13:21 29.10.2018
«Օրենքը այդքան քննադատում եք, ասում եք՝ բերել ենք, պարտադրել ենք։ Իսկ ինչի՞ համար ենք բերում այս օրենքը։ Կարո՞ղ է բերում ենք, որ Ալենը կամ Լենա Նազարյանը, կամ մյուսը անցնեն Ազգային ժողով։ Բերում ենք, որ քաղաքական դաշտում, այն քաղաքական դաշտը, որը Դուք, Ձեր գործընկերների հետ ձեր ցինիկ ելույթներով, ձեր հաղորդումներով, ձեր հարցազրույցներով ոչնչացրել եք, նորից հնարավորություն ունենա վերականգնվելու»,- Ազգային ժողովի ամբիոնից ՀՀԿ պատգամավոր Արմեն Աշոտյանին պատասխանեց «Ելք» խմբակցության պատգամավոր Ալեն Սիմոնյանը։
Մինչ այդ ելույթ ունենալիս Աշոտյանը ասել էր, որ նույնիսկ ընդդիմախոսների ծիծաղն է գալիս այն փաստարկից այն դեպքում, թե ՀՀԿ-ն կողմ է ռեյտինգային ընտրակարգը հանելուն այն դեպքում, երբ ռեյտինգային ընտրված պատգամավորների մի մասը կողմ է օրենսգիրքը փոխելուն։
«Այսինքն՝ ես, Արփինեն, Շարմազանովը կո՞ղմ ենք ռեյտինգային համակարգին։ ՀՀԿ-ի ռեյտինգային համակարգի ներկայացուցիչների մի մասը այլևս ՀՀԿ-ի քաղաքական դիրքորոշումների մեջ չեն, համահունչ չեն, առանձին են աշխատում։ Այս փաստարկները մի՛ բերեք ընդհանրապես»,- նշել էր Աշոտյանը։
Սիմոնյանը պատասխանեց նաև Աշոտյանի այն խոսքերին, որ Հանրապետականը դեմ է քվեարկելու։
«Ուզում եք՝ քվեարկեք, ուզում եք՝ մի՛ քվեարկեք։ Ժողովուրդը արդեն ձեր համար որոշել է, որ չի քվեարկելու։ Ես հասկանում եմ վերջին մոհիկանի և վերջին վատություն անելու ձեր ցանկությունը, բայց Դուք դրանով պատմության մեջ չեք մնալու, պարո՛ն Աշոտյան»,- ասաց Սիմոնյանը։
Նա հայտարարեց, որ «Ելք» խմբակցությունը կողմ է քվեարկելու Ընտրական օրենսգրքի փոփոխություններին։
23:59 10.05.2025
Երևանի բոլոր վարչական շրջաններում շարունակվում են փոսային նորոգումներըԵրևանի բոլոր վարչական շրջաններում շարունակվում են փոսային նորոգումները: Արդեն իսկ կատարվել են շուրջ 19.000 քմ աշխատանքներ։ Այս մասին հայտնել են Երևանի քաղաքապետարանից: Աշխատանքների սկզբնական փուլում ֆրեզով կտրվում են ասֆալտբետոնե ծածկի վնասված հատվածները, որից հետո մաքրվում են փոշուց, բիտումապատվում, այնուհետև տեղադրվում է ասֆալտբետոնե նոր ծածկ: Մանրամասները՝ տեսանյութում: ...
23:58 10.05.2025
Լարսը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:56 10.05.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:54 10.05.2025
Ավարտվել է կարատեի Եվրոպայի մեծահասակների 60-րդ առաջնությունըԿ. Դեմիրճյանի անվան մարզահամերգային համալիրում ավարտվել է կարատեի Եվրոպայի մեծահասակների 60-րդ առաջնությունը: Առաջնությունն անցկացվել է ՀՀ կրթության, գիտության, մշակույթի և սպորտի նախարարության աջակցությամբ` Հայաստանի կարատեի ֆեդերացիայի և միջազգային գործընկերների հետ համագործակցությամբ: Այս մասին հայտնել են ԿԳՄՍ նախարարությունից: Եվրոպայի առաջնության եզրափակիչ մենամարտերին հետևել և մրցանակակիրներին պարգևատրել են ԿԳՄՍ նախարար Ժաննա Անդրեասյանը և նախարարի տեղակալ Հասմիկ Ավագյանը, […] ...
23:42 10.05.2025
Մակրոնը չի բացառում Արևմտյան զորքերի տեղակայումն ՈւկրաինայումՖրանսիայի նախագահ Էմանուել Մակրոնը չի բացառում Ուկրաինայում մի քանի հազար արևմտյան զինվորականներ տեղակայելու հնարավորությունը։ «Գլխավոր տարրը զորքեր ունենալն է Ուկրաինայում: Կարող է լինել մի քանի հազար, բայց ոչ հարյուր հազարավոր։ Հարցը թվերը չեն։ Հարցն այն է, որ մենք այնտեղ կլինենք պահեստային ուժեր ապահովելու համար՝ օդում կամ առաջնագծից հեռու ռազմավարական դիրքերում», – ասել է Մակրոնը Le […] ...
23:26 10.05.2025
«Միլանն» ու «Ինտերը», հնարավոր է, հանդիպումներ անցկացնեն ԱՄՆ-ումԻտալիայի Ա Սերիայի նախագահ Էցիո Մարիա Սիմոնելին «Միլանին» ու «Ինտերին» առաջարկել է 2026 թ. տարեսկզբի հանդիպումներն անցկացնել ԱՄՆ-ում, հայտնում է Football Italia-ն։ Բանն այն է, որ երկու ակումբների տնային ստադիոնում`«Սան Սիրոյում» վերանորոգման աշխատանքներ են տեղի ունենալու` կապված փետրվարի 6-ից 22-ը Միլանում անցկացվելիք ձմեռային 25-րդ Օլիմպիական խաղերի հետ։ «Սան Սիրոն» հունվարի 10-ից փետրվարի 8-ը փակ կլինի, […] ...
