16:06 21.12.2023
Մրցակցության պաշտպանության հանձնաժողովի և Ամերիկայի առևտրի պալատի համագործակցությամբ տեղի է ունեցել «Մրցակցային մշակույթի զարգացումը Հայաստանում» խորագրով միջոցառում գործարար համայնքի ներկայացուցիչների համար:
Միջոցառումը կազմակերպվել էր ՀՀ-ում գործունեություն ծավալող հակամենաշնորհային կոմպլաենս ներդրած ընկերությունների փորձը, դրա կարևորությունն ու օգուտները ներկայացնելու նպատակով:
«Հակամենաշնորհային կոմպլաենսը մրցակցային էթիկայի և վարքագծի կանոններ են, որը հնարավորություն է տալիս բիզնեսին աշխատակիցների մոտ մրցակցային մշակույթ, մտածելակերպ ձևավորել և խուսափել մրցակցային իրավախախտումներից: Սա ժամանակակից աշխարհում բավականին արդյունավետ աշխատող գործիք է: Աշխարհն այսօր ասում է՝ եկեք կանխարգելենք, եկեք իրար հետ սովորենք: Հավատացեք, այդ խախտումների մի զգալի մասը կատարվում է չիմացության պատճառով, ուստի պատրաստ ենք բիզնեսի ձեռքը բռնած անցնել այդ ճանապարհը, որպեսզի ունենանք լավ բիզնես միջավայր, իսկ մեր ընկերությունները մրցունակ լինեն ամբողջ աշխարհում»,-իր խոսքում նշել է ՄՊՀ նախագահ Գեղամ Գևորգյանը՝ անդրադառնալով հակամենաշնորհային կոմպլաենսի ներդրման վերաբերյալ ուղեցույցին, որն ընդունվեց 2022 թվականին:
Ուղեցույցը մշակելիս հանձնաժողովը հաշվի է առել միջազգային լավագույն փորձը, այն վերաբերելի և կիրառելի է բոլոր, այդ թվում՝ փոքր և միջին տնտեսավարողների համար: Մի շարք ընկերություններ արդեն իսկ ներդրել են այն, որոնցից երկուսի փորձը ներկայացվեց միջոցառման ընթացքում:
ՄՊՀ անդամ Տիգրան Մարկոսյանը նշել է, որ այս հարցում հանձնաժողովն ընտրել է համոզման և ոչ հարկադրանքի ճանապարհը, ինչն ավելի արդյունավետ է: Մասնավորապես՝ բիզնեսի համար ստեղծվել են կոմպլաենսի ներդրման օրենսդրական խթաններ, այն է՝ պատասխանատվության միջոց կիրառելու դեպքերում տնտեսավարողի կողմից կոմպլաենսի ներդրումը կդիտարկվի որպես մեղմացնող հանգամանք:
Ամերիկայի առևտրի պալատի նախագահ Էլինա Մարգարյանն իր խոսքում շեշտադրել է մրցակցային մշակույթի ձևավորման և զարգացման, թափանցիկ և մրցունակ բիզնես միջավայրի առկայության կարևորությունը և այդ համատեքստում անդրադարձել իրազեկվածության մակարդակի բարձրացման հարցին՝ կարևորելով նման միջոցառումների շարունակականության ապահովումը:
Միջոցառում շրջանակում տեղի է ունեցել նաև հարց ու պատասխանի ձևաչափով քննարկում, որի ընթացքում ՄՊՀ անդամ Շուշան Սարգսյանն անդրադարձել է բարձրացված մի շարք հարցադրումների:
08:50 15.08.2025
Ստեփանծմինդա-Լարս ավտոճանապարհը բաց է
08:50 15.08.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
08:41 15.08.2025
F-35 կործանիչները տեղակայվել են Ալյասկայում. Alaska LandmineF-35 կործանիչներ են նկատվել Ալյասկայի Էլմենդորֆ-Ռիչարդսոն ռազմաօդային բազայում, որտեղ տեղի է ունենալու ռուս-ամերիկյան գագաթնաժողովը, հաղորդում է Alaska Landmine պորտալը։ «Էլմենդորֆ-Ռիչարդսոնի ռազմաօդային բազայում կա զգալի ռազմական ակտիվություն, այդ թվում՝ մի քանի F-35 կործանիչներ», – ասվում է պորտալի սոցիալական ցանցերում հրապարակված գրառման մեջ։ Կրեմլն ու Սպիտակ տունը նախկինում հայտարարել էին, որ Ռուսաստանի նախագահ Վլադիմիր Պուտինը և ԱՄՆ […] ...
08:30 15.08.2025
Լավրովը և Դարչիևը ժամանել են ԱլյասկաԱրտաքին գործերի նախարար Սերգեյ Լավրովը և ԱՄՆ-ում Ռուսաստանի դեսպան Ալեքսանդր Դարչիևը ժամանել են Ալյասկա, հաղորդում է «ՌԻԱ Նովոստի»-ի թղթակիցը։ Պուտինը և Թրամփը կհանդիպեն Անքորիջում ուրբաթ օրը՝ Մոսկվայի ժամանակով 22:30-ին: Գագաթնաժողովը տեղի կունենա Էլմենդորֆ-Ռիչարդսոնի ռազմաբազայում: Քաղաքական գործիչները նախ կհանդիպեն տետ ա տետ, ապա՝ պատվիրակությունների մասնակցությամբ, այնուհետ բանակցությունները կշարունակվեն աշխատանքային նախաճաշի շուրջ: ...
08:20 15.08.2025
Չինաստանը հունվար-հուլիս ամիսներին նավթի արտադրությունն ավելացրել է 1.3%-ովՉինաստանի էներգետիկ հատվածում հունվար-հուլիս ամիսներին տարեկան կտրվածքով նավթի և գազի արտադրության աճ է գրանցվել համապատասխանաբար 1.3 տոկոսով և 6 տոկոսով, հայտնում է Չինաստանի վիճակագրության ազգային բյուրոն։ Ինչպես նշվում է, նշված ժամանակահատվածում երկրի նավթագազային ընկերությունները արդյունահանել են 126,6 միլիոն տոննա նավթ և 152,5 միլիարդ խորանարդ մետր գազ։ Հրապարակված հաշվետվության համաձայն՝ հուլիսին նավթի միջին օրական արտադրությունը հասել […] ...
08:10 15.08.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Ըստ Ճանապարհային դեպարտամենտի՝ ճանապարհաշինական աշխատանքներով պայմանավորված՝ հուլիսի 4-ից Մ-1 միջպետական ճանապարհի (Երևան-Գյումրի) կմ38+030 հատվածից (Ուջանի մոտից) երթևեկությունը կտեղափոխվի Հյուսիս-հարավի նորակառույց ճանապարհ։ ...
08:00 15.08.2025
Բախվել են ավտոմեքենաներ․ կա տուժածՕգոստոսի 15-ին, ժամը 01:19-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Իտալիայի և Գրիգոր Լուսավորիչ փողոցների խաչմերուկում տեղի է ունեցել ՃՏՊ, կան տուժածներ․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ բախվել են «Mazda» և «Chevrolet» մակնիշների ավտոմեքենաները: […] ...
