16:20 22.02.2022
«Հյուսիսային հոսք-2» գազատարի շահագործման հանձնումը կսառեցվի։ Deutsche Welle պարբերականի փոխանցմամբ՝ այս մասին հայտնել է Գերմանիայի կանցլեր Օլաֆ Շոլցը։ Նա հայտարարել է, որ Գերմանիայի էկոնոմիկայի և բնապահպանության նախարարությանը հանձնարարել է դադարեցնել «Հյուսիսային հոսք-2»-ի հավաստագրումը։
Գերմանիայի կանցլերի խոսքերով՝ Ռուսաստանի նկատմամբ առաջնային պատժամիջոցներին զուգահեռ կարևոր է կանխել հետագա էսկալացումը, որին ուղղված են դիվանագիտական բոլոր ջանքերը։
«Հյուսիսային հոսք-2» գազատարի շինարարությունն ավարտվել է դեռ անցյալ տարվա սեպտեմբերին։ Դրա շահագործմանը դեմ են արտահայտվում Ուկրաինան և Արևելյան Եվրոպայի մի շարք երկրներ, որոնք պնդում են, որ տվյալ գազատարը գործիք է Ռուսաստանի քաղաքական ազդեցության համար։
ԱՄՆ-ի կարծիքով՝ «Հյուսիսային հոսք-2»-ը կմեծացնի Եվրոպայի կախվածությունը ռուսական գազից։
Հիշեցնենք՝ ՌԴ նախագահ Վլադիմիր Պուտինը ճանաչել է Դոնեցկի և Լուգանսկի հանրապետությունները։ Այնուհետև նա ստորագրել է այդ հանրապետությունների անկախության ճանաչման մասին հրամանագրերը։ Դրանցում ՌԴ ԱԳՆ-ին հանձնարարվել է դիվանագիտական կապեր հաստատել Դոնեցկի և Լուգանսկի հանրապետությունների հետ, իսկ պաշտպանության նախարարությանը՝ ապահովել այդ հանրապետություններում խաղաղության պահպանումը ռուսական զինված ուժերի կողմից։ Բացի դրանից՝ Պուտինը Դոնեցկի և Լուգանսկի հանրապետությունների ղեկավարների հետ կնքել է բարեկամության, համագործակցության և փոխադարձ օգնության մասին պայմանագրեր։
10:13 18.06.2025
Հրդեհ Լվովյան փողոցում․ տուժածներ չկան
10:00 18.06.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Վանաձոր-Ալավերդի ավտոճանապարհի 41-42-րդ կմ-ի հատվածը փակ է բեռնատարների համար, միակողմանի երթևեկելի՝ մարդատար տրանսպորտային միջոցների համար։ ...
21:57 17.06.2025
Թուրքերն ադրբեջանցիներին դավաճանության մեջ են մեղադրում. Իրան-Իսրայել պատերազմը մերկացրել է Բաքվի ու Անկարայի միջև եղած հակասություններըԻրանի դեմ պատերազմական գործողություններում Իսրայելին ցուցաբերվող Ադրբեջանի անուղղակի աջակցությունը Բաքվի ու Անկարայի միջև հարաբերություններում լարվածության պատճառ է դարձել: Թուրքիայում Իլհամ Ալիևին մեղադրում են սիոնիստ ագրեսորներին պաշտպանելու մեջ: Ինչո՞ւմ է դրսևորվում Անկարայի ու Բաքվի միջև լարվածությունը: Թեմային՝ «Հորիզոնի» տաղավարում անդրադարձել է Արտյոմ Երկանյանը: «Առայժմ այդ լարվածությունը դրսևորվում է թուրքական մամուլում հակաադրբեջանական հոդվածների շարքով: Եվ տպավորություն կա, […] ...
21:51 17.06.2025
«Նոայի» մրցակիցը հայտնի է․ ՉԼ որակավորման փուլՇվեյցարիայի Նիոն քաղաքում տեղի է ունեցել ՈւԵՖԱ-ի Չեմպիոնների լիգայի 2025/26 մրցաշրջանի առաջին որակավորման փուլի վիճակահանությունը։ Հայաստանի չեմպիոն «Նոան» մրցելու է Մոնտենեգրոյի «Բուդուչնոստ Պոդգորիցայի» հետ։ Մրցող թիմերի միջև առաջին հանդիպումը կկայանա Երևանում։ Հանդիպումները նախատեսված են 2025 թվականի հուլիսի 8-9-ին և 15-16-ին։ Խաղերի ճշգրիտ օրերն ու ժամերը կհաստատվեն առաջիկա օրերին։ ...
21:45 17.06.2025
Իրանի ԶՈՒ ԳՇ պետ. Իրանը դեռևս լուրջ գործողություններ չի իրականացրել Իսրայելի դեմԻրանը դեռևս որևէ լուրջ գործողություն չի իրականացրել Իսրայելի դեմ, այլ սահմանափակվել է նախազգուշական հարվածներով։ Այս մասին հայտարարել է Իսլամական Հանրապետության զինված ուժերի գլխավոր շտաբի պետ Աբդուլռահիմ Մուսավին։ «Մինչ այժմ իրականացված գործողությունները միայն որոշակի նախազգուշացում են եղել (թշնամուն) զսպելու համար», – ընդգծել է Մուսավին: Նա նշել է, որ շուտով կիրականացվեն պատժիչ գործողություններ։ ...
