20:17 27.09.2018
Ամասիայի տարածաշրջանի բարձրադիր հատվածում գտնվող Արդենիս լիճը, որը «Արփի լիճ» ազգային պարկում է ներառված և համարվում է հատուկ պահպանվող տարածք, վտանգված է: Ծովի մակարդակից 2050 մետր բարձրության վրա գտնվող բնական աղբյուրներից գոյացած լճում և հարակից տարածքում ոչնչացել են եղած կենդանական ու բուսական հազվագյուտ տեսակները: Այս մասին բարձրաձայնել են հարևանությամբ ապրող արդենիսցիները:
Շաքրո Ղազարյանը մոտ 30 տարի է՝ ապրում է Արդենիս գյուղում: Ընտանիքով եկել են Ջավախքից: Բնության ու որսորդության սիրահարը Հայաստանի ցրտաշունչ բնակավայրում տարիներ առաջ զբաղվել է իր տան հարևանությամբ գտնվող Արդենիս լճի պահպանմամբ: Մամռակալած տարածքը ընկերներով մաքրել են, անտառ են ստեղծել, բնական լճում ձկնատեսակներ պահել:
«Էստեղ տոննաներով ձուկ կթափիր էդ տարիներին, գյուղացոնց հարցրեք, գյումրեցոնց հարցրեք, ձկնորսներին հարցրեք»,- իր հիշողություններով կիսվեց Շաքրո Ղազարյանը։
Հիմա լճում ձկների ու նույնիսկ գորտերի եզակի տեսակները վերացել են, շրջակայքում եղած ուռենիներն էլ՝ ամբողջությամբ չորացել, պատճառը՝ տարիներ շարունակ խոզաբուծարանից թափվող կեղտաջրերն են ու կաթի վերամշակման արտադրամասի թափոնները:
Լճին մոտի գտնվող անասնապահական ֆերման պատկանում է Ղարիբյանների ընտանիքին, նրանց որդին էլ խոշորացված Արփի համայնքի ղեկավարն է: Տնտեսությունը տարեցտարի ընդլայնվել է, Արդենիսի լիճ լցվող թափոնների ծավալներն էլ հետը: Սեփականատերն ասում է, թե ինքն էլ գիտի, որ վնասներ է հասցնում, բայց խնդիրը թողել է չլուծված:
Լճի վիճակի ու էկոհամակարգին սպառնացող վտանգների մասին մի քանի գյուղացիների բարձրաձայնելուց հետո սեփականատերերը նոր միջոցներ են ձեռնարկել: Այժմ կեղտաջրերի հոսքը կանխվել է ժամանակավոր տարբերակով ՝ հողե պատվար են կառուցել:
«Ժամանակի ընթացքում դա կլցվի ու մի օր էլ կարող է միանգամից պոկվել ու ամբողջությամբ լցվել լիճը»,- պատվարի նշանակությունն այսպես պարզաբանեց արդենիսցի Զորկին Իսպիրյանը։
«Արփի լիճ» ազգային պարկի և Բնապահպանության նախարարության մասնագետները նոր են ուսումնասիրություններ անելու ու պարզելու վնասների չափը: Ղարիբյանները չեն ընդունում, որ լճի ձկնատեսակներն իրենց ֆերմայի պատճառով են վերացել, ավելին՝ պնդեցին, որ Արդենիսում ձուկ չի եղել:
Սեփականատիրոջը նաև առաջարկվել էր խնդիրը լուծելու համար սեպտիկ հոր կառուցել, եկել էին, չափագրել ու գործը գնահատել շուրջ 71 միլիոն դրամ, որից Ղարիբյանները հրաժարվել էին: Հիմա լուծման օպտիմալ ու համեմատաբար էժան տարբերակը կոյուղատար անցկացնելն է: Սեփականատերը համաձայնել է ու խոստացել աշխատանքները մինչև ձմեռ ավարտել:
21:49 15.05.2025
Մայիսի 15-ը՝ կլիմայի միջազգային օրՄայիսի 15-ին աշխարհը նշում է Կլիմայի միջազգային օրը՝ վերստին ընդգծելով կլիմայական ճգնաժամի համաշխարհային նշանակությունն ու դրա հաղթահարման հրատապությունը։ Այս մասին հայտնել են ՀՀ շրջակա միջավայրի նախարարությունից: 1980-ականների վերջերից ի վեր կլիմայի փոփոխության վերաբերյալ քննարկումները դուրս են եկել գիտական շրջանակներից՝ դառնալով միջպետական բանակցությունների, քաղաքացիական շարժումների ու տնտեսական ռազմավարությունների առանցքում։ Այս օրը կոչ է՝ գիտակցելու մարդկային գործունեության […] ...
