխվա պապի ունեցվածքը մայրն ու տատն արդեն Սիրիայի հայկական եկեղեցում գրանցում են փաստաթղթով ու հաստատում կնիքներով: Տարիներ անց տեղափոխվում են Հայաստան, հաստատվում են Գյումրիում՝ այն ժամանակ Լենինական քաղաքում:
Ավելի քան 30 տարի Արաքսյա տատը իրեն փոխանցված կտակը ներկայացրել է տարբեր կառույցների, եղել է նաև Հայոց ցեղասպանության թանգարանում։ Դիմումներին պատասխանը եղել է մեկը՝ ժառանգությունը կկարողանա ստանալ, երբ ցեղասպանությունը ճանաչեն աշխարհի գերտերություններն ու Թուրքիան:
Երեք տարի առաջ եղել է Թուրքիայում, փորձել է որոնել ու գտնել պապական գյուղն ու տունը, բայց չի համարձակվել: Թուրքիայում բնակվող ազգականը օգնել է հանդիպել թուրք փաստաբաններին, որոնց ներկայացրել է ունեցած փաստաթղթերը։ Բայց փաստաբանների միջև եղած խոսակցություններից Արաքսյա տատը այլ բան է հասկացել։ Թուրքերենին տիրապետելն այս հարցում օգնել է նրան։
«Իրար հետ խոսում էին, հայ փաստաբանն իր թուրք գործընկերներին էր բերել։ Խոսեցին պրծան, ելա կանգնա ասեցի՝ յոխ, այսինքն՝ ոչ։Սրանք զարմացան,ասացին՝ դու թուրքերեն գիտե՞ս,ասացի՝այո, ինչ որ դուք խոսում էիք, հասկացա, ես իմ փաստաթղթերը ձեզ չեմ տա»,- պատմում է Արաքսյա Դեմիրճյանը։
Կտակով փոխանցված ժառանգությունը, 86-ամյա Արաքսյա տատը դեռ սպասում է, որ վերադառնալու է իրեն։ Իսկ երբ այն իր ձեռքում լինի, խոստացել է, որ փոխանցելու է խնամքի հաստատություններին։15 տարեկանից տեքստիլ արդյունաբերությունում է աշխատել։Իր վաստակի համար բազմաթիվ շքանշանների է արժանացել,ամենամեծ պարգևը արիության մեդալն է:
Աշխատանքային տարիներից հետո վաստակած հանգիստը մենակ է վայելում։Բայց հմուտ ձեռքերի մեջ միշտ շյուղերն ու թելն է։Գործում է զինվորի համար , հարազատի ու ծանոթի համար։Աղոթքն էլ միշտ շուրթերին է։ Աղոթել սովորել է եղեռնից փրկված տատից ու մորից։ Կորցրած երկրի կարոտը և արդարության հավատը նրա աղոթքներում է։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX ,ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
23:26 03.05.2025
Երևանում «Volkswagen ID.4»-ը բախվել է կայանված «BMW»-ին
00:00 04.05.2025
Տիգրան Սողոմոնյանը «Sardinia World Chess Festival 2025» շախմատի միջազգային մրցաշարի B խմբի հաղթողՏիգրան Սողոմոնյանը դարձավ Իտալիայում անցկացված «Sardinia World Chess Festival 2025» շախմատի միջազգային մրցաշարի B խմբի հաղթող։ Այս մասին հայտնել են Հայաստանի շախմատի ֆեդերացիայից։ Տիգրանը 9 հնարավորից վաստակեց 7.5 միավոր և 188 կետով բարելավեց իր միջազգային վարկանիշը: ...
23:51 03.05.2025
Գեղարքունիքի և Կոտայքի մարզերի մի շարք հասցեներում ջուր չի լինի«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված՝ ս.թ. մայիսի 5-ին՝ ժամը 08:00-ից մինչև մայիսի 6-ը՝ ժամը 08:00-ն, կդադարեցվի՝ Գեղարքունիքի մարզի Սևանի քաղաքի, Գագարինավան, Վարսեր գյուղերի, ինչպես նաևԿոտայքի մարզի Ջրառատ գյուղի ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: ...
23:45 03.05.2025
Երևանում «КамАЗ»-ը բախվել է գազատար խողովակներին, ինչի հետևանքով սկսվել է գազի արտահոսքՄայիսի 3-ին, արտակարգ դեպք է տեղի ունեցել Երևանում։ Ժամը 16։50-ի սահմաններում Սուրեն Սաֆարյան և Շոպրոն փողոցների խաչմերուկում «КамАЗ» մակնիշի բեռնատարը բախվել է գազատար խողովակներին։ Ինչպես հայտնում է shamshyan.com-ը, բախման հետևանքով տուժածներ չկան, սակայն գազախողովակները վնասվել են և սկսվել է գազի արտահոսք։ Դեպքի վայր են ժամանել ՀՀ ներքին գործերի նախարարության փրկարար ծառայության Երևանի հրշեջ -փրկարարական ջոկատից՝ […] ...
23:39 03.05.2025
Telegram-ում ավելացվել է նոր գործառույթՊավել Դուրովը հայտարարել է Telegram-ում նոր գործառույթի՝ խմբային զանգերի գործարկման մասին, որի կարող է միանալ մինչև 200 մասնակից։ Այս մասին նա գրել է իր Telegram ալիքում։ «Telegram-ի վերջին թարմացումը կներդնի ուլտրա անվտանգ խմբային զանգեր։ Դրանք պաշտպանված են ոչ միայն բաժանորդների կոդավորմամբ, այլև բլոկչեյնանման տեխնոլոգիայով՝ ապահովելու համար, որ ոչ ոք չկարողանա գաղտնի կերպով միանալ դրանց», – […] ...
23:26 03.05.2025
Երևանում «Volkswagen ID.4»-ը բախվել է կայանված «BMW»-ինՄայիսի 3-ին, արտակարգ դեպք է տեղի ունեցել Երևանում: Ժամը 13:50-ի սահմաններում «Volkswagen ID.4» մակնիշի ավտոմեքենան, ըստ նախնական տեղեկությունների, տեխնիկական անսարքության պատճառով Պարույր Սևակի փողոցում բախվել է ճանապարհի թույլատրելի հատվածում կայանված «BMW» մակնիշի ավտոմեքենային, ապա անցել երթևեկելի 2 գոտիով, բախվել մեկ այլ կայանված ավտոմեքենայի, անցել բազալտե եզրաքարի վրայով, հայտնվել հետիոտնի համար նախատեսված մայթին և բախվել քարե […] ...
23:09 03.05.2025
Finnair-ը Հելսինկիում գործադուլի պատճառով չեղարկել է գրեթե 100 չվերթFinnair -ը հայտարարել է մոտ 100 չվերթի չեղարկման մասին՝ Ֆինլանդիայի ավիացիոն միության կողմից մայիսի 5-ին նախատեսված գործադուլի պատճառով։ Այս մասին հաղորդում է kommersant.ru-ն։ Ընկերության ներկայացուցիչների խոսքով՝ սպասվում են թռիչքների ժամանակացույցի զգալի փոփոխություններ։ Հելսինկիում գործադուլը կտևի չորս ժամ և կընթանա հերթափոխով։ Finnair-ը հայտարարել է, որ 7500 ուղևորի տեղեկացրել է այլընտրանքային երթուղիների մասին։ Բացի այդ, գործադուլը կարող […] ...
