13:31 25.08.2021
Օգոստոսի 24-ին տեսակոնֆերանսի ձևաչափով կայացավ Անօրինական միգրացիայի դեմ պայքարի հարցերով ՀԱՊԿ անդամ պետությունների իրավասու մարմինների ղեկավարների համակարգող խորհրդի 24-րդ նիստը:
Նիստին մասնակցում էր ՀՀ ոստիկանության պատվիրակությունը՝ ՀՀ ոստիկանության պետի տեղակալ, ոստիկանության գնդապետ Արա Ֆիդանյանի գլխավորությամբ:
Արա Ֆիդանյանն իր ելույթում կարևորեց անօրինական միգրացիայի հակազդմանն ուղղված աշխատանքներում ՀԱՊԿ անդամ պետությունների իրավասու մարմինների փոխհամագործակցության արդյունավետության բարձրացմանն ուղղված գործողությունները, մասնավորապես՝ այլ պետությունների տարածքում հանցավոր գործունեության մեջ ներգրավված միգրանտների վերաբերյալ տեղեկատվության փոխանակման ակտիվացումը: Նա նաև նշեց, որ Աֆղանստանի Իսլամական Հանրապետությունում տեղի ունեցող իրադարձություններից հետո պետք է առանձնակի ուշադրությամբ հետևել միգրացիոն հոսքերին, քանի որ Աֆղանստանում տիրող անկայունությունը, ամենայն հավանականությամբ, կհանգեցնի միգրացիոն հոսքի ավելացմանը, և պետք է պատրաստ լինել հնարավոր բոլոր սցենարներին: Չի բացառվում, որ փախստականների քողի տակ զինյալները կարող են մուտք գործել նաև ՀԱՊԿ անդամ պետությունների տարածք: ՀԱՊԿ ձևաչափով համատեղ կանխարգելիչ միջոցառումների և ապօրինի միգրացիային հակազդելու հատուկ գործողությունների իրականացումը հնարավորություն է տալիս կենտրոնանալ անօրինական միգրացիայի ուղիների բացահայտման և կանխարգելման վրա, վերահսկել օտարերկրյա քաղաքացիների և քաղաքացիություն չունեցող անձանց ՀԱՊԿ անդամ պետություններում գտնվելու օրինականությունը, բացահայտել կեղծ փաստաթղթերի օգտագործման փաստերը:
ՀՀ ոստիկանության պատվիրակության մասնակիցները ներկայացրին 2021 թ. առաջին կիսամյակում ՀՀ-ում միգրացիոն իրավիճակը, հուլիսի 5-ից 12-ը ՀՀ տարածքում անօրինական միգրացիայի հալազդմանն ուղղված «ՆԵԼԵԳԱԼ-2021» պայմանական անվամբ օպերատիվ կանխարգելիչ միջոցառման արդյունքները:
Նիստի ավարտին որոշվեց 2022 թ. ՀԱՊԿ անդամ պետությունների իրավասու մարմինների ղեկավարների համակարգող խորհրդի 25-րդ նիստը անցկացնել Հայաստանում, քանի որ ՀԱՊԿ անդամ պետությունների իրավասու մարմինների ղեկավարների համակարգող խորհրդի նախագահությունը ստանձնելու է Հայաստանը:
12:20 21.06.2025
Տարադրամի փոխարժեքները հունիսի 21-ին
12:20 21.06.2025
Տարադրամի փոխարժեքները հունիսի 21-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 384․5 դրամ, վաճառքի նվազագույն արժեքը՝ 388․50 դրամ: Եվրոյի առքի առավելագույն արժեքն է 440 դրամ, վաճառքի նվազագույն արժեքը՝ 448 դրամ: Ռուսական ռուբլու առքի առավելագույն արժեքն է 4․88 դրամ, վաճառքի նվազագույն արժեքը՝ 4․97 դրամ: ...
12:07 21.06.2025
ՄԱԳԱՏԷ-ն ապացույցներ չունի, որ Իրանը փորձել է միջուկային զենք ստեղծել. ՊուտինԱՄՆ նախագահ Դոնալդ Թրամփը կփորձի Թեհրանի հետ հակամարտությունը լուծել դիվանագիտական միջոցներով, բայց միաժամանակ կանի այն ամենը, ինչ անհրաժեշտ է Իրանի միջուկային ծրագիրը ոչնչացնելու համար, հայտարարել է ԱՄՆ փոխնախագահ Ջեյ Դի Վենսը: «Նա ասել է, որ կշարունակի դիվանագիտությունը այնքան ժամանակ, որքան կարող է։ Եվ երբ նա որոշի, որ դիվանագիտությունն ամբողջությամբ սպառել է իր ներուժը, որ հետագա […] ...
11:59 21.06.2025
ՀՀ-ի համար առանցքային են հարաբերությունների կարգավորումը և խաղաղությունը. ՄիրզոյանՀայաստանի արտաքին գործերի նախարար Արարատ Միրզոյանը X-ի իր միկրոբլոգում անդրադարձել է վարչապետ Նիկոլ Փաշինյանի՝ Թուրքիա կատարած այցին։ «Ուղեկցում էի վարչապետ Նիկոլ Փաշինյանին Թուրքիա կատարած իր նշանակալի այցի ընթացքում՝ նման կարևոր պահին։ Երկխոսությունը, հարաբերությունների կարգավորումը և խաղաղության խթանումը տարածաշրջանում, մեր անմիջական հարևանությունում, առանցքային են Հայաստանի արտաքին քաղաքականության մեջ»,-գրել է Միրզոյանը։ ...
11:47 21.06.2025
Արթուր Բազեյանն աշխարհի հավաքականի կազմում պրոֆեսիոնալ մենամարտ կանցկացնիՀայ բռնցքամարտիկ Արթուր Բազեյանն աշխարհի հավաքականի կազմում պրոֆեսիոնալ մենամարտ կանցկացնի: Սանկտ Պետերբուրգում կայանալիք մրցաշարում Բազեյանի մրցակիցը կլինի ռուս բռնցքամարտիկ Վսեվոլոդ Շումկովը։ Աշխարհի հավաքականը կմրցի Ռուսաստանի թիմի դեմ: ...
11:30 21.06.2025
Արաղչին հայտնել է, թե որ դեպքում Իրանը պատրաստ կլինի հարձակվել Մերձավոր Արևելքում գտնվող ամերիկյան բազաների վրաԹեհրանը պատրաստ կլինի պատասխան հարվածներ հասցնել Մերձավոր Արևելքում գտնվող ամերիկյան զորքերին, եթե Միացյալ Նահանգները միանա Իսրայելի կողմից սանձազերծված ռազմական գործողություններին: Այս մասին հայտարարել է Իրանի արտգործնախարար Աբբաս Արաղչին NBC News-ին տված հարցազրույցում: «Ինքնապաշտպանությունը յուրաքանչյուր երկրի օրինական իրավունքն է», – ասել է նա՝ պատասխանելով այն հարցին, թե արդյոք Իրանը կձեռնարկի պատասխան հարվածներ, այդ թվում՝ տարածաշրջանում գտնվող […] ...