21:33 15.05.2025
Արգելափակված քաղաքացիներ, փլատակների տակ մնացած մեքենա. երկրաշարժի իմիտացիա ԵղեգնաձորումՄայիսի 13-ին «Վարվելակերպի կանոնները ուժգին երկրաշաժի դեպքում» թեմայով վարժանքը իրարանցում էր առաջացրել Եղեգնաձորում։ Փրկարար ծառայության հրամանատարաշտաբային ուսումնական վարժանքին հետևում էին Վայոց ձորի մարզային և քաղաքային իշխանության ներկայացուցիչներ, ՆԳՆ ոստիկանության ծառայողներ, դիտորդներ, քաղաքացիներ։ Այրվող հյուրանոց, արգելափակված քաղաքացիներ, փլատակների տակ մնացած մեքենա… Ըստ սցենարի՝ փրկարարները պետք է հյուրանոցից հնարավորինս արագ դուրս բերեին արգելափակված քաղաքացիներին, մարեին հրդեհը, փլատակում […] ...
21:25 15.05.2025
Դե Բրույնեն նախապատվությունը տալիս է իտալական ակումբին«Մանչեսթեր Սիթիի» կիսապաշտպան Կևին Դե Բրույնեն մտադիր է տեղափոխվել «Նապոլի», գրում է Daily Mail-ը: Բելգիացին, որը պաշտոնապես հայտարարել է մրցաշրջանի ավարտից հետո անգլիական ակումբից հեռանալու մասին, նախապատվությունը տալիս է «Նապոլիին», քանի որ շատ է ցանկանում աշխատել թիմի գլխավոր մարզիչ Անտոնիո Կոնտեի հետ: Իտալական ակումբը 33-ամյա ֆուտբոլիստին առաջարկում է 2 տարվա պայմանագիր: Դե Բրույնեի ծառայություններով հետաքրքրված […] ...
21:19 15.05.2025
Հիմնանորոգվում է Ջրվեժից Գառնի տանող 14.7 կմ երկարությամբ ճանապարհը. ՏԿԵ նախարարՀՀ ՏԿԵ նախարար Դավիթ Խուդաթյանը Ֆեյսբուքի իր էջում տեղեկացրել է, որ հիմնանորոգվում է Ջրվեժից Գառնի տանող 14.7 կմ երկարությամբ ճանապարհը: Մանրամասները՝ տեսանյութում: ...
21:10 15.05.2025
Երևանի և մարզերի որոշ հասցեների էլեկտրամատակարարումը ժամանակավորապես կդադարեցվի«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ մայիսի 16-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Կենտրոն վարչական շրջան՝ 11։00-17։00 Ձորափի փ. 130՝ «Մանկական երկաթուղի» և հարակից ոչ բնակիչ-բաժանորդներ, Հրազդանի Կիրճ 9՝ «Լադա» ՍՊԸ, Հովհանիսյան առանձնատուն, Լեոյի փ. 20-101 առանձնատներ, Կոնդ թաղ. 53-99 առանձնատներ և հարակից ոչ բնակիչ-բաժանորդներ, Մաշտոցի […] ...
20:58 15.05.2025
«Վիլյառեալը» մոտ է ՉԼ ուղեգիր նվաճելունԻսպանիայի Լա լիգայի 36-րդ տուրում «Վիլյառեալը» սեփական դաշտում 3-0 հաշվով հաղթել է «Լեգանեսին»։ «Վիլյառեալը» միավորների քանակը հասցրել է 64-ի և 5-րդ տեղում է։ Մարսելինո Գարսիա Տորալի գլխավորած թիմը Չեմպիոնների լիգայի գոտում է, 6-րդ տեղը զբաղեցնող «Բետիսից» այժմ առաջ է 6 միավորով ու մոտ է ակումբային գլխավոր եվրագավաթի ուղեգիր նվաճելուն։ ...
