21:57 12.09.2021
Հոկտեմբերի 17-ին կայանալիք Գյումրիի ՏԻՄ ընտրություններին կմասնակցի 10 քաղաքական ուժ՝ 7 կուսակցություն և 3 դաշինք: Գյումրիի թիվ 31 տարածքային ընտրական հանձնաժողովի նախագահ Տիգրան Ղազարյանը SHANTNEWS.am-ին փոխանցեց, որ այսօր՝ թեկնածուների փաստաթղթերի ներկայացման վերջին օրը, հանձնաժողով իրենց փաթեթներն են ներկայացրել ևս 4 քաղաքական ուժեր:
«Թասիբով» նորաստեղծ դաշինքը ներկայացել է 22 թեկնածուներով, իսկ դաշինքի առաջին հորիզոնականում Կարապետ Պողոսյանն է։
«Ապրելու երկիր» կուսակցությունն ունի 22 թեկնածու, որը գլխավորում է Կարեն Մալխասյանը:
«Քաղաքացիական պայմանագիր» կուսակցության ցուցակում 40 թեկնածուներ են, այն գլխավորում է Շիրակի մարզպետ Հովհաննես Հարությունյանը, իսկ Հայաստանի Հանրապետական կուսակցության 33 թեկնածուներից բաղկացած ցուցակի առաջին համարն է Արտյոմ Ղուկասյանը։
Մինչ այս ՏԸՀ ՏԻՄ ընտրությունների մասնակցության հայտ էր ներկայացրել «Բալասանյան դաշինք» կուսակցությունը, ավագանու 42 հոգանոց ցուցակը գլխավորում է Գյումրիի քաղաքապետարանի Կոմունալ ծառայության տնօրենի պաշտոնակատար Վարդգես Սամսոնյանը։
«Գյումրին կռնա՜» նորաստեղծ դաշինքի ներկայացրած ցուցակում 20 թեկնածու կա, այն գլխավորում է Վարդան Սրտաշյանը։
«Զարթոնք» ազգային քրիստոնեական կուսակցությունը ներկայացրել է 41 թեկնածու՝ Վարդևան Հակոբյանի գլխավորությամբ։
20 հոգանոց ցանկով Գյումրիի ավագանու ընտրությանը կմասնակցի նաև Կոմունիստական կուսակցությունը։ Ցուցակը գլխավորում է Կոնստանտին Ղավազյանը։
«Արժանապատիվ ուղի» կուսակցության ցուցակում էլ թեկնածուները 22-ն են, իսկ առաջին հորիզոնականում Հովհաննես Մարգարյանն է։
«Հայրաքաղաք» դաշինքը ներկայացրել է 28 թեկնածու, ցուցակը գլխավորում է Գյումրիի ավագանու անդամ Լևոն Բարսեղյանը։
Բոլոր քաղաքական ուժերի ներկայացրած թեկնածուների ցուցակներում պահպանված է գենդերային պահանջը՝ յուրաքանչյուր երրորդ թեկնածուն կին է:
Կուսակցությունների ու դաշինքների ընտրական ցուցակների գրանցումը ՏԸՀ-ի կողմից կատարվելու է սեպտեմբերի 12-17-ը: Այս ընթացքում ստուգվելու են ներկայացված փաթեթեներում առկա թերություններն ու անճտությունները, որոնք օրենքի պահանջներին համապատասխանեցնելու համար հանձնաժողովը կտրամադրի 48 ժամ:
16:52 03.05.2025
ՆԳՆ ստորաբաժանումները մասնակցել են համապետական շաբաթօրյակինՄայիսի 3-ին ՀՀ ներքին գործերի նախարարության ու ենթակա ծառայությունների՝ Ոստիկանության, Փրկարար ծառայության ու Միգրացիայի և քաղաքացիության ծառայության աշխատակիցները միացել են համապետական շաբաթօրյակին։ Նրանք Երևանում ու մարզերում իրականացրել են մաքրման, արձանների և հուշարձանների լվացման աշխատանքներ: Խնամվել և բարեկարգվել են կանաչապատ տարածքները։ ՆԳ նախարարությունը կարևորում է նման նախաձեռնությունները, որոնք նպաստում են մաքուր և առողջ միջավայրի ապահովմանը։ ...
