16:14 31.08.2023
ՀՀ ԿԳՄՍ նախարարի տեղակալ Դանիել Դանիելյանն այսօր այցելել է Հայաստանի ազգային կինոկենտրոն: Այս մասին հայտնում են ԿԳՄՍ նախարարությունից:
Դանիել Դանիելյանը կինոկենտրոնի տնօրեն Շուշանիկ Միրզախանյանի ուղեկցությամբ շրջայց է կատարել կառույցում, ծանոթացել կինոկենտրոնի տարածքին և կառուցվածքին՝ բաժիններին և դրանց գործառույթներին:
Տնօրեն Շուշանիկ Միրզախանյանը ներկայացրել է կինոյի ոլորտի առանձնահատկությունները, առկա գործընթացները, հայաստանյան ու միջազգային համագործակցությանն ուղղված առաջիկա կարևոր ծրագրերը, դրանց իրականացման ընթացքը:
Հանդիպման ընթացքում անդրադարձ է կատարվել նաև Հայ կինոյի 100-ամյակի շրջանակում իրականացվող և նախատեսվող միջազգային ծրագրերին: Դանիել Դանիելյանի նշմամբ՝ նախարարությունը մշտապես պատրաստակամ է նպաստելու միջազգային արդյունավետ նախաձեռնություններին, որոնք ուղղված են համատեղ նախագծերի իրականացմանը և բխում են ոլորտի զարգացման տեսլականից:
Նախարարի տեղակալը հետաքրքրվել է կինոարտադրության ոլորտում առկա խնդիրներով: Այցի ընթացքում քննարկվել և նախանշվել են դրանց լուծման հնարավոր տարբերակները: Այնուհետև Դանիել Դանիելյանն առաջարկել է քննարկումը շարունակել առաջիկայում՝ ոլորտի մյուս պատասխանատուների մասնակցությամբ՝ կինոարտադրության ոլորտում առավել արդյունավետ կարգավորումների ներդրման և կիրառման նպատակով: Այս համատեքստում Դանիել Դանիելյանը կարևորել է «Կինեմատոգրաֆիայի մասին» ՀՀ օրենքով սահմանված կարգավորումները և ներկայում ՀՀ Ազգային ժողովի կողմից շրջանառվող «Կինեմատոգրաֆիայի մասին» օրենքում լրացումներ և փոփոխություններ կատարելու մասին» օրենքի նախագիծը, որը կնպաստի ոլորտում միջազգային համագործակցության ընդլայնմանը և կինոարտադրության զարգացմանը:
21:39 01.05.2025
Զբաղվածության պետաջակցության ծրագիր` ԼՂ-ից բռնի տեղահանվածների համարԶբաղվածության պետաջակցության ծրագիր` ԼՂ-ից բռնի տեղահանվածների համար: Պետությունը խրախուսում է գործատուներին աշխատանքային հարաբերությունների մեջ մտնել թիրախային խմբի ներկայացուցիչների հետ 3 բաղադրիչով՝ ուսուցում, պրակտիկա և աշխատանք: Այս մասին հայտնել են ՀՀ կառավարությունից: Մանրամասները՝ տեսանյութում: ...
21:21 01.05.2025
Տեղի է ունեցել Հայաստանի Հանրապետության Համընդհանուր պարբերական դիտարկման չորրորդ շրջանի զեկույցի քննարկումըՄայիսի 1-ին Ժնևում՝ ՄԱԿ Համընդհանուր պարբերական դիտարկման (ՀՊԴ) աշխատանքային խմբի 49-րդ նստաշրջանի շրջանակներում, տեղի է ունեցել Հայաստանի Հանրապետության կողմից ներկայացված 4-րդ շրջանի ազգային զեկույցի քննարկումը: Զեկույցն անդրադառնում է վերջին 4.5 տարիների ընթացքում Հայաստանում մարդու իրավունքերին առնչվող զարգացումներին, խնդիրներին և հեռանկարներին: Զեկույցի նախապատրաստման աշխատանքներն իրականացվել են ՀՀ ԱԳ նախարարության համակարգմամբ՝ բոլոր շահագրգիռ գերատեսչությունների ներգրավմամբ, տեղի են […] ...
21:11 01.05.2025
Ժամանակավորապես կդադարեցվի Երևանի և մարզերի որոշ հասցեների էլեկտրամատակարարումը«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ մայիսի 2-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Արաբկիր վարչական շրջան՝ 11։00-17։00 Ձորափի փ. 70/2, 74 շենքեր, Ռիգայի փ. 12-14 առանձնատներ, Քոչարի փ. 41-139 առանձնատներ, Աճառյան փ. 37/7-39/8 առանձնատներ, Երևանի Մալաթիա-Սեբաստիա վարչական շրջան՝ 10:00-16:00 Լուկաշինի 1, 2, 3 փողոցներ և հյուսիս-հարավ […] ...
20:51 01.05.2025
Պայթյուն Երևան քաղաքի Սարյան փողոցում. կան տուժածներՄայիսի 1-ին, ժամը 19:31-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Սարյան փողոցի 2/2 հասցեի մոտակայքում ավտոմեքենայում տեղի է ունեցել պայթյուն․ կան տուժածներ։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և ոստիկանության կարգախմբեր։ Պարզվել է, որ «Opel» մակնիշի ավտոմեքենայում տեղի է ունեցել գազաբալոնի պայթյուն․ […] ...
20:36 01.05.2025
Իրանը կշարունակի ԱՄՆ-ի հետ արդյունքների հասնելուն ուղղված բանակցություններըԻրանը կշարունակի վճռականորեն մասնակցել Միացյալ Նահանգների հետ արդյունքների վրա կենտրոնացած բանակցություններին՝ իր միջուկային ծրագրի շուրջ տարաձայնությունները լուծելու համար։ Այս մասին նշվում է Իսլամական Հանրապետության արտաքին գործերի նախարարության հայտարարության մեջ, որը տարածվել է երկխոսության հաջորդ փուլը հետաձգելու որոշումից հետո։ «Բանակցությունների հենց սկզբից իրանական պատվիրակությունը բարեխղճորեն ուրվագծել է հստակ շրջանակ, որը հիմնված է մեր երկրի սկզբունքային դիրքորոշումների […] ...