16:42 03.05.2025
Վարչապետ Նիկոլ Փաշինյանն այցելել է Ախթալա, Քարկոփ և Բերդավան բնակավայրերՎարչապետ Նիկոլ Փաշինյանը Լոռու մարզ այցի երկրորդ օրը եղել է Ախթալայում՝ ծանոթացել կամրջի վերականգնման ուղղությամբ իրականացված աշխատանքներին: Նախորդ տարի տեղի ունեցած հեղեղումների հետևանքով ավտոմոբիլային նշանակության կամրջի առանձին էլեմենտները մասնակի կամ ամբողջական քայքայված են եղել և պիտանի չի եղել շահագործման: Փոխարենը կառուցվել է Մ-6-ն Ախթալայի հետ կապող պողպատե ֆերմաներով ժամանակավոր նոր 2-րդ կամուրը։ Ժամանակավոր կամրջի կառուցման […] ...
16:34 03.05.2025
Մարսելն աջակցում է հայ ժողովրդին և խաղաղությանը. քաղաքապետ Բենուա Պայանն այցելել է ՀայաստանՄարսելի քաղաքապետ Բենուա Պայանը պաշտոնական այցով ժամանել է Հայաստան: «Արմենպրես»-ի փոխանցմամբ՝ Պայանը «Ֆեյսբուք»-ի իր էջում այցից տեսանյութ է հրապարակել: «Մեծ հուզմունք էր տիրում Հայաստանի և Ադրբեջանի սահմանին, Խաչիկի առողջապահական կենտրոնում և Պարույր Սևակի՝ արցախցի փախստականների ընդունման կենտրոնում։ Մարսելը աջակցում է հայ ժողովրդին և խաղաղությանը»,-նշել է Պայանը: ...
16:30 03.05.2025
Նորաշեն արգելոցում և հարակից տարածքներում իրականացվել են մաքրման լայնածավալ աշխատանքներ. ՇՄՆՀամապետական շաբաթօրյակի շրջանակում «Սևան» ազգային պարկ» ՊՈԱԿ-ի և Շրջակա միջավայրի նախարարության էկոպարեկային ծառայության Գեղարքունիքի և Կոտայքի մարզային վարչության Սևանի տեղամասի աշխատակիցները համատեղ կերպով իրականացրել են մաքրման լայնածավալ աշխատանքներ Նորաշեն արգելոցում և հարակից տարածքներում։ Ինչպես տեղեկացնում են Շրջակա միջավայրի նախարարությունից, մաքրվել է շուրջ 36 հեկտար տարածք, որտեղից հավաքվել են կենցաղային թափոններ, ինչպես նաև իրականացվել է բնության […] ...
16:25 03.05.2025
Հայոց ցեղասպանության 110-րդ տարելիցի կապակցությամբ Ֆրանսիայում ոգեկոչման արարողություններ են տեղի ունեցելՀայոց ցեղասպանության 110-րդ տարելիցի կապակցությամբ Ֆրանսիայում շարունակվող միջոցառումների շրջանակներում ոգեկոչման արարողություններ են տեղի ունեցել Փարիզի 16-րդ շրջանում, Անիեր-սյուռ-Սեն, Բանյո և Կուրբվուա քաղաքներում։ Այս մասին տեղեկացնում են Ֆրանսիայում ՀՀ դեսպանությունից: Ապրիլի 28-ին Փարիզի 16-րդ շրջանի քաղաքապետարանում տեղի է ունեցել Հայոց ցեղասպանության 110-րդ տարելիցին նվիրված միջոցառում՝ քաղաքապետարանի և ֆրանս-հայկական G2IA ասոցիացիայի նախաձեռնությամբ։ Միջոցառման ընթացքում ելույթներով են հանդես […] ...
16:17 03.05.2025
Այցելեցի Բերդավան բնակավայրի Ղալինջաքար ամրոց. վարչապետՎարչապետ Նիկոլ Փաշինյանը եղել է Բերդավան բնակավայրի Ղալինջաքար ամրոցում: «Այցելեցի Բերդավան բնակավայրի Ղալինջաքար ամրոց»,-ֆեյսբուքյան իր էջում գրել է վարչապետը և տեսանյութ հրապարակել: ...
